Мишел Фајфер за нејзиниот живот како баба - Канал 5

Шоу биз

Мишел Фајфер за нејзиниот живот како баба

Холивудската ѕвезда Мишел Фајфер објави дека станала баба и сподели како тоа влијаело на нејзиниот професионален живот. 

Мишел Фајфер за нејзиниот живот како баба

Во емисијата „Смартлес“ (Smartless) со Џејсон Бејтман, Шон Хејс и Вил Арнет како водители, трипати номинираната за „Оскар“ вели дека внучето е „рајско“ искуство.

- Неверојатно е. И да знаев дека ќе станам баба, немаше да преземам толку многу работа, но уживав во сè и сум многу благодарна. Ги обожавам сите овие проекти, рече Фајфер, осврнувајќи се на нејзините неодамнешни обврски, вклучувајќи ја и серијата „Медисон“ (The Madison) којашто е одгранок-продолжение на „Јелоустоун“, божиќната комедија „О, каква забава“ (Oh. What. Fun) и ТВ-адаптацијата на романот „Марго има проблеми со парите“ (Margo’s Got Money Troubles) на Руфи Торп.

Фајфер, инаку, има посвоена ќерка - Клаудија Роуз, и синот Џон Хенри.

- Многу сум благодарна. Многу сум благодарна затоа што ја сакам глумата... Всушност, веројатно сега уживам повеќе од кога било затоа што сум порелаксирана, додаде глумицата.

Филмската ѕвезда има долга кариера и во филмот и во телевизијата, а можеби најпозната е по улогите во филмовите „Скарфејс“ (1983), „Бетмен се враќа“ (1992) и ТВ-серијата „Првата дама“ (2022).

- Навистина немам време да размислувам за ништо друго освен - задачата што ја имам, изјави таа, напомнувајќи дека пред неколку години основала и своја компанија за парфеми. - Но, кога се појавија сите овие актерски проекти, си помислив: Добро, добро, како ќе можеш „да жонглираш“ со сè тоа и да имаш личен живот? ...Бидејќи тоа не ми било секогаш лесно. Јас сум личност од типот „сè или ништо“! Секогаш сакам да прифаќам предизвици, а потоа влегувам во тоа и - „или тонеш или пливаш“, и од некоја причина тоа е она што ме енергизира, нагласи таа.

Фајфер вели дека „нема време, ниту желба да навлезе во тие длабочини“ а да не ужива во мигот.

Тагови: мишел фајфер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Самит на министри за надворешни работи на Г20 земјите во САД се очекува средба Рубио-Лавров

Во Соединетите американски држави, денеска се оддржува самитот на министрите за надворешни работи на Г20 земјите. 

Самит на министри за надворешни работи на Г20 земјите во САД се очекува средба Рубио-Лавров

Во Атланта пристигна и рускиот шеф на дипломатијата – Сергеј Лавров, кој се очекува да оддржи средба и со државниот секретар на САД – Марко Рубио.

Средбата се оддржува пред трилатералниот самит САД-Русија-Украина првично закажана за 4ти ноември каде ќе продолжат напорите за ставање крај на војната во Украина, но и долгорочни гаранции за безбедност, како за Русија така и за Украина. Дополнително, како што пренесува Ројтерс, Пентагон им порачал на балтичките земји Естонија, Латвија и Литванија да го намалат непријателскиот тон кон Русија и да избегнуваат провокациска реторика во однос на Москва, со цел да не се нарушува безбедноста на Европа.

Рускиот претседател Владмир Путин вчера исто така порача дека доколку би дошло до војна со Европа, Русија е подготвена, но се надева дека нема да дојде до такво сценарио,

Тагови: Г20 САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Претседателката на Европската централна банка - Кристин Лагар се повлекува од функцијата, веќе не сака да молчи

Претседателката на Европската централна банка - Кристин Лагард ќе се повлече 9 месеци порано од својата функција, бидејќи како што вели, повеќе не сака да молчи.

Претседателката на Европската централна банка - Кристин Лагар се повлекува од функцијата, веќе не сака да молчи

Лагард се пожали дека неутралноста која се очекува од централните банкари, која ја опиша како „цената за нивната независност„ повеќе не е нешто што може да го прифати. Околу тоа која од европските монетарни политики лагард ја смета за погрешна, засега нема информации, меѓутоа, нејзината оставка доаѓа откако ЕЦБ ги остави своите клучни каматни стапки непроменети, со депозитна стапка од 2,5%.

Иако одлуката била едногласна, таа порача на пазарите дека оваа пауза може да трае само до декември. Лагард пред оваа функција беше и директор на Меѓународниот монетарен фонд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во Монтреал Канада, денеска се оддржува самитот ЕУ-Канада

Во Монтреал Канада, денеска се оддржува самитот ЕУ-Канада каде се очекува подетална разработка на партнерството кое иницијално беше наречено придружно членство на Канада во ЕУ,

Во Монтреал Канада, денеска се оддржува самитот ЕУ-Канада

Во Монтреал Канада, денеска се оддржува самитот ЕУ-Канада каде се очекува подетална разработка на партнерството кое иницијално беше наречено придружно членство на Канада во ЕУ, меѓутоа, Германија, Италија, Франција и Грција се спротивставија на оваа формулација, наведувајќи дека создава правна несигурност и преседан за други земји.

Сепак, на овој самит се очекува да се прошири соработката во повеќе клучни и стратешки области, вклучувајќи ја безбедноста и Арктикот, трговијата и инвестициите, со што Канада би ја заменила досега традиционалната улога на Соединетите Американски Држави како најголем партнер на ЕУ надвор од Европа.

И Канада и ЕУ се обидуваат да создадат алтернативни партнерства без САД под водство на претседателот Доналд Трамп, со оглед на неговите закани за царини кон ЕУ но и реториката дека ќе ја претвори Канада во 51-та држава на САД, што силно ги потресе добрососедските односи меѓу двете северноамерикански држави.

Тагови: ЕУ канада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер