Млад украински пекар без оружје се спротивставува на рускиот напад - Канал 5

Живот

Млад украински пекар без оружје се спротивставува на рускиот напад

Додека Украинците ширум земјата собираа стаклени шишиња за да направат молотови коктели и се вооружуваа за да се спротивстават на рускиот напад, Павло Серветник се упатил кон кујната.

Млад украински пекар без оружје се спротивставува на рускиот напад

Последниве две недели, откако Русите извршија инвазија, тој едвај спие, работејќи по 20 часа на ден за да ги нахрани луѓето во окупираниот Керсон, јавува Си-Ен-Ен.

Секој ден, овој 28-годишник пече илјадници лебови, ги товари во својот камион или автомобил и вози низ напуштените улици, доставувајќи им ги на луѓето кои се повеќе се отсечени од надворешните резерви на храна. Овој град со речиси 300.000 жители е под руска окупација.

Керсон беше првиот голем град што падна во руски раце од почетокот на војната. Како што руската брутална инвазија на Украина влегува во третата недела, борбата за опстанок се интензивира низ целата земја.

Основните залихи се при крај, температурите паѓаат, а неколку градови се под опсада и под силен оган од руската артилерија. Обединети против заедничкиот непријател, Украинците наоѓаат начини да се спротивстават и без оружје.

„Сè ме боли, ме болат зглобовите и не можам да ја отворам вратата. Затоа е тешко“, изјави Серветник за Си-Ен-Ен во вторникот, откако помина часови и часови печејќи леб.

Пред војната, Серветник бил успешен готвач, го освоил украинскиот „MasterChef“ во 2019 година и водел пицерија во Керсон. Но, на 24 февруари Русите ја нападнаа Украина и неговиот живот се променил.

„Немаше леб, имаше колапс“, вели Серветник.

Додека Русите ја гранатираа неговата земја, Серветник и неговиот партнер отишле до куќата на неговите родители во село на периферијата на Керсон, очајни да избегаат од Украина.

„Влезете во автомобилот, да одиме некаде“, им рекол тој на своите родители. Но, неговите родители, кои биле сведоци на други турбулентни периоди во нивниот живот, само се смееле: "Каде би бегале? Кој не чека таму? Русите ќе бидат тука наскоро, ни велат ова е Русија сега и ние ќе продолжиме да живееме овде."

Така Серветник решил да остане и да се спротивстави. Многу пекари од Керсон или избегале или се сокриле, па Серветник ја претворил својата пицерија во пекара и почнал да пече илјадници лебови. За да нахрани повеќе луѓе, тој се поврзал и со други пекари и го дистрибуирал нивниот леб.

„Не побегнавме, не заминавме, но почнавме да ги спасуваме луѓето колку што можевме“, објаснува Серветник.

Деновите на Серветник почнуваат во зори, со товарење на леб печен во неговиот ресторан или индустриска пекара во камион. Најчесто доставува бесплатно во домовите незгружени деца и стари лица на периферијата на градот. Потоа се враќа да пече леб од пладне до доцна навечер.

Патиштата се практично празни откако руските сили го зазедоа градот на 2-ри март. Градоначалникот Ихор Кољаев на 5 март изјави дека руските сили се „населиле“ во пристанишниот град и не покажале намера да го напуштат.

Руските окупатори минатиот викенд наидоа на силен отпор, а неколку стотици жители излегоа на улиците во знак на протест, пркосејќи ѝ на руската армија. На снимката од неделните демонстрации, една постара жена пркосно погледна во објективот на камерата и тивко рече: „Спасете ја нашата земја! Нека умрат сите, заедно со Путин“.

Но, повеќето жители или побегнале или останале дома, плашејќи се од средби со руски војници кои поставија контролни пунктови низ градот.

Секое возење со кое Серветник доставува леб носи ризик, но без неговите испораки луѓето веројатно би останале гладни. Тој проценува дека нему и на неговите партнери во продавницата им остануваат состојки за уште околу две недели и не знае што ќе се случи потоа.

Неговиот рецепт за „победнички леб“ ги содржи само основните работи - тој е направен од брашно, квасец, вода и сол. Тој е поддржан и од донатори од целиот свет кои му помагаат на неговиот тим да ги покрие трошоците.

Неговиот леб стана спас за жителите на Херсон и им значи повеќе од храна.

Во Украина, како и во другите источноевропски земји, лебот има културно значење и претставува повеќе од храна.

„Во Украина мирисот на свежо печената кора од леб има посебно значење бидејќи така се пече уште од античко време“, вели Серветник.

Дури и ако Русите ја окупираат украинската земја, нема да можат да го придобијат украинскиот народ, додава Украинецот.

На прашањето за што се борат Украинците, тој одговара: „Подобро прашајте ги Русите за тоа. Ние се бориме за нашата земја, за нашата слобода“.

Тој размислувал да земе оружје и да се бори со Русите, додека не слушнал звук на пукање од тенк во близина на прозорецот од неговата куќа.

Тој бил преплашен: "Тогаш сфатив дека ќе се замрзнам и ќе умрам ако отидам на бојното поле и слушнам звук на тенк. Сфатив дека секој треба да си ја работи својата работа. Армијата да се бори, а пекарите да печат леб и помагај на луѓе."

Извор: Индекс.хр.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Пронашле змија меѓу лебот во супермаркет, експертите со предупредување: Луѓето не се свесни...

Бројот на напуштени влекачи и други егзотични домашни миленици во Велика Британија е во пораст, според организацијата за спасување животни „Pet Encounter“.

Пронашле змија меѓу лебот во супермаркет, експертите со предупредување: Луѓето не се свесни...

Експертите открија дека змија била пронајдена на полица за леб во супермаркет, а потоа била пренесена во ветеринарна клиника на преглед.

Сопствениците во финансиска криза

Не е познато дали змијата, со прекар „Трошка“, била напуштена или избегала, но „Pet Encounter“ вели дека кризата со трошоците за живот придонела за зголемување на бројот на сопственици кои предаваат змии за кои повеќе не можат да се грижат.

Организацијата спасила 21 змија од почетокот на годината, а 14 биле спасени во целата 2025 година.

Бен Николсон од организацијата истакнува дека грижата за змиите вклучува трошоци за опрема, грејни влошки и светилки, што е дополнителен финансиски товар во време на криза со трошоците за живот.

Недостаток на свест

„Бевме создадени за едукација, но сега размислуваме за промена на нашиот бизнис модел и за да станеме добротворна организација за да можеме да добиеме финансиска поддршка“, рече Николсон.

Тој рече дека недостатокот на свест за егзотичните животни и актуелните трендови, исто така, придонеле за зголемувањето на напуштањето на домашните миленици.

Николсон предупредува дека луѓето често купуваат змии без да бидат свесни за количината на грижа и внимание што му е потребна на таквото животно.

Тагови: змија леб

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тунижанец во авион сексуално нападнал онесвестена девојка, која седела до него

Маж е обвинет за сексуален напад откако 22-годишна жена изјави дека маж што седел до неа ја допирал додека била во несвест на лет на „Рајанер“.

Тунижанец во авион сексуално нападнал онесвестена девојка, која седела до него

Девојката летала од Малта до Нант на 19 јули кога изјавила дека 39-годишен Тунижанец што седел до неа наводно сексуално ја нападнал откако се онесвестила, објави Дејли Меил.

Мажот бил уапсен на аеродромот Нант на 31 август откако слегол од лет од Тунис и бил обвинет пред судија во средата. Девојката, која имала главоболка, се онесвестила кратко по полетувањето и паднала напред на масата, а потоа на рамото на сопатникот.

Кога се освестила, таа тврдела дека патникот што седел до неа ја бакнувал по вратот. Тој наводно продолжил да ја напаѓа со тоа што ја превртел на седиштето до прозорецот и ја притиснал со грбот кон себе, додека ги допирал нејзините гради под кошулата.

Жената тврдела дека конечно успеала да се оддалечи кога тој ги ставил рацете под нејзините шорцеви и ја допрел по долната облека. По слетувањето, таа му кажала на своето семејство за наводниот напад, а потоа ја известила граничната полиција, според францускиот весник „Пари мач“.

„Ранлива жена се смета за плен, дури и во авион“, наводно изјавила адвокатката на наводната жртва, Ан Бујон.

Полицајците ја испитуваат облеката на 22-годишната девојка, а таа е подложена на преглед во одделот за судска медицина на Универзитетската болница во Нант.

Според извештаите, „Рајанер“ е контактиран за детали за осомничениот, а „Дејли меил“ ја контактирал авиокомпанијата за коментар.

Осомничениот, за кој се вели дека е бездомник, потоа бил додаден на листата на барани лица, што довело до негово апсење кога повторно влегол во Франција преку Нант по летот од Тунис.

39-годишниот маж се појавил пред судија во средата и бил обвинет за сексуален напад врз ранливо лице. Според јавниот обвинител на Нант, тој „потврдил дека бил патник што седел до жртвата“, според јавниот обвинител на Нант, Антоан Лерој, но ги негирал обвиненијата. Тој ќе биде подложен на психијатриска проценка, а судењето ќе продолжи на 28 октомври.

Тагови: авион девојка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Германија со осуда на ВИ снимката на израелски министер: Ова е ужасно и недозволиво (ВИДЕО)

Германија остро ги осуди генерираните видеа од израелскиот министер за национална безбедност Итамар Бен-Гвир, на кои се прикажани палестински затвореници на транспортна лента. 

Германија со осуда на ВИ снимката на израелски министер: Ова е ужасно и недозволиво (ВИДЕО)

Критичарите ги споредија сцените со сцени од концентрациони логори, пренесува Анадолија.

Портпаролот на германското Министерство за надворешни работи, Мартин Гизе, им изјави на новинарите во Берлин дека го видел контроверзното видео. „Колку што знам, во меѓувреме е избришано, но тоа не го прави помалку ужасно. Секако, ова е целосно неприфатливо. Ужасно е“, рече Гизе. Тој нагласи дека Германија „јасно ги отфрла“ политиките и начинот на изразување на Итамар Бен-Гвир. „Нашиот став за ова е целосно јасен“, додаде тој.

Отстранети видеа

Бен-Гвир отстрани две видеа од своите профили на социјалните мрежи кои предизвикаа силни реакции поради начинот на кој го прикажуваат третманот на палестинските затвореници. Едно од видеата, објавено минатата недела, предизвика критики дека сцените потсетуваат на концентрациони логори.

Видеото прикажува заканувачки палестински затвореници во судница, со графички меурчиња за говор што сугерираат дека размислуваат за образование, храна или наргиле. Потоа, анимираниот лик на Бен-Гвир ги пробива тие меурчиња и притиска црвено копче, кое активира транспортерска лента што ги води затворениците низ вратата. Зад вратата, истите затвореници се прикажани како гладуваат, плачат и со наведнати глави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер