Македонија

Министерот Муцунски во Атина се сретна со неговиот грчки колега Герапетритис

Грција ги поддржува македонските евроинтегративни напори, но тие мора да се движат врз основа на воспоставените услови и со спроведување на Преспанскиот договор.

Грција ги поддржува македонските евроинтегративни напори, но тие мора да се движат врз основа на воспоставените услови и со спроведување на Преспанскиот договор – ова е пораката која шефот на грчката дипломатија Герапетритис ја упати на заедничката прес-конференција со македонскиот колега Муцунски во Атина. Грчкиот министер ја пофали соработката на двете земји во рамки на НАТО, а во фокусот на разговорите како што кажа, покрај за унапредувањето на меѓусебните односи,. На средбата како што кажа Герапетритис, станало збор и за регионалната и глобанла безбедност и потребата од блиска координација.

-Би сакал да ја повторам поддршката на Грција за напредокот на С. Македонија на нејзиниот европски пат, врз основа на воспоставените условености и принципот на сопствени заслуги, со посебен фокус на основните критериуми. Во тој поглед, дозволете да го подвлечам од најголема важност, целосното конзистентно и во добра верба спроведување на Преспанскиот договор, вклучувајќи и го и користењето на уставното име од владата,- - Јоргос Герапетритис – Министер за надворешни работи на Грција .

Шефот на македонската дипломатија Муцунски пак, на прес-конференцијата порача дека меѓусебната почит според него е основата врз која се гради трајна соработка.

Почитувањето на меѓународното јавно право останува императив за двете страни, а билатералните односи, како и досега, ќе се засноваат на меѓусебно разбирање како соседи и сојузници во НАТО, констатираа двајцата министри како заклучок од средбата.

-Ја подвлековме важноста на меѓународното јавно право и на обврските кои ние (Македонија и Грција) ги преземавме, бидејќи меѓусебната почит е основата врз која се гради трајна соработка. Верувам длабоко и искрено во ветувањето на нашата врска, во силата на дипломатијата заснована врз почит,- - Тимчо Муцунски – Министер за надворешни работи .

Муцунски се заблагодари на Грција и за помошта која нашиот јужен сосед ја испрати за повредените од трагедијата во Кочани, како и за справуавњето со пожарто кај Дојран. Ова беше прва посета на Муцунски на Атина откако стапи на функцијата минситер за надворешни работи, а на неа станало збор и за соработката во делот на инфраструктурата и енергетиката, односно за коридорот 10 и гасниот интерконектор кај Александрополи каде учество има и Македонија.

Тагови: грција Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Со средствата кои Владата ги доделуваше, општина Кисела Вода гради дополнителни училници со цел да се овозможи едносменска настава

Изминатава година, Општина Кисела Вода посветено работи на унапредување на условите за живот на граѓаните и реализација на проекти во повеќе области од спортот и образованието, до социјалната и детската заштита.

Општина Кисела Вода работи на создавање нови можности за спорт и рекреација. Во Расадник се градат спортски сали, детски игралишта, спортски терени и рекреативни катчиња, за што се инвестирани 120.000.000 денари. Во населбата 11 Октомври -Бараки е изграденa нова спортска зона со калистеник парк и терен за одбојка на песок.

Посебен фокус е ставен на модернизацијата на основните училишта. Во ООУ „Невена Георгиева -Дуња“ се градат нови дополнителни училници, а училиштето е опремено и со нова ИТ опрема.

ООУ „Партенија Зографски“ доби нов современ училишен инвентар и нова ИТ опрема, со што се создаваат подобри услови за настава и работа на учениците и наставниот кадар.

Во ООУ „Круме Кепески“ е реновирана спортската сала, како проект реализиран во соработка меѓу локалната и централната власт, со средства обезбедени преку повиците од унгарскиот кредит што ги обезбеди Владата. Во тек е и изградбата на шест нови училници. Во ПОУ „Круме Кепески“ во Припор е пуштена во употреба нова спортска сала наменета за учениците.

Во ООУ „Кузман Јосифовски -Питу“, изградбата на новата спортска сала е во завршна фаза. Во ООУ „Рајко Жинзифов“ и ООУ „Кирил Пејчиновиќ“ се набавени нови компјутери и телевизори за учениците, а обезбедени се и нови училници со цел создавање услови за едносменска настава.

За 530 првачиња од општината се обезбедени бесплатни ранци и училишен прибор, додека за основците се обезбедени бесплатни училишни униформи.

Општина Кисела Вода овозможи простории за бесплатни логопедски, дефектолошки и психолошки услуги за деца од Драчево, Пинтија, Усје и Стаклара.

Во соработка со Црвен крст продолжува проектот ,,Итно копче“ со што им се нуди помош на возрасните лица во општината.

Сите овие активности се дел од континуираните заложби на Општина Кисела Вода за создавање подобри услови за живот, современа инфраструктура и поквалитетни услуги за сите граѓани.

ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Цените на угостителските услуги се за 3,7% повисоки во споредба со август минатата година

Податоците од Заводот за статистика покажуваат дека сметката во рестораните, кафеаните и објектите за сместување продолжила да расте и во август.

Цените на угостителските услуги биле за 0,6% повисоки отколку во јули, а за 3,7% повисоки во споредба со август минатата година, покажуваат најновите податоци на државниот завод за статистика.

Најголемото месечно поскапување е забележано кај пијалаците. Цените на алкохолните и безалкохолните пијалаци пораснале по 1,5%, односно трипати повеќе од храната, која поскапела за 0,5%. Ноќевањата во август биле поскапи за 0,4% во споредба со претходниот месец. Годишниот раст на угостителските цени од 3,7% е за 1,1 процентен поен повисок од општата годишна инфлација, која во август изнесувала 2,6%. Тоа покажува дека поскапувањето во угостителството во овој период било поизразено од просечниот раст на потрошувачките цени.

Тагови: угостителски услуги

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: До ноември нема да заврши војната со Иран

Американскиот претседател Трамп изјави дека не мисли оти војната со Иран ќе заврши до изборите во ноември, додавајќи дека цените на нафтата нема да се намалат дотогаш.

„Мислам дека војната ќе заврши веднаш по изборите бидејќи тие повеќе не можат да издржат“, рече Трамп за властите во Техеран, тој изјавата ја даде додека се упатуваше кон Тексас за првата конвенција на партијата.анкетите покажуваат дека Трамп се соочува со опаѓање на рејтингот и притисок од неговата Републиканска партија да ја прекине војната со Иран. Вчера , цените на нафтата се искачија на 100 долари за прв пат од јули поради зголемените борби на Блискиот Исток. Изборите ќе се одржат на 3 ноември, а републиканците се во опасност да ја изгубат контролата врз конгресот. Борбите на Блискиот Исток се интензивираа во последните денови. Американската војска соопшти дека нападнала пет танкери за нафта поврзани со Иран. Техеран, како одговор, започна напади врз два разорувачи на американската морнарица и осум танкери за нафта во Ормутскиот Теснец, еден ден претходно, Хутите во Јемен започнаа бран напади во Саудиска Арабија, предизвикувајќи пожари во нафтени постројки.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.