Здравје

Министерот Сали потврди дека има проблеми со набавката на лекови за малигно болните

Има дупки со набавките, затоа сега нема лекови за дел од онколошките пациенти, признава Министерот за здравство, Беким Сали.

Иако пациентите веќе два месеци немаат лекови, кои за некој значат живот, а чинат илјадници евра, Сали уверува дека кај и да е тие ќе пристигнат, но кога точно не прецизираше.

Новата Директорка на Онкологија Виолета Клисаровска, пак, не одговори на прашањата на Канал 5 кога точно ќе стигнат лековите кои сега ги нема, а ниту до каде е ревизијата која ја прави таа што инаку треба да покаже како се трошеле парите во изминатиот период или каде завршувал буџетот на болницата, која според официјалните пресметки на ФЗО со 12 милиони евра е рекордер во долговите што ги има Клинички.

Додека токму во Фондот се крои казата на болниците за до година, и лекарите си бараат повеќе пари, односно линеарно зголемување на платите кое им го вети оваа влада пред кризата. Сали за ова вели оти се договорил со Синдикатот, да му дадат рок од две недели за да може да издејствува Министерството за финансии за го одврзе ќесето за белите мантили.

Министерот Сали вели дека периодов под лупа се сите болници, па првпат во триесет години се чешла како управувале директорите со парите. Ако се утврди дека не работеле добро, тој кажа дека можеби конечно ќе се тргнат економските двојни директори на Клиниките кои земаат плата од 1000 до 1500 евра месечно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Невремето предизика проблеми и на скопскиот аеродром

Невремето предизика проблеми и на скопскиот аеродром, каде поради протекување на кровот беше предизвикан прекин на работењето на излезот од државата во траење од околу час и половина информираат од Министертвото за внатрешни работи.

Во транзитниот центар Табановце се регистрирани оштетувања на дел од привремените објекти за сместување на мигранти на подрачјето на СВР Куманово пријавени се 9 оштетени возила и 3 оштетени кровови .

Во штипскиот регион регистрирани се 14 оштетувања на патнички возила и 6 оштетувања на кровни конструкции.На подрачјето на Тетово евидентирани се 5 настани, од кои 3 оштетувања на патнички моторни возила и 2 оштетувања на кровови.

Во Велес и околината пријавени се две оштетувања на патнички моторни возила предизвикани од паднати дрвја.Во струмичко пријавени се паднати електрични столбови во селата Доброшинци и Градошорци, како и прекин на снабдувањето со електрична енергија во селото Свидовица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петнаесет повредени лица се примени во скопските клиники по невремето што вчера го зафати Скопје

Петнаесет повредени лица се примени во скопските клиники по невремето што вчера го зафати Скопје.

Најсериозно е повредена повозрасна жена што се здобила со повреда на главата по пад на дрво.

100 тици дрвја беа откорнати низ целиот град, откорнати беа кровови од станбени објекти.

Летаа предмети од силниот ветер,според информациите ветрот достигнал брзина и до 90 километри на час, а на единствениот број за итни повици 112 штети пријавиле над илјада граѓани.

Невремето беше кратко, но многу интезивно за само 10 минути направи вистински хаос.

Тагови: Град Скопје невремето

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денеска не очекува променливо облачно време со сончеви периоди, се најавува и локална нестабилност со пороен дожд

Од УХМР (Управата за хидрометеоролошки работи) предупредуваат за голема нестабилност на времето денес.

Според УХМР денеака времето ќе биде променливо облачно со сончеви периоди. Ќе има повремени врнежи од дожд и локална нестабилност со пороен дожд, грмежи, засилен ветер. Наместа ќе има услови за изолирано невреме со појава на град.

Ќе дува умерен, а долж Повардарието повремено засилен ветер од северен правец (наместа над 60 km/h).

Во Скопје, променливо облачно со сончеви периоди. Во делови од котлината ќе има повремени врнежи од дожд и услови за појава на нестабилност со пороен дожд, грмежи и засилен ветер.

До петок под влијание на серија влажни и нестабилни воздушни маси, времето ќе биде променливо облачно и наместа нестабилно со пороен дожд и грмежи.

Локално процесите ќе бидат во форма на краткотрајно невреме проследено со силен ветер и изолирана појава на град.

Во петок ќе има пообилни врнежи од дожд. Поради продор на постудена воздушна маса од север температурата значително ќе опадне.

Во Скопје, до петок ќе биде променливо облачно, повремено нестабилно со пороен дожд и грмежи. Локално во делови од котлината ќе има нестабилност со пороен дожд, грмежи и засилен ветер.

Наместа ќе има и услови за појава на краткотрајно невреме со силен ветер и изолирана појава на град.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.