Митот за „Стокхолмскиот синдром“ опстојува половина век - Канал 5

Живот

Митот за „Стокхолмскиот синдром“ опстојува половина век

Киднаперот Јан-Ерик Олсон вооружен со автоматска пушка и под дејство на наркотици влегол во банка во центарот на Стокхолм во 1973 година на денешен ден, 23 август, со зборовите на англиски јазик „Сите долу, нека започне забавата“.

Митот за „Стокхолмскиот синдром“ опстојува половина век

Тогаш почнува заложничката криза која ќе трае шест дена. Така се роди концептот познат во светот „Стокхолмски синдром“, ситуација во која киднапираните луѓе развиваат одредена приврзаност кон нивниот киднапер.

Веста за грабежот брзо се шири. Олсон зеде како заложници четири лица вработени во банката, три жени и еден маж. На местото на настанот е испратена армија од полиција, а на нишан снајперисти го имале влезот на банката.

Киднаперот ги искористил двајцата заложници како жив штит и им се заканил дека ќе ги убие.

„Често размислував за апсурдната ситуација во која се најдовме“, се присетува тогаш 23-годишната Кристин Енмарк во нејзиниот роман „Станав Стокхолмски синдром“.

Според неа, киднапираните во банката биле преплашени бидејќи биле меѓу две смртни закани, од една страна од полицијата, а од друга од киднаперите.

Олсон имаше неколку барања – три милиони круни и ослободување на неговиот помошник Кларк Олофсон, еден од најопасните криминалци во земјата.

Во обид да ја смири ситуацијата, шведската Влада ги исполни неговите барања. Цела Шведска го следеше текот на тој несекојдневен настан во земјата во живо на телевизија.

„Кога пристигна Кларк Олофсон, тој ја презеде контролата и преговараше со полицијата“, изјави за АФП Бертил Ериксон (73), фотограф кој го следеше настанот.

Олсон веднаш се смири кога пристигна Олофсон, додека Кристин Енмарк рече дека го гледа како спасител.

„Ми вети дека ништо нема да ми се случи и решив да му поверувам“, рекла таа и додала дека тогаш имала 23 години и била преплашена.

Кристин Енмарк неколку пати јавно проговори и ги бранеше своите киднапери.

„Целосно им верував на Олсон и Олофсон. Воопшто не се плашев од нив, ништо не ми направија. Тие беа многу убави“, рече таа на вториот ден од затворот за време на телефонскиот разговор со премиерот Улоф Палме.

„Знаете што ме плаши? Полицијата упадна во банката“, додаде таа.

На крајот на шестиот ден, полицијата решила да преземе акција, го пробила покривот на банката и пуштила гас во просториите. Олсон се предал, а заложниците биле ослободени.

Во преговарачкиот тим бил и психијатарот Нилс Бежерот, кој го анализирал однесувањето на киднаперите и заложниците, а подоцна го измислил терминот „Стокхолмски синдром“.

Концептот сега е спор. „Тоа не е психијатриска дијагноза“, изјави за АФП Кристофер Рам, психијатар и истражувач во Институтот Каролинска и автор на текстот со наслов „Стокхолмски синдром: психијатриска дијагноза или урбан мит?“

Терминот опишува „одбранбен механизам кој и помага на жртвата“ да се помири со објективно трауматична ситуација, што пак го намалува доживеаниот стрес, рече Рам.

За Сесилија Асе, професорка по политички науки на Универзитетот во Стокхолм и специјалист за родови прашања, тој концепт крие и политичка димензија.

„Стокхолмскиот синдром е измислен концепт“ за да се скрие неуспехот на државата да ги заштити заложниците.

„Претставувавме вистинска закана за заложниците“, призна полицискиот инспектор Ерик Ронегард години подоцна во книгата што ги истражува полициските грешки за време на киднапирањето.

Според него, со толку многу полиција околу банката, постоел ризик и заложниците да бидат убиени.

Во знак на незадоволство кон властите, поранешните заложници избраа да молчат за време на судењето на киднаперот.

На психолошко ниво, Рам верува дека многумина можат да се идентификуваат со концептот на „Стокхолмски синдром“.

„Развивањето позитивна емоционална врска со некој што се заканува е реалност што постои во насилни околности. Со разбирање на психолошката реакција на жртвата, ја олеснуваме тежината на чувството на срам и вина на заложниците“, додаде Рам. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Невреме направи пустош на Крит- се урна мост, има повредени (ВИДЕО)

Силно невреме што ја погоди јужна Грција предизвика широко распространети поплави на Крит, при што две лица беа повредени кога се урна мост додека го преминувале во регионот Ретимно, соопштија локалните власти.

Невреме направи пустош на Крит- се урна мост, има повредени (ВИДЕО)

Повредениот пар патувал со автомобил преку мост во Ливадија, планинско село околу 40 километри југозападно од Ираклион, кога ненадејните поплави оштетија дел од структурата, објави Екатимерини.

Двајцата се однесени во болница на лекување, но нивната состојба сè уште не е позната. Бурата предизвика и прекин на електричната енергија, оставајќи ги Зонија, Ливадија и Аноигеја без струја.

Обилните дождови во планинскиот регион Милопотамос ги принудија властите да ги затворат сите училишта и градинки. Училиштата се затворени и во Ханија и Ретимно.

Градоначалникот Јоргос Кладос побара од министерот за климатски кризи и цивилна заштита, Евангелос Турнас, да прогласи вонредна состојба во општина Милопотамос поради обилните дождови што го погодија регионот, предизвикувајќи сериозни проблеми, главно во планинските села.

Во Зонијана, автомобили беа однесени од поројните дождови, според извештаите. Слична ситуација беше пријавена и во Ливадија, а патиштата низ Крит претрпеа големи штети.

Рано наутро беше упатен итен апел до граѓаните да ги ограничат своите движења и да ги избегнуваат областите околу Зониана, Ливадија и Милопотамос.

Фериботските услуги од атинските пристаништа Рафина и Лаврио се прекинати, а се очекува пристанишните власти подоцна во текот на денот да издадат ажурирање дали заминувањата можат да продолжат од пладне па натаму.

Националната метеоролошка служба (EMY) прогнозира нестабилно време во јужна Грција, особено на Крит, до недела, со силни ветрови во Егејското Море.

Тагови: Крит мост

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Сидни Свини сподели разголени снимки од одморот (ФОТО)

Врската помеѓу актерката Сидни Свини и музичкиот менаџер Скутер Браун се чини дека станува посериозна, а двојката повеќе не се обидува да ја крие својата љубов. 

Сидни Свини сподели разголени снимки од одморот (ФОТО)

Свини објави серија фотографии на социјалните мрежи во среда од одморот што го помина со Браун и пријателите.

Одмор на плажа

На една од фотографиите, 29-годишната ѕвезда од серијата „Еуфорија“ позира во црвен костим за капење сличен на оние што ги носат ѕвездите од серијата „Спасување“. На друга фотографија, Браун ја држи Свини во раце, без маица. Другите објави го прикажуваат двојката и нивните пријатели како скијаат на џет-ски, планинарат, танцуваат и гледаат огномет. „Кога твојот маж ќе те однесе до ѕвездите“, напиша Свини во описот на фотографијата.

Една година заедно

Двојката е заедно околу една година, а се запознаа на свадбата на Џеф Безос и Лорен Санчез. Свини покажа и дека нивната врска станува сериозна со неодамнешните промотивни фотографии за нејзината линија долна облека. На нив, таа носи златен ѓердан со два привезоци на кои се напишани иницијалите „S“ и „B“, кои се однесуваат на неа и 40-годишниот Браун.

Откако почнаа да се забавуваат минатата година, извор близок до двојката рече дека тие „се обидуваат да ја држат својата врска подалеку од очите на јавноста, но во исто време уживаат во времето поминато заедно“. Истиот извор додаде: „Тие не сакаат ништо да форсираат и само уживаат во времето поминато заедно“.

Минатиот декември имаше тврдења дека Свини и Браун се зближуваат. „Скутер и Сидни се во одлични односи. Нивната врска е стабилна и сериозна“, рече извор во тоа време.

Тагови: Сидни Свини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Димитровски: Советничките прашања се инструмент за транспарентност на Советот

„Од формирањето на овој состав, правото да се практикува инструментот советнички прашања, како еден од принципите на транспарентност при управувањето е добро поставен и немам намера да дозволам, под разни притисоци овој инструмент да биде исклучен.“

Димитровски: Советничките прашања се инструмент за транспарентност на Советот

„Од формирањето на овој состав, правото да се практикува инструментот советнички прашања, како еден од принципите на транспарентност при управувањето е добро поставен и немам намера да дозволам, под разни притисоци овој инструмент да биде исклучен и со работата на Советот да биде скриен. Секој советник си носи одговорност пред јавноста за своето однесување и за своите дискусии и за своето молчење и можеби најважно од се, секој советник си носи одговорност за одлуките кои ги поддржува“, истакна Даме Димитровски претседател на Совет на Град Скопје на денешната седница.

Димитровски посочи дека седниците на Советот мора да бидат транспарентни со тоа што, правото за поставување прашања од страна на советниците не смее да се одземе ниту пак да се ограничи правото на градоначалникот да даде одговор на поставените прашања.

„Ние не можеме да дозволиме да не бидат седниците на Советот транспарентни и мора да бидеме одговорни за своите постапки. Најпрво, не смееме да им го одземеме правото на советниците да поставуваат прашање и второ не смееме да му го ограничиме правото на градоначалникот да даде одговор на поставеното прашање“, рече Димитровски, се наведува во соопштението на ВМРО-ДПМНЕ..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер