Митови, преданија и легенди за петок 13-ти - Канал 5

Живот

Митови, преданија и легенди за петок 13-ти

Според многумина во светот, петок 13-ти е најнесреќниот ден во годината. Психолозите дури имаат и дијагноза за она кога тој страв е прекумерен - фобија од петок 13 или параскаведекатријафобија.

Митови, преданија и легенди за петок 13-ти

Ова прилично распространето суеверие, според некои познавачи, можеби потекнува од средниот век, а можеби дури и од библиско време. По некои преданија, тоа бил денот кога Ева го натерала Адам да го касне јаболкото, кога почнала поплавата и изградбата на Вавилонската кула. Во Новиот завет имало 13 луѓе кои зборуваат за последните Исусови искушенија на Велики четврток, ден пред распнувањето на Христос на Велики петок.

Некои историчари, пак, веруваат дека сè тоа почнало кога францускиот крал Филип Четврти затворил стотици „Темплари“ во петок, на 13 октомври 1307 година. Во „Кодот на Да Винчи“, писателот Ден Браун ја споменува егзекуцијата на темпларот Жак де Моле на петок 13. Тој, според приказната, ги проколнал папата и кралот на Франција.

Можно е и романот на Томас Лосон од 1907 година - „Петок 13-ти“ да одиграл значајна улога во ширењето на ова суеверие. Во романот, бескрупулозниот брокер го користи уверувањето за да создаде паника на Волстрит на петок 13-ти.

По 20 години, во 1927. се случил вториот најголем крах на берзата во историјата. Денот остана запаметен како „црн петок“ и тоа уште повеќе им влеа страв на Американците, па стравот се проширил и во Европа и остатокот од светот.

Стравот од бројот 13, веројатно, е поврзан и со норманскиот мит за 12 богови кои подготвиле вечера на којашто дошол непоканет 13-ти гостин - лукавиот Локи. Тој го измамил слепиот бог на темнината Ходер да го застрела богот на радоста Балдер - по што „целата земја беше обвиена во црно“, вели преданието.

Тоа наведува кон претпоставкјата дека бројот 13 се сметал за несреќен и во ерата пред Христа. Имено, историски, бројот 12 се сметал за едно цело, односно совршенство - има 12 месеци во годината, 12 олимписки богови, 12 часа на часовникот, 12 апостоли, 12 потомци на Мухамед, 12 хороскопски знаци... А, 13 ја нарушува таа хармонија.

Во многу земји, на пр., високите згради немаат 13-ти кат. Куќите на бројни улици, исто така, често го немаат бројот 13, а многу хотели, немаат соба бр. 13. Во САД се смета за несреќа ако 13 луѓе вечераат заедно, како што верувал американскиот претседател Теодор Рузвелт. Тој одбивал и да патува во петок, 13-ти.

Во Округот Сомерсет, во Велика Британија, се вели дека „оној кој го преместува креветот во петок, ги превртува бродовите на море, а во Округот Кумбрија бебињата родени во петок се ставаат на Библија. Во некои области, кој ќе се јави на лекар првпат в петок, „ја предвидува смртта“, гласи едно од верувањата.

Потстрижувањето на косата или сечењето нокти во петок исто така се смета за несреќно, а некои и не се венчаат, или одбиваат да купат куќа во петок, па и според статистиката, сѐ помалку луѓе летаат со авион на тој ден.

Од малку поведрите податоци, на петок 13-ти во 1930 година, била основана првата нудистичка колонија - во Велика Британија, во Норт Девон. Во САД, пак, на ридот над Лос Анџелес, бил откриен знакот „Холивуд“ на петок 13-ти, 1923 година. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Продолжува хаосот во Тирана: Полицијата со солзавец и водени топови ги растерува демонстрантите, тие вратија со камења (ВИДЕО)

Полицијата во Тирана денес употреби солзавец и водени топови за да ги растера демонстрантите пред Министерството за образование, откако демонстрантите фрлаа камења кон зградата и полицајците.

Продолжува хаосот во Тирана: Полицијата со солзавец и водени топови ги растерува демонстрантите, тие вратија со камења (ВИДЕО)

Ситуацијата пред Министерството за образование се затегна откако демонстрантите повторно ја нападнаа и оштетија зградата, по што полицијата интервенираше за да ги отстрани од зградата, јавува албански „Еуроњуз“.

Демонстрантите фрлаа камења кон полицајците и полициските возила, а некои се обидоа да спречат поминување на цистерна за вода стоејќи пред неа.

Полицијата соопшти дека седум полицајци се повредени за време на интервенцијата, додека голем број демонстранти го напуштија просторот пред Министерството откако употребија солзавец и водени топови.

Протестите во Тирана денеска влегоа во осмиот ден, а пред собирот на студентите и младите, албанскиот премиер Еди Рама постави столчиња пред својата канцеларија на кои напиша дијалог, но демонстрантите одговорија со кинење на столчињата и пишување на зборот „Оставка“ на хартија.

Еден демонстрант рече дека премиерот „може да види дијалог само во соништа“, додавајќи дека „дијалогот го водат оние што го следат“.

По протестот во понеделник во Тирана, уапсени се 33 лица, а против 41 лице е поднесено обвинение.

Според Управата за локална полиција во Тирана, за време на митингот повредени се седум полицајци.

Меѓу уапсените се шест малолетници, на возраст од 15 и 17 години.

Сите уапсени се осомничени за напаѓање на полицајци и возила во сини униформи со камења и тврди предмети, како и за оштетување на канти за ѓубре и сообраќајни знаци, користејќи тврди предмети и оган.

Полицијата соопшти дека за време на седумдневните протести во Тирана се уапсени вкупно 271 лице, од кои 51 имаат криминални досиеја во различни области, вклучувајќи убиство, предизвикување повреди, нелегално поседување оружје, производство и продажба на дрога, проституција, кражба, измама и фалсификување документи.

Тагови: водени топови Тирана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

НАТО испраќа авиони и дронови кон Црното Море (ВИДЕО)

НАТО ќе испрати повеќе поморски патролни авиони, радарски системи и беспилотни летала во Црното Море, соопшти воената алијанса.

НАТО испраќа авиони и дронови кон Црното Море (ВИДЕО)

НАТО ќе испрати повеќе поморски патролни авиони, радарски системи и беспилотни летала во Црното Море, соопшти воената алијанса, по серијата смртоносни напади со беспилотни летала врз бродови во регионот, кои се чини дека се поврзани со војната на Русија во Украина.

Одлуката беше објавена откако главното тело за донесување одлуки на НАТО, Северноатлантскиот совет, разговараше за безбедноста на Црното Море во седиштето на алијансата во Брисел.

Покрај авионите, беспилотните летала и радарските системи, членките на НАТО испратија или ќе испратат разузнавачки агенти и тимови за форензичка анализа на експлозиви, изјави полковникот на американската армија Мартин Л. О’Донел, воен портпарол на НАТО.

Серија напади врз бродови

НАТО не го припиша неодамнешниот бран напади на ниту една земја. Воените аналитичари веруваат дека повеќето од нападите веројатно ги извршила Русија, но Москва не ја презеде одговорноста за нив.

Минатата недела, седум морнари беа пријавени како исчезнати откако беспилотни летала погодија два хемиски танкери во близина на брегот на Црното Море на Романија, запалувајќи ги и покренувајќи нови безбедносни загрижености по клучна поморска рута што ја користи Украина.

Најмалку пет други товарни бродови беа погодени покрај бреговите на Романија и соседната членка на НАТО, Бугарија, во текот на изминатите десет дена, при што најмалку 23 морнари беа пријавени како исчезнати или мртви.

„НАТО веќе ја зајакна нашата позиција по должината на источниот дел, вклучително и капацитетите против беспилотни летала“, објави портпаролката на главната команда на НАТО, Алисон Харт, на платформата X. „Ќе продолжиме да дејствуваме обединето и да се осигураме дека сме подготвени и способни да одговориме на секоја закана и да ги заштитиме нашите милијарда луѓе“.

Тагови: НАТО Црното Море

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Спуштиле камера во „полноќната зона“ на океанот, останале шокирани од она што го виделе (ВИДЕО)

Длабоко под површината на океанот, се наоѓа свет кој се чини дека е создаден во имагинацијата на писателите на научна фантастика. 

Спуштиле камера во „полноќната зона“ на океанот, останале шокирани од она што го виделе (ВИДЕО)

Во вечната темнина, пливаат чудни суштества, некои речиси проѕирни, други со застрашувачки заби, додека некои произведуваат светлина со своите тела.

Сцените од овој малку познат дел од планетата повторно го привлекоа вниманието на јавноста благодарение на видеото неодамна снимено со длабинска камера и објавено на YouTube од BBC Earth.

Тие ја користат светлината за да се одбранат и да привлечат плен

Документарното видео „Мистериозни подводни суштества од длабочините“ ги прикажува жителите на океанските длабочини, вклучувајќи ги и животните кои живеат во таканаречената полноќна зона, каде што сончевите зраци не допираат.

За разлика од светот на кој сме навикнати, тука нема дневна светлина, а притисокот на водата станува поголем како што се зголемува длабочината. Сепак, дури и таквите услови не го спречиле развојот на разновиден живот.

YouTube video

Еден од најнеобичните феномени во длабокото море е биолуминисценцијата - способноста на организмите да создадат своја светлина. Во средина каде што има речиси целосна темнина, оваа карактеристика може да игра клучна улога во преживувањето.

Некои животни ја користат светлината за да привлечат плен, други за да комуницираат едни со други, додека за некои служи како начин да се одбранат од предатори. Светлечките медузи се особено впечатливи бидејќи нивниот сјај создава сцени што изгледаат речиси нереални.

„Океанот станува сè почуден...“

Покрај нив, во длабочините живеат организми со необични форми, со адаптирани тела и начини на движење што се значително различни од оние на животните што ги знаеме од поплитките води.

„Океанот станува сè почуден колку подлабоко одиме“, забележа еден гледач.

Реакциите на гледачите покажуваат колку истовремено може да биде привлечно и вознемирувачко она што лежи под површината.

„Прекрасно, но во исто време и застрашувачко“, напиша еден од нив.

Друг призна дека длабокиот океан го плаши повеќе од вселената, додавајќи дека необичните подводни суштества го поттикнуваат прашањето што друго би можело да се крие на места до кои луѓето никогаш не стигнале.

Тагови: камера океанот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер