Македонија

Митовски: Пожарот е локализиран, но опасноста демне

Градоначалникот на Општина Крива Паланка, Сашко Митовски, информира дека големите пожари во градот се локализирани, но сѐуште постои опасност од разгорување на истите.

-Позади нас е еден исклучително тежок ден, ден кој ја стави на тест нашата издржливост и солидарност. Сакам да ве информирам дека пожарот во Крива Паланка е локализиран. Ова е првата и најважна вест што сакам да ја споделам. Сепак, морам да нагласам дека опасноста од негово повторно проширување сè уште постои, особено на критичните точки. Нашите екипи остануваат на терен и будно ја следат состојбата. Благодарение на натчовечките напори на сите инволвирани, успеавме да ја ставиме ситуацијата под контрола. Успеавме да спречиме нешто што можеше да има катастрофални последици: спречено е опожарување на комплексот фабрики во населбата Карпош, како и на неколку авто плацеви. Тоа беше една од нашите главни приоритети и сум исклучително горд што успеавме во тоа, рече Митовски.

Упати благодарност до сите граѓани на Општина Крива Паланка кои беспоштедно се вклучија во борбата со огнената стихија.

-Вашата храброст и пожртвуваност беа клучни во овие моменти. Ова е доказ за нашата сплотеност и солидарност, нешто на што секогаш сум бил и ќе бидам горд. Посебна благодарност упатувам и до противпожарните екипи и градоначалниците на Ќустендил, кој и физички беше овде во Крива Паланка, Струмица и Пробиштип за нивната брза и несебична помош. Без нивната поддршка и ангажман, прашање е каков ќе беше овој ден. Нивната соработка беше од непроценливо значење и покажува колку е важна регионалната солидарност.За жал, во овој тежок ден, имаме и тажна вест. Во пожарот имаме и една жртва. Длабоко жалам за загубата на животот. Надлежните институции веќе работат на утврдување на сите околности околу овој трагичен настан. Во име на целата Општина, изразувам длабоко сочувство до семејството на починатиот, додаде Митовски.

Апелира до сите граѓани да останат внимателни и да ги следат сите упатства од надлежните служби, бидејќи опасноста сè уште не е целосно мината.

- Ќе ве информираме за секој нареден развој на настаните, заврши Митовски.

Тагови: Митовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Попладнево мирен протест на докторите по ветеринарна медицина

Ветеринарната комора на Македонија ги информира граѓаните дека во понеделник, 9 ноември 2026 година, ќе се одржи мирен протестен собир на вработените во ветеринарно-здравствениот сектор во нашата држава.

Собирот е на иницијатива на докторите по ветеринарна медицина од ветеринарните амбуланти и клиники кои ги спроведуваат превентивните мерки за здравствена заштита на животните, со поддршка на Ветеринарната комора.

* 13:00 часот – пред Агенцијата за храна и ветеринарство

* 14:00 часот – пред Владата на Република Македонија

Причина е крајно лошата состојба во секторот ,а непосреден повод е застојот во спроведувањето на превентивните мерки на терен .Со собирот, докторите по ветеринарна медицина сакаат да укажат и на недоволните буџетски средства предвидени за здравствена заштита на животните , особено потенцирано во последните две години, како и на несоодветниот институционален третман на ветеринарната професија.

Последиците од ваквата состојба го засегаат целото општество. Кога превентивните мерки доцнат, се отежнува навременото откривање и сузбивање на болестите кај животните. Тоа има последици за сточарите и за прометот со животни, а создава и ризици за безбедноста на храната и јавното здравје.

Комората во изминатиот период, преку средби и дописи, континуирано им укажуваше на надлежните институции на проблемите во секторот и на потребата од соодветно финансирање и услови за работа. Комората им дава безрезервна поддршка на колегите. Сите барања изнесени на мирниот протест ќе ги достави до надлежните институции, стои меѓудругото во соопштението од Ветеринарната комора на Македонија.

Потребни се итни чекори за продолжување на работата на терен и системски решенија што ќе обезбедат соодветно финансирање и редовно, непречено спроведување на превентивните мерки.

Тагови: ветеринарите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Судир меѓу цистерна и комбе кај аеродромот Никола Тесла во Белград

Во тешка сообраќајна несреќа што се случи утрово околу 5:30 часот, на два километри од аеродромот „Никола Тесла“ во правец кон Белград, има повредени.

Според првичните неофицијални информации, во несреќата учествувале цистерна и комбе. Возачот на цистерната останал заглавен во кабината. Набргу, со помош на пожарникари и спасувачи, тој бил извлечен од кабината и пренесен во Ургентниот центар.

Повреден е и 40-годишен маж, кој со тешки повреди е пренесен во болницата во Земун, како и 36-годишен маж, кој управувал цистерна.

Сообраќајот на овој дел од патот се одвива отежнато. Според првичните информации, цистерната превезувала цемент и нема опасност по здравјето на луѓето или по животната средина.

Тагови: сообраќајна несреќа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ајзенкот доби мандат за формирање нова влада во Израел

Поранешниот шеф на израелската војска Гади Ајзенкот доби мандат за формирање нова влада.

Мандатот му го додели претседателот Исак Херцог, по изборите на 27 октомври.

Изборните резултати не обезбедија мнозинство ниту за Ајзенкот ниту за премиерот Бенјамин Нетанјаху.

Ајзенкот најави дека ќе се обиде да формира широка национална влада што е можно побрзо.меѓу опциите се коалиција со арапските и ултраортодоксните партии или влада на единство со Нетанјаху.

Тој оцени дека на Израел му е потребно ново политичко лидерство.Како главни предизвици ги посочи заканите од Иран, состојбата во Газа и односите со Либан.

Ајзенкот најави дека ќе ги повика сите партии кои ги прифаќаат неговите политички принципи.Сепак, формирањето парламентарно мнозинство се соочува со сериозни Пречки.преговорите за формирање нова влада може да траат до шест недели.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.