Министерството за култура објави конкурс за откуп на драмски текстови - Канал 5

Култура

Министерството за култура објави конкурс за откуп на драмски текстови

Министерството за култура денеска на својата веб-страница и во печатените медиуми објави Конкурс за откуп на драмски текстови за да се збогати продукцијата на драмски дела од македонски автори. Конкурсот е стимулативна мерка за зголемување на драмското творештвото што ќе соодветствува на реалните потреби на македонската театарска сцена и ќе ги промовира домашните драмски автори.

Министерството за култура објави конкурс за откуп на драмски текстови
Министерката за култура Елизабета Канческа-Милевска денеска на прес-конференција соопшти дека конкурсот е отворен до 31 јануари 2015 година за сите автори-државјани на Република Македонија.

- Конкурсот е особено важен и за младите талентирани автори кои ќе имаат можност да се афирмираат преку откупените драмски текстови кои ќе ја доживеат својата премиера на сцените на македонските театри, а уверена сум дека многу од нив ќе бидат презентирани и во театрите во регионот и пошироко, рече Канческа-Милевска.

Секој автор ќе има право да конкурира со по еден оригинален драмски текст пишуван на македонски јазик, кој не е претходно изведуван ниту публикуван. Пристигнатите апликации ќе ги оценува стручна комисија која ќе избере најмногу три драмски текстови од пријавените на конкурсот. Избраните потоа ќе бидат објавени во печатено издание и така ќе бидат достапни до сите заинтересирани театарски установи, продуценти, режисери и уметници кои понатаму би го поставиле делото. За откуп на авторските права Министерството за култира на авторите ќе им додели авторски надомест во нето-износ од 100.000 денари.

Текстови на конкурс беа избрани за отворањето на новиот објект на МНТ (Вечна куќа) и за велешкиот театар (Најважната работа на светот) со која до крајот на годинава ќе почне работата на новиот театар „Јордан Хаџи Константинов-Џинот“.

Канческа-Милевска додаде дека драмското творештво се поддржува и преку Годишната програма, а во насока на унапредување на дејноста е и изградбата на нови театарски згради и техничкото опремување.

Претседателката на Комисијата за драмска дејност во Министерството за култура проф. д-р Јелена Лужина рече дека и денес е актуелна формулацијата од пред два и пол века дека нема национaлен театар без национална драма. Додаде дека не е безначајна македонската драматика зашто од текстовите на Џинот до денес се евидентирани нешто помалку од 1500 оригинални драмски текстови.

- Тоа не е безначајна продукција. Вредно е да се потсетуваме на неа и некој од тие текстови да ги имаме на репертоар. Но, уште поважно е да стимулираме млади луѓе да пишуваат оригинална авторска драматика, да ги видиме тие текстови праизведени на нашите сцени во овој миг, кога имаме се подобри театари, режисери и услови за работа и се покреативни актерски потенцијали од сите генерации, истакна Лужина.

Театарите не се обврзани да изведат некој награден текст, но се очекува самите да бидат заинтересирани затоа што се добиваат повеќе поени за поддршка од Годишната програма на Министерството за култура доколку театарот поставува домашен текст. Авторите чии текстови нема да бидат избрани на конкурсот може сами да им ги понудат на театрите.

Иницијативата со која се стимулира македонското драмско творештво ја поздравија директорите на Македонскиот народен театар, Драмски театар-Скопје, Турски театар, Албански театар и Театар Комедија кои на прес-конференцијата, меѓу другото, посочија дека се залагаат за што повеќе дела од домашни автори на нивните репертоари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Куба се подготвува за можен американски воен напад

Куба се подготвува за можен американски воен напад по изјавите на американскиот претседател Доналд Трамп, кои беа протолкувани како закана за воена интервенција. 

Куба се подготвува за можен американски воен напад

Ова го изјави кубанскиот претседател Мигел Дијаз-Канел, кој порача дека земјата е подготвена да се брани од секоја странска агресија.

„Одлучни сме да го одбиеме секој обид за странска воена агресија врз нашата земја“, рече Канел. Неговата изјава следува откако Трамп прашан дали би размислил за воена интервенција со цел да ја „ослободи“ Куба, за американски медиуми рече: „Сакам да ја решам Куба пред да си заминам“. Тој додаде дека САД внимателно ја следат ситуацијата на островот, оценувајќи дека земјата е во многу лоша состојба и дека практично е пропадната држава.

Тагови: куба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кравите од Крива Паланка осамнаа во светските медиуми

Кравите од Крива Паланка го обиколуваат Светот.

Кравите од Крива Паланка осамнаа во светските медиуми

Веста дека стотици говеда шетаат слободно низ градот го објавија неколку угледни светски медиуми, како Асошиејтед прес и Еуроњуз, каде што случајот со кравите се најде во познатата рубрика „без комента“.

Медиумите наведуваат дека жителите на Крива Паланка, опишана како земјоделски град, се бори со повеќе од илјада крави кои им ги уништуваат имотите..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Заврши најголемиот прекин на авиосообраќајот во САД од 2001 година - хаосот ќе трае со денови

Илјадници откажани летови, преполни аеродроми и патници заглавени со часови. САД се соочија со најголемиот прекин на авиосообраќајот од терористичките напади на 11 септември 2001 година. 

Заврши најголемиот прекин на авиосообраќајот во САД од 2001 година - хаосот ќе трае со денови

Иако забраната за полетување е укината, хаосот не завршува. Последиците ќе се чувствуваат и во наредните денови, откако синоќа пет часа беа приземјени сите авиони на аеродромите, а кон леталата кои сообраќаа се постапуваше индивидулно.

Над 9.000 летови беа одложени и повеќе од 5.000 откажани. Aвиокомпаниите се обидуваат да го вратат нарушениот распоред. Властите отфрлија можност дека се работи за сајбер напад. Појаснија дека станува збор за голем технички дефект во системот за контрола на воздушниот сообраќај.

,,Ова е нашиот стар аналоген ТДМ-систем, кој беше преоптоварен со податоци, поради што почнаа да се појавуваат овие проблеми. Овој систем беше користен во нашите ТРАКОН-центри и во контролните центри низ целиот Национален систем на воздушен простор (НАС). Сега дел од системите во ТРАКОН-центрите и контролните центри се надградени и функционираат дигитално.,, – Шон Дафи, министер за транспорт на САД

И додека американските власти најавуваат модернизација на системот, авиоаналитичарите предупредуваат дека застарената инфраструктура и натаму претставува сериозен проблем, а ризикот од нови прекини останува.

,,Очекувам ваквите проблеми да се повторуваат и во иднина. Сметам дека тоа ќе биде поврзано со несоодветната инфраструктура со која располагаме, додека трае процесот на нејзино развивање и модернизирање, со цел да се доведе на ниво на технологијата на 21 век и понатаму,,

Додека авиокомпаниите се обидуваат да го нормализираат сообраќајот, патниците и натаму се соочуваат со доцнења и неизвесност.

,, Утрово добивме известување дека нашиот лет ќе доцни два часа, па сега чекаме тука. Веќе два часа сме овде и сè уште не добивме никакви информации,,

Во меѓувреме, американскиот претседател Доналд Трамп побара забрзана модернизација на системот за контрола на воздушниот сообраќај. За таа цел, неговата администрација побара дополнителни 30 милијарди долари од Конгресот, со цел да се спречат слични прекини во иднина.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер