Македонија

Министерството за финансии за понеделник најави контрола кај Боки 13 и Стефан Лазаров

Бојан Јовановски во јавноста познат како Боки 13 пред неколку дена, од судот доби продолжување на прекинот на издржување на затворската казна за уште три месеци, а веќе од денеска почнува со така наречениот Гивавеј.

Бојан Јовановски во јавноста познат како Боки 13 пред неколку дена, од судот доби продолжување на прекинот на издржување на затворската казна за уште три месеци, а веќе од денеска почнува со така наречениот Гивавеј, односно еден вид наградна игра во која со јутјуберот Стефан Лазаров ќе доделуваат автомобили, мобилни телефони, мотори, стан во Скопје….. Според условите кои ги поставуваат, учесниците освен што треба да заследат профил на социјалните мрежи, сподeлат објави или да стиснат дека им се допаѓаат фотографиите, за одредени настани оние кои сакаат да бидат дел и да имаат можност да освојат една од наградите услов е да платат и влезница за настаните. А првиот таков гивавеј ќе се одржи денеска во локал во Штип.

Од финансии за Канал 5 велат дека до нив не е доставено барање за приредување на наградна игра согласно Законот за игри на среќа и забавните игри, но дека за конкретниот случај в понеделник надзорен тим од финансии ќе изврши контрола и во случај на утврдување на нерегуларности ќе се преземат соодветни мерки согласно Закон. Според толкувањето на МФ за ваков тип на игри не е потребно издавање на дозвола. Но во дел од таканаречените Гивавеи кои ги организираат Јовановски и Лазаров, па останува дилема дали претставува влог купувањето на билет, за да учесниците имаат можност да добијат награда. Во законот за игри на среќа и забавни игри се вели дека игра на среќа е ако се има влог.

„Во понеделник надзорните органи во состав на Министерството за финансии ќе спроведат соодветни контроли на оваа активност и во случај на утврдување на нерегуларности ќе се преземат соодветни мерки согласно Закон. Сакаме да напоменеме дека МФ издава согласности за приредување игри на среќа согласно Законот за игри на среќа и за забавните игри, во којшто е дефинирано дека игри на среќа се игрите во кои учесниците имаат еднакви можности за стекнување добивка со посредна или непосредна уплата на одреден износ (влог), а резултатот од играта исклучиво или претежно зависи од случајноста или од некој иден неизвесен настан во играта. “

Според конизилијарното мислење кое е потпишано од 10тина доктори, специјалисти, здравствената состојба на Јовановски не дозолувала тој да се врати во затворот во Идризово. Началникот, специјалист – доктор Стојанчо Јованов за дел од поратлите изјави дека Јованов имал траен инвалидидтет од прв степен, за што е потребно, како што се наведува и во мислењето пацинетот да биде на задолжително протрахино домашно лекување.

Наспроти наведената дијагноза и живото-загрозувачка состојба, нејасно е како Јовановски е активен и навидум во кондиција, особено во изминативе два месеци во јавноста.Тој пред неколку дена имаше промоција на неговата нова песна со видео... Најави и документерен филм наречен „Рекет“, како и случајот за кој беше осуден на 9 години затвор, а во меѓувреме организира и наградни игри преку социјалните мрежи. За што Јовановски пред неколку дена за Канал 5 изјави дека ја разбира збунувачката состојба која прозилегува од неговата активност, но вели дека не прави ништо противзаконско и дека тоа е еден начин за негова рехабилитација.

Живот

Млад месар од Италија почина по дводневна треска, го тестираат семејството и пријателите

Јан Балугани (33) од Кореџо, Италија, починал по дводневна треска, а резултатите од обдукцијата покажале дека младиот човек бил заразен од менингитис Б.

Веднаш по неговата смрт, започнала истрага и тестирање на неговите најблиски членови на семејството, како и пријатели за да се утврди дали некој од нив бил заразен со оваа болест, пишува Месаџеро.

Инаку, Јан работел како месар и бил познат во својот град. Веста за неговата смрт ги изненади сите негови сограѓани, од кои многумина лично го познавале.

Младиот човек два дена пред смртта имал висока температура придружена со треска, но сето тоа изгледало како „обичен“ грип. За жал, приказната имала трагичен епилог само два дена подоцна.

„Со тешко срце и длабока тага мораме да ја споделиме веста со вас. Нѐ погоди како гром од ведро небо. Нашиот пријател, составен дел од нашето семејство, Јан Булагани, неочекувано почина на возраст од од 33. За нас тој беше повеќе од колега - работеше со нас девет години, беше столб на нашата продавница. Неговото заминување остави празнина“, напишаа од месарницата во која работел Јан.

Менингитис Б се пренесува преку капки испуштени од заразени луѓе кои зборуваат, кашлаат или киваат на растојание помало од еден метар. Периодот на инкубација е од 2 до 10 дена, обично 3 до 4 дена.

Иако е невообичаен, менингитисот Б (MenB) е сериозна инфекција. Таа е предизвикана од бактеријата Neisseria meningitidis од групата Б, која може да предизвика инфекција на мембраната што го опкружува мозокот и 'рбетниот мозок. Може да предизвика и септикемија, сериозна инфекција на крвотокот.

Свет

Дојдовме до крајот на она што мислевме дека е безбедна зона за човештвото, тврдат научниците

2024 година е најтоплата во историјата на мерењата.

Но, што е уште полошо, тоа беше и првата година во која просечната глобална температура беше повеќе од 1,5 степени Целзиусови над прединдустрискиот просек, што е прагот поставен со Парискиот договор за климатски промени што не смееме да го надминеме.

Сепак, многу луѓе не разбираат што значи тоа и зошто е важен овој праг, ниту колку е важно што ја поминавме таа граница многу побрзо од очекуваното.

Помина само една година, но истражувачите велат дека тоа е јасен показател дека светот навлегува на опасна територија, пишува Nature.

- Ова е и физичка реалност и симболичен шок. „Дојдовме до крајот на она што мислевме дека е безбедна зона за човештвото“, рече Гејл Вајтман, научник за климатски ризик од Универзитетот во Ексетер.

Податоците за преминување на границата ги објавија истовремено неколку меѓународни организации кои ги следат глобалните температури. Иако сите имаат малку различни бројки, податоците покажуваат дека годината зад нас била најмалку 1,55 степени потопла од просекот за периодот од 1850 до 1900 година. Ова се смета за прединдустриска ера не затоа што сè уште немало индустрија, туку бидејќи сè уште не сме почнале да ослободуваме огромни количини на стакленички гасови во атмосферата.

Климатолозите сè уште испитуваат дали овој огромен скок на температурите во 2023 и 2024 година, кога беа поставени и срушени рекорди, е само случајна или значајна промена што укажува на забрзување на глобалното затоплување.

Научниците велат дека овој праг не е магичен, туку само политичка цел од Парискиот договор. Тоа не значи дека светот е безбеден под него, ниту дека сè ќе се распадне над него.

„Тоа е спектар и секое затоплување е важно“, изјави за Nature Кетрин Хејхо, научник од Американската група за заштита на природата.

- Овој температурен скок над поставената граница треба да биде аларм за политичките лидери. Бидејќи ако овој скок не е случаен, туку планетата забрзано се загрева, можеби ќе треба уште побрзо да ги намалиме емисиите на стакленички гасови - вели Карлос Нобре, климатолог од Универзитетот во Сао Паоло.

Без оглед на одговорот, долгорочниот ризик од топење на мразот и промена на екосистемите се зголемува и ќе се зголеми само ако не престанеме да ја загадуваме планетата.

- Последиците веќе ги чувствуваме. И сè само ќе се влошува“, рече Вајтман.

Свет

Меланија откри каде ќе живее по инаугурацијата на Трамп- не во Белата куќа (ВИДЕО)

Меланија Трамп, сопругата на американскиот претседател Доналд Трамп, го потврди она што долго време се шпекулира.

Во интервју за Фокс њуз, таа рече дека нема трајно да се пресели во Белата куќа за време на вториот мандат на Трамп.

Кога ја прашале каде ќе го поминува поголемиот дел од своето време, таа одговорила: „Ќе бидам во Белата куќа. Кога ќе треба да бидам во Њујорк, ќе бидам во Њујорк. Кога ќе треба да бидам во Палм Бич, ќе бидам во Палм Бич“.

„Мојот приоритет е да бидам мајка, прва дама, сопруга“, додаде таа. Таа се осврна и на нејзиниот син Барон, кој моментално живее во Њујорк каде што оди во колеџ, и рече дека верува дека Барон ќе ја посети Белата куќа. „Секогаш го почитувам „да“ или „не“ на Барон, што сака да прави, каде би сакал да биде“, истакна таа.

Уште во септември минатата година, Меланија рече дека Барон одлучил да живее во Трамп Тауер, семејната резиденција на Менхетен, додека е на колеџ. И покрај тоа, има подготвена соба за него во Белата куќа во која може да остане кога ќе одлучи да го посети семејството.

За потсетување, една од нејзините први официјални одлуки беше да не одржи традиционална и симболична средба со првата дама во заминување Џил Бајден во Белата куќа. Поранешниот претседател Џо Бајден потоа беше домаќин на новоизбраниот претседател Доналд Трамп во Овалната соба.

Откако ја напушти Белата куќа во 2021 година, таа поминуваше време помеѓу Палм Бич и Њујорк додека нејзиниот сопруг се соочи со низа правни проблеми и се подготвуваше за својата трета претседателска кампања. Иако другите членови на семејството Трамп редовно му се придружуваа на поранешниот претседател на суд и во кампањата, Меланија главно се повлече од јавниот живот.