МакедонијаМисајловски ги отвори редовните билатерални одбранбени консултации со САДМисајловски ги отвори редовните билатерални одбранбени консултации со САД – нашето стратешко партнерство ја зацврстува македонската одбрана и колективната безбедност во НАТО.Министерот за одбрана Владо Мисајловски денеска (23 април) ги отвори редовните билатерални, македонско-американски одбранбени консултации на кои со, заменикот-помошник секретар за војна, Дејвид Бејкер и тимот од САД разговараше за регионалната безбедност, за развојот на Армијата преку процесот на модернизација и опремување, инвестициите во одбраната и новите можности за развој на стратешкото партнерство и сојузништво помеѓу двете земји. „Нашите билатерални одбранбени односи во изминатите повеќе од три децении се на многу високо ниво и ви благодарам за одличната соработка. Посветената поддршка од Соединетите Американски Држави, како и амбасадата во нашата земја придонесоа во изградбата на капацитетите и способностите на македонската Армија“, рече министерот на почетокот на билатералните одбранбени консултации. Мисајловски нагласи дека во моментов во фаза на имплементација се повеќе договори со САД за набавка на различен вид на опрема која е во согласност со НАТО – Целите на способности. Министерот се осврна и на инвестирањето во одбраната, при што посочи дека одбранбениот буџет расте и дека државата има план за достигнување на заеднички договореното ниво од инвестирање на 3,5 проценти од БДП во одбранбениот буџет и 1,5 % од БДП во активности и проекти поврзани со одбраната до 2035 година. Тој посочи дека процесот на измена на стратешките документи и планови е започнат, што е клучно за идниот развој на одбранбените капацитети кои ќе овозможат засилување на борбената готовност како гаранција за безбедноста на земјата и цврстината на колективната одбрана на Алијансата. Заменикот – помошник секретар Бејкер посочи дека САД ја препознаваат посветеноста на Владата во исполнувањето на целите во рамките на НАТО 3.0, вклучувајќи ги заложбите од Самитот во Хаг, грижата за регионалната безбедност, како и за развој на одбранбената соработка. Тој додаде дека овие разговори се можност за иницирање на нови правци во партнерството, кои ќе придонесат за навремен одговор на предизвиците. Заменик-шефот на мисијата во Амбасадата на САД, Никол Варнс рече дека денешните разговори ќе придонесат за идентификување на нови конкретни можности за соработка и дополнителен развој на интероперабилноста. На билатералните консултации се обрати и началникот на Генералштабот на Армијата, генерал-мајор Сашко Лафчиски кој рече дека сета досегашна и идна соработка ни дава можност за исполнување на нашите цели и задачи, како и за развој на борбената готовност на Армијата. Билатералните одбранбени консултации се реализираат само две недели по стратешкиот дијалог помеѓу двете земји реализиран во Вашингтон, САД каде беше потврдена взаемната посветеност на развојот на блиски стратешки односи во сите сфери.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиВладата очекува годишната стапка на раст на цените на основните прехранбени производи во јули да биде 3%15:00Мицкоски: Во јули годишната стапка на промени на цените на основните прехранбени производи да биде под 3 проценти11:05Граѓанската иницијатива „Стоп за Усје“ во 18 часот пред собрание повикува на марш за чист воздух08:41Цената на дизелот се намалува за 7 денари, на БС - 95 за 3,5 денари, на БС – 98 за 4 денари по литар13:12Мицкоски: Очекувам намалување на бензините за 2,5 до 3 денара и 7 денара на дизелот по литар12:55
Владата очекува годишната стапка на раст на цените на основните прехранбени производи во јули да биде 3%15:00
Мицкоски: Во јули годишната стапка на промени на цените на основните прехранбени производи да биде под 3 проценти11:05
Граѓанската иницијатива „Стоп за Усје“ во 18 часот пред собрание повикува на марш за чист воздух08:41
Цената на дизелот се намалува за 7 денари, на БС - 95 за 3,5 денари, на БС – 98 за 4 денари по литар13:12
МакедонијаВо напната атмосфера тече расправата по амандманите на законот за правична застапеност напната атмосфера со меѓусебни препукувања меѓу Европскиот фронт и ВРЕДИ.Во напната атмосфера со меѓусебни препукувања меѓу Европскиот фронт и ВРЕДИ, во комисијата за политички систем тече расправата по амандманите за законот за правична застапеност... Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаМакедонија нема надлежна служба која може да интервеницира за случаи со змииЗмијата кај скопјанецот Стево најверојатно сама го напуштила домот.Војо Иванов, човекот кој беше повикан од службата 112 дојде во домот на Стево. Змијата не беше во домот на Стево откако Војо ја пребара собата каде што влегла. Тој раскажува дека и змијата се плаши и сами ја напуштаат куќата. Војо со совет до сите граѓани да не паничат кога ќе видат змија во домот или во близина да не ја напаѓаат бидејќи и таа во одбрана ќе касне. И Стево со увери дека змијата не е во собата доби инструкции од Војо како да постапи доколку се појави змијата. Во Скопје во интервнетивните единици нема вработено луѓе кои би постапиле во ваква состојба. Војо кој сите го знаат како супер херојот што е најчесто во летниот период е достапен 24 часа за лов на змии, гуштери во приватни домови, не е дел од никаква едница за спасување. Тој ова го работи со цел да помогне на луѓето да ги едуцира и да не биде повредена ниту змијата ниту човекот. Најчесто во градските средини Војо, лови змии од видот смок тие не се отровни. Змиите се важни во синџирот на исхрана, бидејќи се ловци на глодари. Многу често луѓето со изгрдба на живеелишта и згради каде имало природа ги бркаат влекачите од домовите и завршуваат во дворовите и куќите. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаПерински: Законот за локална самоуправа не се носи поради политички инаетИако веќе една година е заглавен во собраниска процедура, министерот Златко Перински кажа дека нема намера да го повлече законот за локална самоуправа од процедура.Тврди дека сите амандмани на опозицијата биле прифатени и очекува за истиот да се обезбеди дво третинско бадентерово мнозинство Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook