Многумина дури сега го дознаа вистинското име на Вин Дизел (ВИДЕО) - Канал 5

Шоу биз

Многумина дури сега го дознаа вистинското име на Вин Дизел (ВИДЕО)

Иако се чини дека името на Вин Дизел е создадено само за филмската индустрија, дали знаевте дека тоа всушност воопшто не е неговото вистинско име?

Вин Дизел

Актерот го открил своето вистинско име уште во 2005 година, додека гостуваше во „The Ellen Show“, една година пред филмот „The Fast and the Furious: Tokyo Drift“ да се појави во кината. Елен веднаш ја започнала темата, коментирајќи како Вин Дизел едноставно не може да биде неговото вистинско име.

„Знаеш што? Не е“, рече Дизел низ смеа. Тогаш открил дека неговото вистинско име нема никаква врска со името по кое денес го познава целиот свет. „Моето вистинско име е Марк Винсент“, рече тој, објаснувајќи дека го смислил прекарот „Вин Дизел“ додека работел како обезбедувач. Тој и неговите колеги тогаш користеле „лажни имиња“ во случај некогаш да западнат во неволја.

„Само што почнаа да ме викаат Вин Дизел, поради некоја луда причина“, се присетил тогаш низ смеа. Елен веднаш направила врска дека „Вин“ потекнува од неговото вистинско презиме Винсент, но не ѝ беше јасно од каде потекнува „Дизел“.

„Во Њујорк, кога имаш малку прекумерна тежина, велат „тој е Дизел“, ѝ објаснил актерот.

YouTube video

Иако оваа приказна ја раскажал пред речиси 20 години, некои од неговите обожаватели дури сега го откриваат вистинското значење на неговото име. На Reddit, еден корисник напиша: „Смешно е, дури и со име како Вин Дизел никогаш не ни помислив дека тоа можеби не е неговото вистинско име“, а многумина се согласија со него.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер