Млади инженери од ФЕИТ на практикантска настава во Министерството за енергетика - Канал 5

Млади инженери од ФЕИТ на практикантска настава во Министерството за енергетика

Официјално започна летната програма за практикантска настава во Министерството за енергетика, рударство и минерални суровини.

Млади инженери од ФЕИТ на практикантска настава во Министерството за енергетика

Со средба помеѓу министерката Сања Божиновска и студентите од Факултетот за електротехника и информациски технологии (ФЕИТ), денеска официјално започна летната програма за практикантска настава во Министерството за енергетика, рударство и минерални суровини.

Како што соопштија од Министерството, ова е првата група студенти од ФЕИТ, кои ова лето ќе ја реализираат својата професионална пракса во рамки на Министерството и органите во негов состав, која има за цел задржување на младите во земјава.

-Ова не е само пракса, туку е прв чекор кон задржување на младите во нашата земја. Ги отвораме вратите на Министерството за вашите идеи, ентузијазам и знаење. Убедена сум дека ова искуство ќе биде обострано корисно – вие ќе учите од нас, но и ние од вас. Нашата енергетска иднина ја гледаме токму во новите генерации инженери, изјави министерката Божиновска на средбата со практикантите.

Оваа програма, се додава, се реализира во рамки на иницијативата на Министерството за отворање на институциите за младите луѓе – со цел да им се понудат реални можности за стручно усовршување, практични искуства и вклучување во процесите на креирање и имплементација на јавните политики во енергетиката, рударството и управувањето со минерални суровини.

Станува збор за студенти кои се во завршна фаза од своите студии и кои изразиле интерес за вклучување во работата на Министерството, преку конкретни задачи, менторство и активно учество во подготовка на анализи, извештаи, презентации и други документи од областа. Практикантската настава ќе се одвива во текот на летото, а секој студент ќе има можност да работи во одделенијата според својата професионална определба, вклучително и енергетика, обновливи извори, енергетска ефикасност и други поврзани теми.

Оваа активност е резултат на неодамна потпишаниот Меморандум за соработка меѓу Министерството и ФЕИТ, со кој се воспостави институционална рамка за поддршка на млади кадри во техничките и инженерските науки, како дел од пошироката заложба да се спречи одливот на млади професионалци од земјата.

На средбата со студентите, се посочува, министерката Сања Божиновска ја истакна важноста на оваа иницијатива и потенцираше дека младите се еден од најголемите потенцијали што ги имаме како држава.

-Со овој чекор започнуваме нешто што долго време недостасуваше – вистинска, суштинска поврзаност меѓу образовните институции и креаторите на јавните политики. Ги отвораме вратите на Министерството за вас – младите луѓе со идеи, знаење и свежа перспектива. Вие сте генерацијата што ќе го води енергетскиот сектор утре, и важно е уште денес да почнете да го разбирате неговото функционирање. Нашата цел е не само да ви дадеме можност за практично искуство, туку и да ве мотивираме да ја гледате вашата иднина тука – во вашата земја, работејќи за нејзиниот напредок, истакнала министерката Божиновска.

Програмата за студентска пракса е дел од новата иницијатива на Министерството со која им се дава приоритет на младите кадри во енергетскиот сектор. Министерството најавува дека ваквите програми ќе продолжат и во иднина со нови групи студенти, како и со проширување на соработката и со други технички факултети и образовни институции. -Со тоа се поставува темел за изградба на генерации домашни експерти кои ќе бидат директно вклучени во процесите на енергетска транзиција, иновации и развој на критичната инфраструктура во државата, наведуваат од Министерството за енергетика, рударство и минерални суровини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Зеленски: Кримскиот мост нема да остане на своето место

Претседателот на Украина, Володимир Зеленски, денес изјави дека рускиот претседател Владимир Путин го користи Кримскиот мост за префрлање голема количина воена опрема на тој полуостров и додаде дека мостот „нема да остане на своето место“.

Зеленски: Кримскиот мост нема да остане на своето место

Во интервју за „Ен-Би-Си њуз“ (NBC News), одговарајќи на констатацијата дека Путин го изградил мостот како доказ оти Крим засекогаш ќе остане дел од Русија, Зеленски изјави дека „не треба да им се придава значење на изјавите на рускиот лидер“.

„Не е важно што вели Путин за нашата земја и за Крим. Ова е наша земја. Таа е привремено окупирана. Тоа покажува целосно непочитување кон територијалниот интегритет и суверенитетот на Украина. Токму вака тој почна да се однесува по 2014 година“, рече Зеленски.

Тој нагласи дека Украина ќе продолжи да одговара на руските напади врз украинските објекти, додавајќи дека Москва мора да разбере оти Кримскиот мост нема да опстане.

Зеленски изрази надеж дека ќе се најде дипломатски начин за ставање крај на војната, но порача дека Украина ќе ја оствари таа цел „дипломатски или воено“.

Тој повтори дека Киев никогаш нема да ги прифати окупираните украински територии како дел од Русија, ниту пак ќе се согласи на натамошна милитаризација на својата земја. Кримскиот мост повторно беше нападнат во текот на ноќта на 19 ноември, по што железничкиот сообраќај преку него беше прекинат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Техеран постави „црвени линии“ за Трамп; подготвени се за договор, но...

 Иранскиот министер за надворешни работи, Абас Аракчи, денеска изјави дека Техеран сè уште верува оти дипломатијата би можела да ја стави крај на војната со Соединетите Американски Држави.

Техеран постави „црвени линии“ за Трамп; подготвени се за договор, но...

Арагчи изјави за државниот весник „Иран“ дека Техеран бара „договор со кој ќе се осигура дека нема да има повеќе војна“ и дека, пред преземањето на натамошни чекори, бара гаранции оти Вашингтон сериозно пристапува кон преговорите, пренесе Ројтерс.

Тој додаде дека Иран со посредниците разговарал за формата и природата на мерките за градење доверба. Како една од „црвените линии“ за Иран, тој го наведе задржувањето на збогатениот ураниум во земјата, но изрази уверување дека е можно да се постигне „праведно решение“.

Американскиот претседател Доналд Трамп во петокот изјави дека Иран сака договор, но не под услови што би биле прифатливи за него. „Тие сакаат договор, но не сакаат договор што би бил прифатлив за мене“, рече Трамп на прес-конференција .

Катарски и ирански претставници се сретнаа во вторникот на разговори насочени кон „усогласување на ставовите и намалување на разликите меѓу предлозите изнесени на терен“, изјави портпарол на катарското Министерство за надворешни работи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видео: Харден испиша историја: Постигна 51 поен и го надмина Коби Брајант!

НБА ѕвездата  Џејмс Харден одигра еден од најдобрите натпревари сезонава досега во најсилното светско првенство,  и со дури 51 поен го предводеше тимот на Кливленд Кавалирс до победа над Индијана Пејсерс со 128:119, во натпревар од НБА Лигата.

Видео: Харден испиша историја: Постигна 51 поен и го надмина Коби Брајант!

На тој начин, искусниот бек стигна до својот 26-ти натпревар во НБА кариерата на кој постигнал најмалку 50 поени, со што го надмина легендарниот Коби Брајант и го зазеде третото место на вечната листа на најдобри стрелци според овој критериум во НБА. Сега, пред Харден се наоѓаат само легендите Вилт Чемберлен и Мајкл Џордан.

Ова беше и неговиот прв натпревар со 50 или повеќе поени по 22 ноември 2025 година, кога постигна 55 поени против Шарлот Хорнетс, настапувајќи за Лос Анџелес Клиперс.

Против Индијана, Харден имаше шут од поле 15 од 26, погоди седум тројки од 11 обиди и беше беспрекорен од линијата за слободни фрлања (14 од 14). Покрај 51 поен, тој забележа и шест скока и шест асистенции.

Ова беше неговиот најдобар поентерски учинок за Кливленд откако му се приклучи на тимот во февруари, а исто така стана и само шестиот кошаркар во историјата на франшизата кој постигнал 50 поени на еден натпревар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер