ММА ѕвездата Мекгрегор му даде понуда за Челзи на Абрамович, сите му се смеат - Канал 5

Други спортови

ММА ѕвездата Мекгрегор му даде понуда за Челзи на Абрамович, сите му се смеат

Конор Мекгрегор пред неколку дена изрази интерес за купување на Челзи, откако Роман Абрамович објави дека англискиот клуб се продава за три милијарди фунти.

ММА ѕвездата Мекгрегор му даде понуда за Челзи на Абрамович, сите му се смеат

Сега ирската ММА суперѕвезда отиде чекор понатаму и испрати понуда. Барем преку Твитер, за половина од бараната сума.

„На овој начин ја пласирам мојата понуда од една и пол милијарда фунти“, напиша Мек Грегор како коментар на веста за цената што ја постави рускиот олигарх. Не е јасно колку е сериозен поранешниот шампион на УФЦ, но тој претходно покажа интерес да го купи и Манчестер Јунајтед.

Проблемот е што тој во моментов нема ни приближно доволно пари за оваа неформална „понуда“, а камоли колку што бара Абрамович. Мек Грегор минатата година го продаде својот бизнис со виски за 150 милиони долари, ставајќи го на врвот на листата на Форбс на спортисти кои заработиле најмногу во 2021 година со 180 милиони долари.

Најголемиот профит го направил од борбата во кариерата со боксерската легенда Флојд Мејведер, кога заработи околу 100 милиони долари. Иако тврди дека неговата заработка од продажбата на компанијата ќе надмине 700 милиони во следните неколку години, ни тоа нема да биде доволно без да собере конзорциум или да земе голем кредит.

Набргу по првата објава на Мек Грегор дека сака да го купи Челзи, се појави урнебесно меме кое го покажува „одговорот“ на клубот: „Ви благодариме, но ако сакавме луд Ирец на чело на клубот, ќе го земевме Рој Кин за менаџер“. Веројатно од силна желба да се биде реален, некои медиуми дури го пренесоа мемето како официјален одговор на Челзи.

Сепак, колку и да е искрена или возможна амбицијата на Конор, не е реално тој да заврши како нов сопственик на Челзи. Светските медиуми пишуваат дека Абрамович веќе добил десетина сериозни понуди, меѓу кои се издвојуваат оние на турскиот бизнисмен Мухсин Бајрак и американско-швајцарскиот конзорциум предводен од Тод Боели и Хансјорг Вис.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нови цени на горивата: Бензинот поскапува за 3 денари, дизелот за 4,5 денари

Регулаторната комисија за енергетика, водни услуги и услуги за управување со комунален отпад донесе Одлука со која се врши зголемување на малопродажните цени на нафтените деривати во просек за 4,55% во однос на одлуката од 20.7.2026 година.

Нови цени на горивата: Бензинот поскапува за 3 денари, дизелот за 4,5 денари

Референтните цени на нафтените деривати на светскиот пазар во споредба со претходната пресметка бележат зголемување и тоа во просек: кај бензините за 6,229%, кај дизелот за 7,442%, кај екстра лесното масло за 8,051% и кај мазутот зголемувањето е за 8,159%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,0397%.

Од 28.7.2026 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 93,00 (денари/литар)

Моторен бензин ЕУРОСУПЕР БС - 98 95,00 (денари/литар)

Дизел гориво ЕУРОДИЗЕЛ БС (Д-Е V) 98,50 (денари/литар)

Масло за горење Екстра лесно 1 (ЕЛ-1) 98,00 (денари/литар)

Мазут М-1 НС 48,099 (денари/килограм)

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 3,00 ден/лит.

Малопродажната цена на ЕУРОДИЗЕЛ (Д-Е V) се зголемува за 4,50 ден/лит.

Малопродажната цена на Екстра лесното масло за домаќинство (ЕЛ-1) се зголемува за 5,00 ден/лит.

Малопродажната цена на Мазутот М-1 НС се зголемува за 2,726 ден/кг. и сега ќе изнесува 48,099 ден/кг.

Напоменуваме дека ова се максималните цени на нафтените деривати од 00:01 часот на 28.7.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени, соопштуваат од РКЕ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран повторно ѝ се закани на Бугарија

Иран упати ново предупредување до Бугарија дека им дозволува на Соединетите држави да ги користат нејзините воени бази, што дополнително ги засили дипломатските тензии меѓу Техеран и Софија. 

Иран повторно ѝ се закани на Бугарија

Ова е трето вакво предупредување, а следуваше набргу откако американскиот претседател Доналд Трамп му се заблагодари на бугарскиот премиер Румен Радев за поддршката, пишува Euronews.

Во изјавата на социјалните мрежи, портпаролот на иранското Министерство за надворешни работи Есмаил Багаи рече: „Оние кои донесуваат одлуки во Бугарија мора да сносат одговорност за опасната одлука да бидат домаќини на американски авиони за полнење гориво во нивните воени бази“.

„Заемна почит“

Во соопштението се додава дека Техеран верува дека ова не е изолиран случај и тврди дека во минатото биле донесени слични одлуки за „поддршка на американските воени операции против Иран“. „Бугарскиот народ многу добро знае дека иранскиот народ никогаш немал никакви проблеми со Бугарија.

Со децении односите меѓу нашите два народи се засноваа на взаемно почитување“, се заклучува во пораката на иранското министерство. Последната реакција на Техеран дојде само неколку дена откако американскиот претседател Доналд Трамп јавно му се заблагодари на бугарскиот премиер на социјалната мрежа Truth Social.

„Ви благодарам, премиере Радев! Бугарија стои со Трамп и го поддржува распоредувањето на американската воздухопловна база и покрај заканите од Иран“, напиша Трамп.

Министерот за одбрана го минимизира ризикот

Ваквата размена на пораки предизвика загриженост во Бугарија, но министерот за одбрана Димитар Стојанов се обидува да ја смири јавноста. Говорејќи за бугарската телевизија bTV, Стојанов рече дека не е загрижен за можноста од ирански ракетен напад врз Бугарија, но призна дека „се е можно“.

Кога станува збор за стравот од потенцијални терористички напади, министерот тврди дека ризикот сега е помал отколку во периодот кога на цивилниот аеродром беа стационирани американски воени авиони.

Претходно оваа недела, бугарскиот парламент го одобри преместувањето на американските авиони во воената воздухопловна база Безмер. Таа одлука предизвика протести кај локалните жители, кои стравуваат дека областа може да стане цел поради растечките регионални тензии.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Владата веднаш да ги објави анализите - врз кои параметри е одобрена употреба на техничка вода во Гостивар?

Наместо минисерот за здравство, денеска Панче Тошковски - министерот за хиперхлорирање, најави техничка вода во Гостивар.

СДСМ: Владата веднаш да ги објави анализите - врз кои параметри е одобрена употреба на техничка вода во Гостивар?

Но, резултати и анализи за водата не се објавени, Тошковски се повикува на „потврда од експерти“.

Техничката вода се користи за миење улици, наводнување паркови, противпожарни системи и за испирање тоалети.

За туширање и лична хигиена тоа зависи исклучиво од микробиолошките наоди. Врз основа на тие наоди здравствените власти може да препорачаат таа вода дали може или не може да се користи, особено кај деца, постари лица и други ранливи категории граѓани.

Одговори треба да дадат надлежните здравствени институции а не министерот за полиција.

Прашањето е следното:

Врз основа на кои параметри од анализите заклучија дека водата може да се користи како техничка?

И дали граѓаните можат безбедно да ја користат за лична хигиена?

Второ:

За ова не може да зборува инженер од животна средина или раководител на сектор за санитарна контрола од Водовод Скопје.

Институтот за јавно здравје и Марија Андоновска треба да излезат и јасно да објаснат за што точно смее да се користи оваа „техничка“ вода.

Кој стои зад оваа одлука?

Нека Тошковски и владата на Мицкоски го објават официјалниот документ со анализите на водата.

Кој го потпишал?

Кој институт?

Објавете го официјалниот документ.

Граѓаните имаат право да знаат, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер