Како што пренесе Анадолија, повеќе украински медиуми јавија дека Фокс њуз емитувал снимки од Велигденските богослужби што се одржуваат низ целиот свет, вклучително и богослужба во Москва на која присуствувал рускиот претседател Владимир Путин.

Телевизијата, со седиште во Њујорк, исто така, емитувала снимка од богослужбата во главниот град на Украина, кој првично ги означила како „Киев, Украина“.

Сепак, текстот на екранот подоцна се сменил во „Киев, Русија“, и така наводно стоел околу 20 минути пред да биде коригиран.

- Ако тоа беше грешка, а не намерна политичка изјава, треба да има извинување и истрага за тоа кој ја направил грешката, напиша на Х портпаролот на украинското Министерство за надворешни работи Хеорхи Тихји.

Централната прослава се одржа во „Европската капела“ во Брисел каде попладнево беше организирана Велигденска литургија со која богослужеше отец Жарко Ѓоргиевски, кој е назначен од митрополитот на Европската епархија на МПЦ-ОА, Пимен за активности на Црквата во Белгија и негување на македонската традиција и достоинствено чествување на православните празници.

По Литургијата, отец Ѓоргиевски прочита делови од Велигденското послание на поглаварот на МПЦ-ОА, архиепископот охридски и македонски г.г. Стефан и Светиот архиерејски синод.

За присутните верници беше организирано и причестување, по што беше делена нафора, вапцани јајца и осветена вода.

Прославата заврши со пригоден коктел. Организатор на прославата беше Македонската православна црковна општина „Св. Илија – Св. Архангел Михаил“ од Брисел.

Црковната општина „Св. Илија“ во Брисел постои повеќе години, но по нејзиното пасивизирање за време на Ковид пандемијата, во 2023 година таа ја возобнови својата работа со избор на нов Црковен одбор. Од минатата година на називот на Црковната општина е додадено и името на Св. Архангел Михаил, кој воедно е и нејзин патрон заштитник.

Инаку, во синоќа во пресрет на Велигден, отец Ѓоргиевски одржа литургија и за Македонците во Луксембург.

Според извештајот, повеќето од регрутите биле обучени во тајни воени кампови управувани од крилото. Сепак, се соопштува дека им недостигаат воени вештини освен „герилска војна“, ракетен оган и поставување експлозиви.

Во извештајот не споменува точна временска рамка за тоа кога биле регрутирани, но веројатно се однесува на неодамнешниот период во тековната војна.