Митева: Позитивни економски сигнали од Светската банка - Канал 5

Митева: Позитивни економски сигнали од Светската банка

Македонија бележи највисок економски раст во регионот, меѓународните извештаи ги потврдуваат позитивните економски движења, вели портпаролот на Владата, Марија Митева.

Митева: Позитивни економски сигнали од Светската банка

„Почитувани претставници на медиумите,

Најновите извештаи на Светската банка и Европската комисија носат значајни информации за економските движења во Македонија, за постигнатите резултати, но и за перспективите на македонската економија за периодот кој што следува.

Ќе започнам со најновиот редовен економски извештај за Западен Балкан на Светската банка, објавен вчера, на 27 октомври, во кој е направена нагорна ревизија на прогнозата за економскиот раст на Македонија во 2026 година.

Според овој извештај, Светската банка предвидува македонската економија годинава да оствари раст од 3,2 проценти, што претставува зголемување за 0,3 процентни поени во однос на оние претходни проекции.

Особено е важно што оваа оценка доаѓа во период на сериозни глобални економски предизвици, геополитичка неизвесност, ценовни, но и енергетски притисоци, како и забавена економска активност кај дел од нашите најзначајни трговски партнери.

За Македонија, ова претставува важна оценка за досегашните економски движења, но и јасна насока за политиките кои треба да продолжат во наредниот период.

Оценките на Светската банка се надополнуваат со податоците од најновиот економски извештај на Европската комисија, објавен на 20 октомври, кој покажува дека Македонија во вториот квартал од 2026 година остварила економски раст од 4,3 проценти, што претставува највисока стапка на раст меѓу шесте економии за Западен Балкан.

За споредба, просечниот економски раст во регионот изнесува 3,6 проценти. Дополнително, македонската економија бележи забрзување на овој раст, од 3,1 процент во првиот квартал на 4,3 проценти во вториот квартал оваа година.

Овие податоци добиваат дополнително значење кога ќе се погледне структурата на растот.

Според податоците на Државниот завод за статистика, градежништвото во вториот квартал бележи реален раст од 21,9 проценти, преработувачката индустрија од 4,1 процент, а секторот информации и комуникации од 4,3 проценти.

Истовремено, бруто-инвестициите бележат номинален раст, додека финалната потрошувачка е зголемена номинално за 7 проценти.

Тоа се конкретни економски показатели кои говорат за зголемена активност во повеќе значајни сектори. Особено важен е растот на градежништвото, како сектор кој директно и индиректно влијае врз голем број други стопански дејности, домашните компании, транспортот, производството, но и инфраструктурниот развој.

Во изминатиот период претседателот на Владата, Христијан Мицкоски, повеќепати укажуваше на важноста на капиталните инвестиции, инфраструктурните проекти и создавањето на услови за поголема економска активност. На овие процеси се надоврзуваат и податоците за растот на градежништвото и инвестициите.

Сепак , би сакала да нагласам нешто што за Владата е особено важно.

Свесни сме дека позитивните економски показатели сами по себе не значат дека се надминати сите економски предизвици. Не очекуваме граѓаните да го мерат својот животен стандард само според статистичките податоци. Тие го оценуваат напредокот преку сопствените приходи, можностите за работа, цените на производите и услугите. И тоа е сосема разбирливо.

Токму затоа овие резултати ги претставуваме како важна основа за понатамошен економски развој. Тие покажуваат дека македонската економија бележи раст, дека постои економска активност и дека, и покрај сложените надворешни услови, се создава основа за понатамошно подобрување на животниот стандард.

Во таа насока, Владата останува посветена на политики кои ќе обезбедат долгорочна економска стабилност, конкурентно стопанство и подобри услови за живот.

Кога Светската банка ја ревидира прогнозата за економскиот раст на Македонија, а Европската комисија потврдува дека во вториот квартал ние имаме највисока стапка на раст во Западен Балкан, тоа се важни меѓународни оценки за економските движења во Македонија. Тие претставуваат основа за оценување на резултатите од економската активност и за натамошно унапредување на економските политики.

Одговорноста на Владата е да го одржи позитивниот развоен тренд, да обезбеди стабилност на јавните финансии и да продолжи со реформи кои ќе овозможат резултатите од економскиот раст да имаат сè поголемо влијание врз животот на граѓаните.

Ви благодарам.“

YouTube video

Прес-конференција на портпаролот на Владата, Митева

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Првиот човек на КК Партизан станува сопственик на фудбалскиот клуб Чукарички од Белград

Претседателот на евролигашот Партизан, Остоја Мијаиловиќ го купува  фудбалскиот клуб Чукарички.

Првиот човек на КК Партизан станува сопственик на фудбалскиот клуб Чукарички од Белград

Спортскиот директор на Чукарички, Владимир Матијашевиќ, во подкаст откри дека клубот од Баново Брдо наскоро ќе го преземе актуелниот претседател на Кошаркарскиот клуб Партизан, Остоја Мијаиловиќ.

Матијашевиќ вели дека „сè е веќе завршено и чисто“ во однос на преносот на сопственоста на клубот на Мијаиловиќ, и дека се очекува сè официјално да биде завршено на почетокот на месецот или на почетокот на следната година.

„Работата е при крај. Ако сакате конкретен одговор, ќе го добиете. Ако сè помине како што треба, Остоја Мијаиловиќ во декември ќе го преземе ФК Чукарички од Драган Обрадовиќ. На тоа моментално работат сите правници“, изјави Матијашевиќ во подкастот „2x45“ на MozzartSport.

По преземањето, Мијаиловиќ ќе стане мнозински сопственик на клубот.

Досегашниот сопственик, Драган Обрадовиќ, ќе го продаде целиот свој удел во клубот.

„Во разговорот што го имавме пред три дена, Остоја побара сите луѓе да останат, а спомна и дека јас би можел да задржам одреден удел, доколку сакам да останам. Остоја и Обрадовиќ треба уште да ги финализираат работите, но главниот дел е завршен. Сè е проверено. Документацијата е чиста. Затоа очекувам, доколку сè е во ред, на почетокот на декември или кон средината на следниот месец, Мијаиловиќ да му се приклучи на клубот“.

Матијашевиќ верува дека новиот сопственик ќе ја задржи сигурноста и стабилноста што ги красеа „планинарите“ во текот на целиот период под водство на Обрадовиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Руски воен авион се урна во Сибир: Нема преживеани

Руски воен транспортен авион „Ан-12“ се урна денеска во регионот Кемерово, во југозападен Сибир, при што загинаа сите 17 лица кои се наоѓале во леталото, пренесува „Известија“, повикувајќи се на добро известен извор.

Руски воен авион се урна во Сибир: Нема преживеани

Изворот потврди дека целиот екипаж загинал во инцидентот. Претходно беше соопштено дека авионот што се урна во селото Јагуново, во регионот Кемерово, според првичните сознанија е идентификуван како воен авион „Ан-12“. Причините за инцидентот сè уште не се утврдени.

Гувернерот на Кемеровската област, Иља Середјук, соопшти дека во близина на селото Јагуново се случила авионска несреќа, а службите за итни случаи се на терен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шукова: Бараме одговорност за секоја една жена жртва на насилство

Од Форумот на жени на СДСМ вечерва излегоа на протест пред СВР Охрид против насилствата врз жените.

Шукова: Бараме одговорност за секоја една жена жртва на насилство

Побараа одговорност од насилниците и институциите и заштита за секоја жртва која била изложена на насилство.

Претседателката на Форумот на жени на СДСМ, во име на насобраните, но и како што рече, во име на сите жртви на слични насилства, истакна дека насилството врз жените и фемицидите се сериозен општествен проблем, но дека проблемот не завршува со самиот чин на насилство, туку продолжува и во постапките што следуваат во текот на истрагата и судењето, каде, како што рече, се покажуваат сериозни системски недостатоци.

– Бараме да има сериозна превенција за да се спречат нови облици на насилство и нови фемициди. Бараме одговорност и да нема политички влијанија во процесот на истрага и судење. Бараме секоја жртва да биде заштитена. На секое јавување на жртва на семејно насилство, институциите веднаш да реагираат – порача Шукова.

Од семејството на Сара Ѓорѓиеска претходно порачаа дека нема да присуствуваат на протестот, но и дека се надеваат дека протестот нема да биде искористен за партиски цели ,туку ќе биде протест на граѓаните со цел да се подигне свеста за насилството против жените во земјава.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер