Министерство за правда: Утре ќе ги побараме сите предмети за Груевски и ќе постапиме согласно Законот - Канал 5

Македонија

Министерство за правда: Утре ќе ги побараме сите предмети за Груевски и ќе постапиме согласно Законот

Лидерот на СДСМ Венко Филипче ја повика Владата веднаш да побара екстрадиција на Груевски, доколку тоа не го сторила досега.. 

Министерство за правда: Утре ќе ги побараме сите предмети за Груевски и ќе постапиме согласно Законот

Ќе достави ли македонското Министерство за правда ново барање за враќање на екс премиерот Никола Груевски? Откако прашањето стана актуелно по промената на власта во Унгарија, од министерството велат дека континуирано го следат случајот и се преземаат сите мерки да ги обезбедат потребните документи.

„Во текот на утрешниот ден ќе биде доставено барање до надлежните судски органи и обвинителства и ќе се побараат потребните списи за сите предмети поврзани со лицето Никола Груевски. Откако од надлежните органи ќе ги добиеме потребните документи, Министерството за правда ќе постапи согласно позитивните законски прописи.“

...велат од Правда и додаваат дека по поднесеното барање за екстрадиција во 2018 година и дополнето година подоцна, унгарските власти го одбиле барањето со образложение дека на Груевски му е одобрен азил со што не може да се предаде лице кое ужива таков статус.

На поранешниот премиер му преостанува да одлежи една и пол година затвор за случајот „Насилство пред Општина Центар“, која му застарува во 2027 година, како и деветте години затвор за случајот „Плацеви на Водно“, кој застарува во 2043 година, информираат денеска од Кривичниот суд. Тој е обвинет и во предметите Титаник и Талир 2 кои се уште се судат. Талир 2 кој се однесува на изградбата на партиското седиште на ВМРО ДПМНЕ денеска се одложи а предметот сега го застапува обвинителот Кристијан Смилевски. Тој очекува постапката да се заврши пред да настапи застареност во август. Но и доколку Груевски е достапен за домашните органи би можел да бара повторување на постапката.

„Секој има право на судење во присуство. Ако стане достапен Груевски ќе почне одново ако се бара, но зависи од рокот на застареност, дали ќе стане достапен не знаеме, ако има ќе почне одново.“

„Активни две потерници за извршување на санкции:

„Насилство во Центар“ – осуден на затворска казна 1 година и 6 месеци – застарува на 10.09.2027 година

„Плацеви на Водно“ – осуден на затворска казна 9 години – застарува на 14.02.2043“

Претседателот на СДСМ Венко Филипче денеска ја праша Владата и коалициските партнери ВМРО ДПМНЕ и ЗНАМ дали досега побарале екстрадиција на Груевски.

„Бидејќи Движењето ЗНАМ веќе ја честиташе победата на новиот унгарски премиер, сега го поставуваме следното прашање – има ли барање за екстрадиција досега оваа Влада на ВМРО ДПМНЕ и ЗНАМ поднесено за враќање на Никола Груевски. Доколку нема зошто нема, и доколку нема дали денеска во текот на денот после изјавата на новиот унгарски премиер ќе поднесат барање за екстрадиција на Никола Груевски во земјата.“

На Груевски претходно, во 2024 година, му застаре двегодишната затворска казна за случајот Тенк за набавката на луксузниот мерцедес. А во текот на минатите години но и со измените на Кривичниот законик застареа предметите ТНТ, за уривањето на комплексот „Космос“ и „Траекторија“, за провизиите за изградба на автопатиштата.

Груевски избега од земјава во неразјаснети околности есента 2018 година, со образложение дека ќе му била загрозена безбедноста во затвор.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Битола денес беше град на трчањето

Над 1.500 тркачи од 18 земји денес беа дел од 8-мото издание на ТРЧАЈ БЕ 2026, спортска манифестација која од година во година расте и ја зацврстува позицијата на Битола како значајна дестинација за спортски туризам во регионот.

Битола денес беше град на трчањето

Свежото утро создаде одлични услови за трчање, а годинешното издание донесе и исклучителни спортски резултати. На битолската патека беа постигнати најбрзите времиња досега и соборени рекордите на ТРЧАЈ БЕ. Низ улиците на Битола денес трчаа натпреварувачи од различни земји, бодрени од бројна публика, волонтери и сите оние кои беа дел од организацијата и реализацијата на трката.

ТРЧАЈ БЕ е спортски настан, но и приказна за Битола како отворен и активен град кој преку спортот привлекува гости, создава дополнителна вредност за локалната економија и се промовира надвор од границите на државата.

Општина Битола упатува честитки до организаторите на ТРЧАЈ БЕ, до сите институции, партнери, волонтери и служби вклучени во реализацијата, како и до граѓаните кои со својата поддршка придонесоа за атмосферата долж патеката.

Посебни честитки до победниците и до сите над 1.500 учесници кои денес ја истрчаа Битола.

Уште едно успешно издание на ТРЧАЈ БЕ, уште еден голем спортски ден за Битола.

Општина Битола

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена локална облачност. Ќе дува слаб до умерен ветер од северен правец.

Утре сончево со мала до умерена облачност

Минималната температура ќе биде во интервал од 7 до 16, а максималната ќе достигне од 23 до 30 степени.

Во Скопје, претежно сончево. Ќе дува слаб до умерен ветер од северен правец. Минималната температура ќе се спушти до 11, а максималната ќе достигне до 28 степени.

До крајот на новата работна седмица ќе се задржи посвежо и претежно сончево време со мала до умерена облачност во текот на денот. Во вторник наместа во северните делови ќе има услови за повремен дожд. До среда ќе дува слаб до умерен ветер од северозападен правец, а потоа ветерот ќе го смени правецот во југоисточен.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожарот на Брач ​​сè уште активен: Евакуирани речиси 700 луѓе

Пожарот е сè уште активен на хрватскиот остров Брач, две лица се повредени, а речиси 700 луѓе се евакуирани, додека населбата Милна е спасена од пожарот, изјави денес началникот на противпожарната служба Славко Туцаковиќ.

Пожарот на Брач ​​сè уште активен: Евакуирани речиси 700 луѓе

Тој рече дека постара жена, која паднала од чамец за време на евакуација и речиси се удавила, е во критична состојба, додека другото повредено лице е млад човек кој вдишал чад.

Туцаковиќ истакна дека ситуацијата на местото на пожарот на Брач ​​утрово била помирна, иако сè уште дува ветер, по тешката ноќ во која пожарникарите ги бранеле куќите од пожарот, и дека, и покрај нивните напори, неколку згради биле оштетени, објави Индекс.

Туцаковиќ рече дека четворица канадери учествуваат во гаснењето на пожарот од воздух.

Хрватската противпожарна служба претходно објави дека пожарот се приближил до Милна поради ветер и дека сите расположиви противпожарни сили се ангажирани во гаснењето на пожарот и спречувањето на ширењето на пожарот кон самото населено место. Ветерот влијаел врз ширењето на пожарот кон јужната страна на Брач ​​на тешко пристапен терен покриен со густа вегетација, се вели во соопштението.

Тагови: пожар Брач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер