Министерот за здравство Алиу ја посети ЈЗУ Клиничка болница-Битола - Канал 5

Македонија

Министерот за здравство Алиу ја посети ЈЗУ Клиничка болница-Битола

Алиу посочи дека во приоритетите на Министерството за здравство е и ЈЗУ Клинична болница-Битола.

Министерот за здравство Алиу ја посети ЈЗУ Клиничка болница-Битола

Мисија и визија во здравствениот систем на секоја држава се здравството и здравствените услуги да бидат што поблиску до граѓаните и тоа е наша заложба како Министерство за здравство, истакна министерот Азир Алиу за време на денешната посета на ЈЗУ Клиничка болница-Битола.

Во изјава за медиумите, министерот Алиу посочи дека во приоритетите на Министерството за здравство е и ЈЗУ Клинична болница-Битола.

-Еден од нашите приоритети е и Клиничкиот центар во Битола кој цениме дека има доволни можности за да инвестираме и да се подобри квалитетот на здравствените услуги. Интензивно работиме да инвестираме во инфраструктура и човечки ресурси. Заедно со Министерството за образование и наука подготвуваме нова Национална стратегија за креирање здравствен кадар за здравството и таа стратегија ќе ни даде јасна слика колку доктори, колку медицински и колку технички кадар ќе ни треба во иднина од аспект на формално образование. Од аспект на специјализации, ќе го намалиме времетраењето на специјализациите, а профилот на специјализанти ќе биде согласно потребите на здравствените институции, истакна министерот Алиу.

За време на посетата на ЈЗУ Клиничка болница, министерот за здравство беше информиран за потребните профили на лекари и за други барања на таа здравствена установа.

-Битола е регионален центар и затоа ќе инвестираме во инфраструктура, во нови технологии, едукација и обуки за здравствениот кадар. Јас сум задоволен од ентузијазмот што го гледам кај вработените и затоа на наредната средба ќе зборуваме за реализираните ветувања кои ќе произлезат од заеднички акциски документ. Во таа смисла, приоритет во Битола за нас е Центарот за онкологија и затоа ќе инвестираме во човечки ресурси и инфраструктура за да може сите потребни здравствени услуги да се нудат во Битола, нагласи министерот Алиу.

Според Ненси Лозанче, директорка на ЈЗУ Клиничка болница-Битола, за подобрување на состојбите во болницата е потребен подолг период затоа што во минатото не се вложувало во инфраструктура и човечки ресурси.

-Со заедничка соработка со Министерството за здравство и Владата, се надевам дека ќе успееме да ја подобриме состојбата во нашата болница. Правиме напори да ја подобриме состојбата со човечки ресурси. Како што е познато и објавивме вработувањето на млади лекари во блиска иднина нема да ја подобри состојбата бидејќи специјализациите се многу долги и ние како доктори ги немаме присутни во болницата. Затоа инициравме вработување на специјалисти кои дојдоа да работаат во ЈЗУ Клиничка болница-Битола напуштајќи приватно здравство, а имаме најава за доаѓање на еден хирург кој сака да работи кај нас. За да ги заинтересираме докторите потребно е да се вложи во болницата и да се набави нова опрема со што нивото кое го заслужува ЈЗУ Клиничка болница ќе биде подигнато за брзо време, изјави Лозанче.

Менаџментот на ЈЗУ Клиничка болница-Битола со обиколка низ повеќе одделенија во болницата директно го запозна министерот за здравство Азир Алиу со реалната слика во таа здравствена установа.

Тагови: Азир Алиу

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Штрајк на 400.000 работници во Германија- бараат поголеми плати

Повеќе од 400.000 работници во автомобилската, машинската и електроиндустријата во Германија излегоа на улиците и организираа предупредувачки штрајкови откако пропаднаа неколку рунди преговори за плати, објави синдикатот IG Metall.

Штрајк на 400.000 работници во Германија- бараат поголеми плати

Според AFP, податоците на синдикатот покажуваат дека околу 413.000 работници учествувале во штрајкови од минатиот викенд до петок, пренесе Кликс.

Првите собири пред фабричките порти започнаа во недела, 1 ноември, на полноќ, кога истекоа претходните договори за плати. Со нивното истекување, заврши и законската обврска на синдикатите да се воздржат од штрајкови.

Штрајкови во повеќе од 2.000 компании

Синдикатот IG Metall најави предупредувачки штрајкови во повеќе од 2.000 компании низ Германија само за оваа недела.

Барањата на синдикатот се фокусирани на:

• Зголемување на платите за седум проценти, со дополнителни подобрувања за работниците со најниски приходи.

• Зачувување на постојните работни места и локации за производство.

• Учество на вработените во распределбата на профитот на компанијата.

Од друга страна, за време на втората рунда преговори, работодавците презентираа понуда за трајно зголемување на платите од 1,3 проценти, со имплементација дури од јули 2028 година.

Синдикатот го окарактеризираше таквиот предлог како провокација која, како што наведуваат, всушност би им донела на работниците вистински пад на приходите.

„Работниците се борат за иднината на своите семејства и своите работни места. Тие очекуваат значително зголемување на куповната моќ и поконкретно преземање на обврските и инвестициите на работодавците“, рече главниот преговарач на IG Metall, Надин Богуславски.

Богуславски додаде дека синдикатите излегле со фер и флексибилна понуда и дека во овој момент потегот зависи од работодавците.

Преговорите меѓу двете страни ќе продолжат следната недела. Синдикатот предупредува дека штрајковите ќе траат значително подолго доколку работодавците не одговорат на барањата. Во овие преговори директно се вклучени повеќе од 3,7 милиони работници вработени во еден од клучните сектори на германската економија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Уапсени се 17 возачи: Десетмина немале возачка, петмина возеле пијани- еден дури со 3,35 промили алкохол во крвта

17 лица лишени од слобода во изминатото деноноќие поради безобѕирно управување со моторно возило.

Уапсени се 17 возачи: Десетмина немале возачка, петмина возеле пијани- еден дури со 3,35 промили алкохол во крвта

Во текот на изминатото деноноќие, на територијата на целата држава, полициски службеници лишиле од слобода 17 лица додека со едно лице е извршен службен разговор, поради сторено кривично дело „безобѕирно управување со моторно возило“ по член 297-а од Кривичниот законик.

Десет лица управувале возило без положен возачки испит. Станува збор за Е.С.(34), Р.Ш.(18), Б.К.(19), кој управувал мотоцикл, Б.А.(49) и П.И.(29), сите од Скопје, А.А.(37) од Гостивар, Д.Л.(34) од Прилеп и Е.В.(53) од Струга.

Во Виница, 14-годишен малолетник, пред да се стекне со право на управување со моторно возило, изгубил контрола над мопедот и паднал. Исто така, службен разговор бил извршен со Е.Е.(19) од Велес, кој учествувал во сообраќајна незгода со мотоцикл без регистарски ознаки и две други возила, а претходно не се стекнал со право на управување со моторно возило.

Пет лица управувале возило под дејство на алкохол. Кај К.К. биле измерени 3,35 промили алкохол во крвта, кај И.А.(52) од Куманово 2,17 промили, кај Н.Ѓ.(33) од Куманово 1,55 промили, кај С.Ј.(34) од Битола 1,60 промили, а кај Х.П.(28) од Охрид 1,68 промили алкохол во крвта.

Две лица управувале возило и покрај активна забрана за управување со моторно возило. Станува збор за А.Ш.(39) од село Обедник, демирхисарско, и Р.Л.(55) од Охрид, кој претходно учествувал во сообраќајна незгода управувајќи патничко возило „опел“ со охридски регистарски ознаки.

Г.Р.(53) од село Мусинци, општина Могила, управувал возило без положен возачки испит и под дејство на алкохол, при што му биле измерени 2,92 промили алкохол во крвта.

По целосно документирање на случаите, ќе бидат поднесени соодветни кривични пријави.

МВР апелира до сите учесници во сообраќајот доследно да ги почитуваат сообраќајните правила и прописи, да не управуваат возило без положен возачки испит, под дејство на алкохол или за време на активна забрана за управување. Особено апелираме до родителите да не им дозволуваат на малолетни лица да управуваат моторни возила пред да се стекнат со законско право за тоа. Одговорното однесување во сообраќајот е од суштинско значење за спречување на сообраќајни незгоди и заштита на човечките животи, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Уапсен е охриѓанец- во неговиот дом се пронајдени дрога и пари

Лишен од слобода 49-годишник од Охрид, при претрес пронајдена дрога и пари.

Уапсен е охриѓанец- во неговиот дом се пронајдени дрога и пари

На 07.11.2026 година, полициски службеници од СВР Охрид го лишиле од слобода Б.Н.(49) од Охрид. При претрес во неговиот дом, извршен со судска наредба, биле пронајдени и одземени три опаковки со бела прашкаста материја и пари.

По целосно документирање на настанот, против него ќе биде поднесена соодветна пријава, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер