Забава

Младиот Александар Милошевски, државен шампион во ридски велосипедизам

Седумнаесетгодишниот Александар Милошевски од Куманово, велосипедист на клубот „Вело М Термалифт" за само година и половина со тренинг и посветеност успеа да стане државен шампион во ридски велосипедизам.

Ученикот во трета година од гимназијата „Гоце Делчев" почнал да тренира од средината на 2020-та година.

Првиот поголем успех го постигнал на државното првенство во хронометар освојувајќи го првото место во конкуренција кадети-првата трка на која воопшто учествувал. На државното првенство во планински велосипедизам постигнал значаен успех во истата конкуренција и моментно е државен ридски шампион за 2021-ва година.

Младиот велосипедист учествувал и на две европски првенства во Србија и во Италија, во Нови Сад во планински велосипедизам и во Тренто, Италија во друмски велосипедизам. Двете учества ги оценува како непроценливи.

Дневно тренира најмалку два часа, неделно од десет до дванаесет часа. Освен возење велосипед, Милошевски практикува и трчање како и тренинг за општа издржливост. Тој тренира со сите видови велосипеди, со друмски и планински, а моментално со цикло крос велосипед.

– За година и половина постигнав значајни успеси. Ридскиот велосипедизам ми е омилена дисциплина каде што сум првак. Станува збор за возење велосипед на ридски терен. Малку истражував и заклучив дека успешноста зависи од конституцијата на телото и можноста за регенерација на мускулите. Тоа за мене е предизвик, кој досега успешно го совладувам заради мојата градба на телото. За нијанса е потешка од обичната друмската трка, но мене лично ми одговара, објаснува Милошевски.

И спортскиот директор на велосипедскиот клуб „Вело М Термалифт", Марјан Петровски е задоволен од постигнатите резултати на младиот Милошевски. Клубот има одлична велосипедска школа кој континуирано создава добри велосипедисти.

– Милошевски е еден од најталентираните велосипедисти во државата. За кратко време се наметна на натпреварите во државата и надвор од неа, ја носи титулата државен шампион. Најважно за него како велосипедист од јуниорската категорија е што оваа сезона се најде на две европски првенства во планински и друмски велоспедизам и само за година и половина се наметна како еден од најуспешните. Горди сме на неговите успеси, вели Петровски.

Во натпреварувачката сезона 2021, клубот екипно е шампион во друмски велосипедски спорт и велосипедистите го освоиле најдобриот резултат во историјата на клубот. Тие се државни правци, ја носат титулата државен шампион хронометар и друмско возење, во сениорска, јуниорска и кадетска категорија.

Во однос на меѓународните трки, Петровски ја издвои победата на трката низ Албанија, „жолтата маица" што се дава на најдобриот велосипедист и „белата маица" за најмлад велосипедист, што е извонреден резултат за клубот, кој го освои второто место. Тој информираше дека клубот екипно е шампион во државата во друмско-велосипедски спорт.

Клубот е формиран 1993-та година и оттогаш е во врвот на македонскиот и балканскиот велосипедизам. Неговите спортисти се повеќекратни македонски шампиони во скоро сите категории, а Милошевски само го потврдува тој успех. Клубот ја почнува сезоната наскоро, велосипедистите ќе посветат внимание на вело-крос, дисциплина која се вози во парк-шума, во македонскиот шампионат им претстојат четири натпревари. Во февруари, идната година почнува роадбајк, каде почнуваат подготовките со Милошевски и останатите велосипедисти. Петровски најави дека тренингот ќе се спроведе во Албанија во Турција поради добрите временски услови. Тој очекува одлични резултати од сите негови велосипедисти, вклучително на Милошевски и во државата и странство.

Александар напорно се подготвува за претстојната натпреварувачка сезона. Како предност ги смета учествата на натпреварите во странство. Најдолгата рута од 160 километри ја возел во Албанија. Негова втора љубов е „цикло крос" која комбинира друмски и планински велосипедизам на која се вози со сличен велосипед кој се користи за друмско возење со подебели гуми, кој заради конфигурацијата на теренот во некои моменти бара да се носи на раце.

Професионално тренира година и половина, но љубовта кон велосипедизмот му е од најрана возраст. Секојдневно возел велосипед и дневно поминувал најмалку пет километри. Со оглед на онлајн наставата Милошевски имал потреба да се рекреира и да вози и во тој период се посветил на тренингот

– Тоа го доживував како релаксација и хоби, кое прерасна во професионален ангажман. На почеток ги истражував блиските места во кумановско, понекогаш сам, некогаш со другарите, вели Александар.

И спортскиот директор Петровски смета дека токму за време на пандемијата успеале целосно да се посветат на тренингот. Спортистите тренирале на отворено без да се групираат, почитувајќи ги здравствените мерки. Трките се одржувале слободно и во државата и светот, со почитување на мерките, пропишани од македонските и здравствените власти во земјите каде учествувале.

И во зимски услови, Александар не се откажува од тренинг.

– За среќа, кај нас зимите се благи, нема долготрајни денови со снег. Користиме професионална опрема и не ни претставува проблем. Доколку има снег или е многу студеното вежбаме на тренажер кој е сличен на статичен велосипед со понапредна технологија, вели Милошевски.

Професионално почнал да се занимава во екот на пандемијата. И годинава и покрај училишните обврски редовно успева да тренира и во истовреме е одличен ученик во природно-математичката струка.

– Ако се сака сè се може. Верувањето во стереотипот дека мора да се одбере или спорт или образование е причината поради која младите не се осудуваат да ги пробаат и двете работи. Спортот не претставува пречка за да се биде успешен на училиште и обратно, вели младиот велосипедист.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Двајца израелски војници загинаа во напад- Израел почна воена операција на Западниот Брег

Израел започна антитерористичка операција во областа Хеброн на окупираниот Западен Брег, по нападот во кој загинаа двајца војници, соопштија израелската армија и разузнавачката служба Шин Бет.

„Силите започнаа прецизни, целни и темелни пребарувања на целата област за да лоцираат и демонтираат терористичка инфраструктура и оружје, додека ги испрашуваат осомничените“, соопштија армијата и Шин Бет во заедничка изјава објавена на Телеграм доцна синоќа.

Операцијата, во која учествуваат армијата, разузнавачките служби, граничната полиција и цивилната администрација, е ограничена на подрачјето од кое дејствувале напаѓачите и се очекува да трае неколку дена, се вели во соопштението.

⚡️🇮🇱🇵🇸 — IDF and Shin Bet expanded West Bank operations, launching widespread raids and detaining suspects. A targeted counter-terrorism campaign is underway in Hebron, home to the individuals who killed Staff Sgt. Ron Jonathan Roitman and Sgt. Yuval Shai Swilem in a recent Judea shooting. — IDF / Ynet ➡️ The Hebron operation will last several days. Residents in active zones can only exit through three designated checkpoints after security screening and questioning. Anyone raising suspicion is immediately detained.
— MaxOsint Intel (@maxosintintel) October 24, 2026

Според армијата, двајца израелски војници се убиени, а тројца други се ранети во пукотница во близина на Хеброн претходно во петокот. Двајца осомничени палестински напаѓачи од Хеброн се убиени.

Нетанјаху објави затворање на сите премини кон Западниот Брег

Израелскиот премиер Бенјамин Нетанјаху рече дека безбедносните сили спречиле сериозен напад. Тој, исто така, објави планови за блокада на палестинската територија, што значи дека сите премини кон Западниот Брег ќе бидат затворени.

Парламентарни избори се одржуваат во Израел во вторник, а конфликтот со Палестинците е клучно прашање на кампањата. Десничарските политичари се обидуваат да привлечат гласачи ветувајќи остар одговор на палестинското насилство, додека најчесто избегнуваат да зборуваат за сè почестите напади од страна на радикалните израелски доселеници врз Палестинците на Западниот Брег, пренесува ДПА.

Војската соопшти дека ќе бидат преземени дополнителни мерки за подобрување на безбедноста во областа, вклучително и уривање на нелегални објекти што би можеле да претставуваат закана за безбедноста на местото на нападот. Безбедносните сили, додадоа тие, спроведуваат и антитерористички операции на десетици локации низ Западниот Брег.

На жителите на погодената област ќе им биде дозволено да ја напуштат зоната преку три назначени излези, откако ќе бидат проверени, се вели во соопштението. Мерките вклучуваат и блокада на Хеброн и Халхул и воспоставување контролни пунктови на патот.

Повеќе од 1.100 Палестинци се убиени на Западниот Брег од октомври 2023 година

Израел го зазеде Западниот Брег, заедно со Источен Ерусалим, за време на Шестдневната војна во 1967 година и оттогаш го држи под окупација. Денес, меѓу три милиони Палестинци, таму живеат околу 700.000 израелски доселеници.

Ситуацијата на окупираниот Западен Брег дополнително се влоши по масакрот извршен од Хамас во Израел на 7 октомври 2023 година и последователната војна во Газа. Според податоците на палестинското Министерство за здравство, повеќе од 1100 Палестинци се убиени на Западниот Брег од тогаш, за време на израелските воени операции, вооружени конфликти и напади.

Тагови: Западниот Брег Израел

Македонија

Македонската православна општина за Мелбурн и Викторија го одбележа Денот на македонската револуционерна борба

Молитвениот спомен за блаженоупокоениот Архиепископ Ангелариј и почитта кон македонските национални дејци ги обединија Македонците во Мелбурн во заедничко чествување на православната вера, црковната самобитност и националниот идеал.

Македонската православна општина за Мелбурн и Викторија, со пригодниот настан насловен „Чувари на верата и македонскиот идеал“, на 24 октомври 2026 година го одбележа Денот на македонската револуционерна борба и 40-годишнината од упокојувањето на Архиепископот Ангелариј.

Чествувањето се одржа во најстариот македонски православен храм во дијаспората „Св. Георгиј и Пресвета Богородица“ во Епинг, Мелбурн, кој е духовен дом на голем број македонски генерации. Програмата опфати панихида и полагање цвеќе пред споменикот на Гоце Делчев, со што им беше оддадена почит на македонските национални дејци и на нивната борба за слобода и достоинство.

По панихидата, која ја отслужи парохискиот свештеник, јерејот Климент Станковски следуваше културно-уметничка програма со свечен настап на КУД „Светлост“ и заедничко дружење.

Настанот го отвори претседателот на црковната општина, г. Дејан Змејковски, кој ја нагласи важноста од чествувањето на историските личности што со својот живот и дело придонеле за македонската национална кауза. Во своето обраќање тој ја истакна значајната улога на македонските црковни општини во Австралија во зачувувањето на националната посебност на македонскиот народ во дијаспората. Преку богослужбениот живот, културните активности и заедништвото, овие општини ја негуваат православната вера, но и ги чуваат македонскиот национален идентите, јазик и традиција за идните идните македонски поколенија на австралискиот континент.

Посебно место во чествувањето имаше молитвениот спомен за Архиепископот Ангелариј, чиј животен и свештенички пат е непосредно поврзан со македонската заедница во Мелбурн. Во 1961 година, како парохиски свештеник, бил назначен при црквата „Св. великомаченик Ѓорѓи“ во мелбурнскиот кварт Фицрој, каде што служел до 1964 година. За Македонската православна општина за Мелбурн и Викторија, споменот на Архиепископот Ангелариј е и благодарно сеќавање на свештеникот кој дал придонес во развојот на нејзиниот организиран црковен живот. Четири децении по неговото упокојување, неговото дело продолжува да живее во заедницата на која ѝ служел и во поколенијата што го продолжуваат тоа духовно наследство.

На настанот покрај многубројниот народ присуствуваа преставници на македонската заедница и активисти, како и преставници на австралиските институции. Како посебен гостин на одбележувањето присуствуваше новоименуваниот македонскиот амбасадор во Австралија, Н.Е. г. Стојанче Китаноски, кој за прв пат по предавањето на акредитивните писма е во посета на Мелбурн. Исто така би го истакнале присуството и на почитуваната г-ѓа Бронвин Халфпени, пратеничка за Томастаун во Парламентот на сојузната држава Викторија, Австралија. Амбасадорот Китаноски им го честита 23 октомври Денот на македонската револуционерна борба и им посака уште големи успеси и достигнувања во работата поеѓи нашиот народ на оваа најстара формирана црковна општина во дијаспората.

Чествувањето продолжи со посета на македонскиот манастир „Св. Климент Охридски“ во Кинг Лејк, поврзувајќи го сеќавањето на духовните и националните дејци со живата православна традиција што се негува во македонските храмови и манастири во Австралија. Амбасадорот Китаноски и гостите беа дочекани од игуменот на обителта, отецот Гаврил (Галев), кој ги запозна со историјатот на манастирот и неговата мисија помеѓу македонскиот народ.

Со пригодниот настан „Чувари на верата и македонскиот идеал“, Македонската православна општина за Мелбурн и Викторија ја потврди својата посветеност на зачувувањето на споменот на Архиепископот Ангелариј и на македонските национални дејци. Нивното наследство останува повик за продолжување на делото на зачувување на православната вера, македонскиот идентитет и живата врска со татковината Македонија.

Македонска православна општина за Мелбурн и Викторија

Судбина

Драма во Калифорнија: Камион виси од мост, возачот скокна во бездна (ВИДЕО)

Драматични снимки од Калифорнија покажуваат минувачи како брзаат да му помогнат на човек додека тој се подготвува да скокне од кабината на камион што виси над патот.

Луѓето се собираат под кабината и простираат ќебе, обидувајќи се да го ублажат неговиот пад, пренесоа Независне.

Видеото го прикажува човекот како излегува од вратата на камионот, а потоа виси над патот.

Минувачите држат простирано ќебе под него. Потоа човекот се пушта и паѓа кон толпата луѓе кои се собрале да му помогнат.

WATCH: Strangers rush to help as a man prepares to jump from a truck hanging over a California highway. Dramatic footage captures bystanders gathering beneath the dangling cab, stretching out a blanket as the man climbs through the door and hangs above the roadway before letting go. The moving truck crashes into a center divider after colliding with a sedan on I-5 in San Diego. Four occupants of the car are hospitalized, while the truck's two occupants decline medical treatment.
— Fox News (@FoxNews) October 23, 2026

Камион во движење се судрил со патничко возило на автопатот I-5 во Сан Диего, пред да удри во средната пречка.

Кабината на камионот останала да виси над патот по судирот.

Четири лица во патничкото возило се однесени во болница. Степенот на нивните повреди не е веднаш познат.

Двете лица во камионот одбиле медицинска помош.

Тагови: Калифорнија камион