Два дена пред венчавката, Американецот Даниел Ј. Карни (28) од Струдсбург, Пенсилванија го поминал попладнето со гостите на реката Делавер, на истокот на таа држава. Старосватицата и деверушите пловеле на даски со весла и уживале во пиво и вотка. Кога се вратиле во нивниот хотел на 30 август, неговата идна сопруга го замолила Карни да ја однесе старосватицата во нејзиниот хотел. Дваесет и деветгодишната девојка од Орегон била пијана додека Карни ја допраќал до хотелската соба.

Одеднаш, Карни ја одвлекол девојката во машката соблекувална. Полицијата соопшти дека ја однел во тушевите каде насилно ја соблекол и ја силувал.

„Вашингтон пост“ пишува дека обвинителите минатиот четврток го обвиниле Карни за сексуален напад. Полицијата соопшти дека тврдењата на деверушата дека таа била сексуално нападната, додека била во несвест е потврдена од снимките од безбедносната камера, текстуални пораки и телефонски повик.

Сепак, тоа не ги попречи плановите , па свадбата помеѓу Карни и избраничката на неговото срце сепак се одржа на 1 септември.

„Имаше тотален хаос меѓу гостите на свадбата“, изјави една жена пред полицијата.

Поточно, се појавија две различни верзии на силувањето во Shawnee Inn , во Golf Resort во округот Монро. Нападнатата 29-годишна девојка рекла во полицијата дека се сеќава само на делови од таа вечер и не се сеќава на голем дел од нападот, но е сигурна дека била нападната. Таа рекла дека испила три пива и една или две чаши вотка тој ден. Не можела да ја задржи рамнотежата на даската за пловење , а по неколку паѓања во вода, го поминала остатокот од денот во лежење.Жртвата рекла и дека кратко се разбудила додека била на подот на соблекувалната и дека чувствувала остра болка. Наводно, Карни ја гризнал, по што таа повторно се онесвестила . Невестата на Карни влетала во соблекувалната дваесет минути подоцна. Девојката и кажала на полицијата дека невестата веднаш почнала да вика кон зетот. Според судските записи, невестата го следела на паркингот на хотелот каде имала тепачка. Карни и се извинил следниот ден на старосватицата, и рекол дека не знаел што прави претходната ноќ. На денот на венчавката, 1 септември, Карни и испратил текстуална порака во која бара од неа да се однесува како да е сè во ред и и препорачал да земе пилулата за контрацепција. "Сакав да се извинам за сè. Можеме ли да бидеме денес најсреќни? Грешките се зад нас и треба да ја заборавиме оваа случка пред да се оженам. Затоа ти ја испраќам оваа порака. Те молам кажи ми 'да', те молам “, напишал зетот во пораката.

И тогаш парот се венчал.

Нападнатата старосватица и пријател на невестата отишле во полиција на 2 септември за да пријават сексуален напад. Таа рече дека се чувствувала „многу повредена и лута“.

Полицијата сега соопшти дека им била дадена појасна слика за настаните кога собрале достапните докази.

Снимките на безбедносната камера ја потврдија верзијата на деверушата. Потоа Карни ја сменил својата верзија. Полицијата подоцн добила уште еден транскрипт од телефонски повик помеѓу девојката и Карни, во кој Карни повеќе пати рекол дека е виновен за сè и дека му е жал. За време на тој повик, тој признал дека ја однел девојката во соблекувалната.

Карни во моментов чека судење , каде ќе мора да одговори на обвиненијата за напад, непристојно однесување и девијантен сексуален однос со личност без свест.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.