Мирно е утрово пред Собранието на Србија по синоќешните инциденти, полицијата ноќеска привела 37 луѓе - Канал 5

Балкан

Мирно е утрово пред Собранието на Србија по синоќешните инциденти, полицијата ноќеска привела 37 луѓе

Мирно и без инциденти беше во текот на ноќта и утрово во центарот на Белград пред српскиот Парламент каде што од синоќа реагираа стотици полицајци во опрема за разбивање демонстрации .

Мирно е утрово пред Собранието на Србија по синоќешните инциденти, полицијата ноќеска привела 37 луѓе

Мирно и без инциденти беше во текот на ноќта и утрово во центарот на Белград пред српскиот Парламент каде што од синоќа реагираа стотици полицајци во опрема за разбивање демонстрации со обиди да спречат директно конфронтирање на голем број противници и поддржувачи на властите.

Во Белград, стотици луѓе се собраа синоќа пред Собранието за да ја поддржат Дијана Хрка, која штрајкува со глад од вчера во 11:52 часот барајќи одговорност за смртта на нејзиниот син Стефан и уште 15 лица кои беа жртви од уривањето на бетонската настрешница на железничката станица во Нови Сад на 1 ноември лани.

Српската полиција во текот на ноќта соопшти дека се приведени 37 луѓе поради нарушување на јавниот ред и мир и предизвикување инциденти пред Собранието.

„Припадници на Министерството за внатрешни работи идентификуваа и доведоа во службените простории 37 лица, кои учествувале во нарушување на јавниот ред и мир и предизвикување инциденти за време на ненајавен јавен собир, претходната вечер, пред Народното собрание на Република Србија“, се наведува во соопштението на Министерството за внатрешни работи на Србија. Полицијата интензивно работи на идентификување и пронаоѓање други учесници кои „со своите постапки ја загрозиле безбедноста на граѓаните и јавниот имот“.

На социјалните мрежи беше објавено видео од приведувањето на поранешниот српски кошаркар Владимир Штимац, а државните медиуми јавија дека тој е приведен по наредба на Вишото јавно обвинителство во Белград затоа што поттикнувал насилство пред Собранието.

Пред Собранието утрово може да се видат значително помалку поддржувачи на владата во заштитената, оградена шаторска населба пред Домот на Народното собрание, од каде што од звучници во текот на ноќта одекнуваа патриотски песни и народна музика.Граѓаните кои ја поддржуваат Хрка сметаа дека музиката од шаторската населба на поддржувачите на владата е намерно пуштена заради провокација.

Во текот на вечерта имаше размена на навреди меѓу двете групи и фрлање пиротехнички средства, шишиња и камења.

Граѓаните се собраа за да и дадат поддршка и заштита на Дијана Хрка, мајката на едно од 16-те лица кои загинаа пред една година од падот на бетонската настрешница на влезот во железничката станица во Нови Сад, која започна штрајк со глад напладне во недела во близина на Домот на Народното собрание.

Нејзините барања се да се осудат одговорните за таа трагедија, да се ослободат уапсените студенти кои протестираа за трагедијата и да се распишат избори во Србија.

Претседателот на Србија, Александар Вучиќ, изјави во текот на ноќта за белградски медиуми дека инцидентите пред српскиот Парламент биле очекувани.

„Вечерва, тие брутално се обидоа да го нападнат симболот на слободата, Пионирски парк, Ќациленд, мал остров во срцето на Европа каде што се негува слободата, борбата против окупаторите, каде што се спротивставуваат на оние кои мислеа дека се најсилни. Тие беа нападнати од блокадери кои се нервозни и хистерични поради вчерашниот настан“, рече Вучиќ. Тој ноќеска изјави дека обвинувањата дека ги предизвикал синоќешните инциденти и насилство пред српскиот Парламент се лага.

Во центарот на Белград на местото меѓу претседателскиот комплекс и Собранието од март е поставен камп на поддржувачи на властите и таа затворена зона, медиумите во Србија колоквијално ја нарекуваат „Ќациленд“. Оттогаш таму се распоредени секојдневно полицајци и забранет е сообраќајот на улицата меѓу паркот и Собранието. Во минатиот месец таму се случи инцидент кога дојде до пукање при што беше повредено едно лица и запалени неколку од шаторите

Министерството за внатрешни работи на Србија и Безбедносно-информативната агенција во заедничка изјава синоќа објавија „процесуирање на лицата кои предизвикаа инциденти и ги нападнаа учесниците на пријавениот јавен собир“ - во Пионирски парк и пред Домот на Народното собрание, каде што поддржувачите на владата се наоѓаат со месеци.

Тие напишаа дека „организирана група учесници на непријавен собир“ - граѓани кои ја поддржуваат Хрка, „нападнале граѓани кои биле на пријавен јавен собир во Пионирски парк фрлајќи разни предмети и пиротехнички средства во правец на насобраните“.

Собирања во поддршка на Дијана Хрка се одржаа во неделата во Нови Сад, Суботица, Бачка Топола, Лесковац, Ниш, Чачак.

Синоќешните тензиите во Белград се зголемија само еден ден откако илјадници луѓе присуствуваа на големиот комеморативен собир во Нови Сад, каде мирно ја одбележаа првата годишнина од катастрофата на железничката станица во која загинаа 16 лица, и од ноември лани - почнаа движење предводено од студенти кое бара одговорност за несреќата и политички промени.Во текот на денот, на собирот, на кој според проценките на неформалната организација „Архив на јавни собири“, присуствувале околу 110.000 луѓе, не беше регистриран ниту еден инцидент.Според полицијата, на собирот присуствувале 39.000 луѓе.

Претставници на опозициски партии ноќеска објавија дека полицијата не им дозволувала да влезат во зградата на српскиот Парламент.

Граѓани рекоа дека нема да ја остават Дијана Хрка сама и дека постојано ќе бидат со неа. Според српски медиуми во Белград има голем број луѓе кои се дојдени од други градови за да и дадат поддршка на мајката на момчето кое е едно од загинатите во падот на бетонската настрешница лани на железничката станица во Нови Сад.

Студентите во блокада објавија ноќеска дека Хрка „не смее да остане сама“.

„Веруваме дека во овој момент најважно е таа да биде на безбедно. Доколку сепак одлучи да остане, важно е да има луѓе на кои им верува, за да има соодветна поддршка.Ние стоиме зад сите што одговорија со добра волја. Остануваме верни на ненасилните методи на нашата борба и ненасилството како основна вредност на нашето движење“, напишаа студентите во блокада.

Хрка ноќеска изјави дека нема да се откаже од штрајкувањењто со глад додека не бидат исполнети сите нејзини барања.

Се повлекоа од пред платото пред Собранието и поддржувачите на властите, но не се знае дали се во шаторите, јавија српски медиуми.

Дијана Хрка, мајката на Стефан Хрка,(роден 1997) кој загина во падот на бетонската настрешница од денеска штрајкува со глад пред српскиот Парламент во Белград. Таа се одлучила за тој облик на протест „барајќи правда и одговор за тоа кој го уби нејзиниот син и уште 15 лица во трагедијата во Нови Сад пред една година“.

Тагови: Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Босанката Мирнеса украла над милион евра од фирма во Германија, па ја пуштиле на слобода- парите не се пронајдени

Мирнеса С, попозната по прекарот Мики, која украла дури 1,25 милиони евра од германска компанија за готовински трансфер во Штутгарт, повторно е во центарот на вниманието. 

Босанката Мирнеса украла над милион евра од фирма во Германија, па ја пуштиле на слобода- парите не се пронајдени

Откако отслужила дел од тригодишната затворска казна, таа била ослободена на почетокот на 2025 година, но најголемата мистерија во случајот останува нерешена - каде завршиле парите што исчезнале пред повеќе од четири години?

Кражбата се случила на 14 октомври 2022 година, кога Мирнеса, која во тоа време била вработена во компанијата за готовински трансфер, однела огромна сума пари од просториите на компанијата, објави 24 сата.

Според информациите што подоцна ги објавија медиумите, таа ги ставила парите во спортска торба, ја покрила со крпи и го напуштила своето работно место. Бидејќи имала пристап до парите како вработена, кражбата била извршена без класичен грабеж или употреба на сила.

Нејзиното исчезнување предизвикало обемна потрага од страна на германската полиција, која понудила награда од 37.500 евра за информации што довеле до нејзино апсење. Мирнеса, сепак, доброволно се предаде на властите во Германија на почетокот на 2023 година, откако преку својот адвокат го најави своето пристигнување на аеродромот во Штутгарт.

Во јули истата година, таа беше осудена на три години затвор за кражба, а за време на постапката тврдеше дека нејзиниот тогашен партнер Роберт С. го смислил целиот план и ја убедил да учествува во кражбата. Според неа, таа добила само 20.000 евра од вкупната сума.

Нејзиниот поранешен партнер, од друга страна, ги негираше обвинувањата дека ја организирал кражбата и тврдеше дека само играл улога на возач.

Случајот достигна нов епилог во февруари 2026 година, кога Роберт С. беше осуден на три години и девет месеци затвор за учество во кражбата. Судот, исто така, нареди конфискација на приносите од криминал во износ од 1,25 милиони евра, но парите не беа пронајдени ни тогаш. Пресудата не беше конечна во времето на објавувањето на извештајот.

Мирнеса се појави и како сведок на судењето на нејзиниот поранешен партнер, каде што зборуваше за желбата да започне нов живот. Иако е повторно слободна, прашањето за судбината на парите останува неодговорено.

Во последните месеци, таа привлече внимание и на социјалните мрежи, каде што се појавува во хумористични видеа со босанскиот инфлуенсер Сермед Мактоуф.

Иако двајцата поминаа низ судски процес и добија затворски казни, повеќе од еден милион евра сè уште не се пронајдени, а останува непознато кој во моментов ги контролира парите од една од најпознатите кражби во Германија.

Тагови: Германија парите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Холанѓанец си го убил таткото и го исекол телото на 238 парчиња, а потоа направил нешто пострашно

Холандските обвинители побараа 12-годишна затворска казна за маж кој го убил својот татко, а потоа го исекол неговото тело на 238 парчиња!

Холанѓанец си го убил таткото и го исекол телото на 238 парчиња, а потоа направил нешто пострашно

Осомничениот ги ставил останките од својот татко во 19 вреќи за ѓубре, кои ги чувал во два замрзнувачи и кутија за складирање повеќе од три години.

„Тој го отстранил телото и ги лажел полицијата и луѓето околу него со години“, изјавил јавниот обвинител пред судот, објави Сан.

Тајмен В., 33, е обвинет за убиство на својот татко на 10 јануари 2021 година. Полицијата ги пронашла останките во куќата на осомничениот повеќе од три и пол години подоцна, во ноември 2024 година.

Обвинителството изнесе тврдења пред судот во Алкмар дека таткото и синот биле во насилен конфликт. Жртвата била удирана во главата осум пати со тврд предмет, можеби статуа на Буда, што самиот осомничен го споменал.

Според патолог од Холандскиот форензички институт (NFI), постои и можност жртвата да била задавена. Осомничениот тврди дека дејствувал во самоодбрана откако неговиот татко го нападнал со нож.

Обвинителството ја отфрли оваа верзија на настаните, нагласувајќи дека осомничениот не контактирал со полицијата по смртта на неговиот татко, туку им кажал на луѓето околу него дека заминал во странство.

Обвинителот посочи дека осомничениот се однесувал кон својот татко „на ужасен и крајно дехуманизирачки начин“. Психијатар и психолог процениле дека имал благо нарушен ментален капацитет, констатација што обвинителството ја прифатило.

Обвинетиот изјавил дека целосно го потиснал и самото убиство и криењето на телото, и дека неговите сеќавања за настанот се појавиле дури околу еден месец по неговото апсење. Меѓу другото, му е дијагностицирано гранично растројство на личноста.

Неговиот адвокат изјавил дека физичкото насилство се случило меѓу татко и син во неколку наврати и дека било взаемно.

Тој додаде дека неговиот клиент ја изгубил довербата во полицијата по претходен инцидент, кога неговиот татко го нападнал со секира, а полицајците не пристигнале веднаш на местото на настанот.

Тагови: татко телото

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Бран штрајкови се најавени во Италија за овој месец- запираат возовите, автобусите и авионите

Италијанските синдикати повикаа на национален штрајк во железничкиот, автобускиот и воздушниот транспорт за 20 и 21 ноември, на кој ќе му претходат неколку прекини на работата и протести на локално ниво.

Бран штрајкови се најавени во Италија за овој месец- запираат возовите, автобусите и авионите

Генералниот штрајк, свикан од Италијанската општа конфедерација на трудот (CGIL), ќе ги опфати сите транспортни сектори, и јавни и приватни, во текот на целиот ден на 20 ноември, објави денеска ADNkronos.

Во исто време, неколку закажани протести и локални штрајкови од следната недела се закануваат да го нарушат транспортот, создавајќи тешкотии за жителите на неколку италијански градови.

Утре Џенова ќе биде погодена од штрајк во транспортот организиран од синдикатот Cub Trasporti, додека синдикален протест ќе се одржи во Козенца на 10 ноември, што ќе го наруши и јавниот превоз.

Во Милано, штрајк на групацијата ATM е свикан за 13 ноември, што ќе доведе до прекини во јавниот превоз во тој град, како и во Монца и Бријанца, а истиот ден, јавниот превоз во Венеција исто така ќе биде засегнат во текот на целиот ден поради прекин на работата.

Штрајкови се планирани и во транспортниот сектор во Бари и Неапол во текот на ноември, соопшти агенцијата.

На национално ниво, критични денови за транспортот, од јавниот превоз до железницата, ќе бидат 20 и 21 ноември, кога штрајкот ќе влијае на железничкиот товарен транспорт, локалниот јавен превоз и железничкиот патнички транспорт, од 21 часот на 20 ноември до 20 часот на 21 ноември.

Што се однесува до секторот за воздушен транспорт, се очекуваат прекини за патниците што летаат на 22 ноември, кога вработените во неколку компании во Фиренца и Пиза ќе штрајкуваат, додека работниците во компанијата Енав во Варезе исто така ќе штрајкуваат.

Покрај транспортниот сектор, прекин на работата е повикан и за италијанските работници во кол-центрите да штрајкуваат на 11 ноември.

Синдикатите заеднички ја повикуваат владата да „обезбеди сериозна индустриска политика за секторот, како и да ги заштити работните места и приходите на работниците“.

Национален штрајк е закажан и за 16 ноември за приватните даватели на здравствени услуги, социјалните претпријатија, како и за регионалните и локалните власти, потсети агенцијата.

Во исто време, училиштата и универзитетите ќе бидат во центарот на широк протест во текот на денот на 20 ноември, свикан од синдикатите и здруженијата на работници во образованието на Италија.

Тагови: италија штрајкови

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер