Млад босански кошаркар се бори за живот- си го скршил рбетот (ФОТО)

Азур Терзиќ (21), кошаркарот на КК Игман Бурча од Босна и Херцеговина, е тешко повреден во сè уште неразјаснети околности.

Тој бил пронајден во бессознание со скршен рбет во близина на дискотека во Цазин. Азур моментално се бори за живот во болница во Сараево.

Местото каде што бил пронајдена Терзиќ е објавено на Фејсбук. Објавата ја потпишуваат Харис Самарџиќ, Златан Самарџиќ и Уна Самарџиќ. Меѓу другото, во текстот се вели: „Азур е сместен во Клиничкиот центар на Универзитетот во Сараево, со целосна скршеница на рбетот, во таканаречена индуцирана/медицинска кома - за негово полесно и побрзо закрепнување, бидејќи неговиот живот е во опасност.Иако долните екстремитети му се загрозени, неговата состојба е стабилна, виталните органи не се загрозени, но неговата состојба е сè уште сериозна - затоа што сепак се работи за страшна повреда“.

Дебата „Енергетска криза и решенија за иднината“

Дебатата на тема „Енергетска криза и решенија за иднината“ денеска ќе се одржи на Факултетот за електротехника и информациски технологии (ФЕИТ) во Скопје во организација на Францускиот институт во Скопје.

На дебатата, според најавите од организаторот, експертите ќе дебатираат на темата кои се решенијата за поефикасна енергетска иднина со кои би се намалил ударот врз климата и животната средина и дали и во која мера обновливите енергии можат трајно да ги заменат фосилните горива.

-Светот и Европа се соочуваат со голема енергетска криза наспроти која се принудени да започнат со транзиција за да ги сопрат погубните последици од глобалното затоплување, велат организаторите на настанот.

Дебатата ќе ја отвори Иго Бештел, советник за култура и соработка и директор на Францускиот институт во Скопје, а учество ќе земат Михаела Жиртан, професорка на Универзитетот во Анже и експерт за обновливи енергии, Антон Чаушевски, професор на ФЕИТ, Ристо Филкоски, професор на Машинскиот факултет во Скопје и стручен советник на НВО „Центар за климатски промени“ и Виктор Андонов, советник за енергетски прашања во Владата. Модераторка на дебатата ќе биде Мила Јовановска, претседателка на НВО „Биди зелен“.

Скопје втор ден под блокада, приватниците не отстапуваат додека не се изнајде решение за долгот

И утринава продолжија блокадите на приватните превозници на клучните булевари во Скопје.

Околу 200 автобуси и денеска се поставени на крстосницата кај Мавровка и кај Црвен крст, како и на булеварот Илинденска.

Блокадите ќе останат на постојните места сè додека не се седне на маса и не се најде решение согласно законот и одлуката на Град Скопје.

Од Град Скопје највија дека денеска на прес-конференција ќе излезат со свој став.

Вчера министерот за локална самоуправа Ристо Пенов во телевизико гостување рече дека решение за проблемот на приватните превозници постои и тоа е во рацете на Советот на градот:„ Да го платат долгот кон ЈСП од два милиона евра и денес може Советот да свика седница и да и наложи на градоначалничката од одредена ставка на буџетот да го исплати долгот.

Според Пенов исто така насилно може да се тргнат автобусите од улиците, но додаде дека , се уште не се исцрпени сите можности за решение.

притисни ентер