Министерот Филипче најави три нови апарати за магнетна резонанца за бoлниците во Охрид, Прилеп и Гостивар - Канал 5

Здравје

Министерот Филипче најави три нови апарати за магнетна резонанца за бoлниците во Охрид, Прилеп и Гостивар

 Министерот за здравство Венко Филипче денеска го посети Одделението за третман на деца со потешкотии во развојот при Општата болница во Охрид, што беше отворено пред неколку месеци со поддршка на Владата на Република Бугарија.

Министерот Филипче најави три нови апарати за магнетна резонанца за бoлниците во Охрид, Прилеп и Гостивар

Во Центарот, што е единствен во регионот се лекуваат и престојуваат деца со посебни потреби од Охрид, Кичево, Струга, Ресен, а со нив работат експерти од областа, дефектолози, невролози, невропсихијатри…

Тој разговараше со надлежните од установата, за потребите од натамошно зајакнување на капацитетите на експертскиот кадар во болницата, најавувајќи дополнителни специјалистички дообразби на лекарите, како и опремување на болницата со нов апарат за магнетна резонанца, со оглед на големата потреба од такви дијагностички снимања за пациентите од градот и околината.

– Станува збор за исклучитално важен апарат за жителите во регионот, имајќи предвид на големиот број сложени интервенции што се спроведуват во болницата и во другите здравствени установи во градот, а имаат потреба од такво вид снимање, рече министерот, најавувајќи дека во Охрид ќе ги посети уште и Специјалниот завод за третман на кардиоваскуларни заболувања и Специјалната болница за ортопедија и травматологија „Свети Еразмо", чија изградба е во тек.

По однос динамиката на реконструкцијата на „Свети Еразмо", Филипче истакна дека градежните активности се при крај, со очекувања дека тие би требало да бидат заокружени до крајот на мај годинава.

– Тоа ќе биде современ, модерен центар за третман на ортопедски пациенти, но и за пациенти со комплексни кардиолошки заболувања, со тоа што дел од кардиолошките интервенции ќе продолжат да се работат во постојната зграда на Заводот за кардиологија, додека комплексните интервенции за кои е неопходна посовремена апаратура ќе се изведуваат во рамки на болницата „Свети Еразмо", рече Филипче.

Кога станува збор за апаратот за магнетна резонанца, тој ќе биде набавен од развојниот буџет на ресорното Министерство, преку кој уште ќе бидат обезбедени такви апарати уште и за потребните на центрите во Прилеп и Гостивар. Постапката за набавка на апаратура ќе биде отпочната за две седмици.

Што се однесува на подобрувањето на состојбите со недостиг на специјалисти педијатри и гинеколози во целата држава, Филипче најави дека решението на проблемот ќе се бара преку искуствен модел на функционирање на примарната здравствена зашитита во Република Словенија, по пат на циркулација на лекарите од болниците и здравствените домови.

– Со измените во Законот за здравствена заштита при недостиг на одреден број специјалисти, на сите специјалисти ќе им биде овозможено да работат и како матични лекари, но и во болничките установи преку дежурства за што ќе бидат соодветно платени. Таму каде недостигаат матични лекари ќе биде дозволено, преку посебен печат болничките специјалисти да работат и како матични лекари…Верувам дека во периодот што следува дополнителните услуги што матичните лекари ќе можат да ги пружаат во јавните здравствени установи навистина ќе доведат до полесен пристап на пациентите до соодветна здравствена заштита, рече министерот Филипче.

Владата денеска својата редовна осма седница ќе ја одржи во Охрид, како петта од серијата седници, што се одржуваат во десет региони во земјата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп штотуку објави: „Ова е нова територија на САД“

Американскиот претседател Доналд Трамп објави на својата социјална мрежа „Truth social“ мапа од Ормускиот теснец, над која е напишано дека областа е „нова територија на САД“.

Трамп штотуку објави: „Ова е нова територија на САД“

Ова соопштение доаѓа откако претседателот на иранскиот парламент и главен преговарач на Техеран, Мохамед Багер Калибаф, изјави дека Ормускиот теснец ќе остане затворен сè додека САД не ги исполнат своите обврски според меморандумот за разбирање со Иран.

Калибаф рече дека условите вклучуваат:

• укинување на поморската блокада и санкциите;

• ослободување на замрзнатите ирански средства;

• укинување на санкциите за нафта;

• запирање на заканите и воените операции на сите фронтови

„Додека не се исполнат обврските што САД ги презедоа во меморандумот за разбирање, теснецот нема да биде отворен“, рече Калибаф.

Од друга страна, иранскиот министер за надворешни работи, Сејед Абас Аракчи, рече дека Иран и Оман ќе финализираат договор за соодветна рута за безбедно минување на бродовите низ Ормускиот теснец.

Според новинската агенција Тасним, Аракчи разговарал по телефон со својот турски колега Хакан Фидан за билатералните односи и најновите регионални случувања.

Зборувајќи за разговорите меѓу Иран и Оман, Аракчи ја нагласил решеноста на Техеран да продолжи со процесот на договарање за безбедна рута за бродовите низ Ормускиот теснец.

Извор: Б92

Тагови: Доналд Трамп Ормускиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во Сирија осуден на смрт братучедот на Башар ал Асад

Сирискиот суд го осуди Васим ал Асад, братучед на поранешниот претседател Башар ал Асад, на смрт за сторени „воени злосторства и злосторства против човештвото“, откако поранешниот претседател Асад беше осуден на смрт во отсуство една недела претходно.

Во Сирија осуден на смрт братучедот на Башар ал Асад

Судијата Фар ал-Дин ал-Арјан го прогласи Васим ал Асад за виновен за, „убиства со умисла на повеќе лица, придружени со тортура и бруталност... класифицирани како злосторства против човештвото и воени злосторства“ и објасни дека е „осуден на смрт за тоа“.

Во април, во Сирија започнаа судења против Башар ал Асад, кој избега во Русија, и други функционери, за злосторства извршени за време на граѓанската војна предизвикана од бруталната репресија на продемократските протести.

Сирија го осуди братучедот на Башар ал Асад на смрт

Васим ал-Асад е првиот член на семејството Асад на кој му се суди откако беше уапсен и приведен во близина на сириско-либанската граница во јуни. Војната ја опустоши земјата од 2011 до 2024 година, оставајќи зад себе повеќе од половина милион мртви, милиони раселени и десетици илјади исчезнати.

Трибуналот утврди дека Васим ал-Асад формирал две вооружени групи лојални на поранешниот режим, кои извршиле напади во близина на Дамаск во кои загинале десетици луѓе. Тој беше прогласен и за виновен за поттикнување граѓанска војна. Други обвиненија, вклучително и трговија со дрога, беа отфрлени поради недостаток на докази.

Иако не држел висока функција, Министерството за финансии на САД го санкционираше Васим ал-Асад во 2023 година, велејќи дека тој водел паравоена единица и бил „клучна фигура во регионална мрежа за трговија со дрога“.

Неговата пресуда може да се обжали до Касациониот суд, највисокото судско тело во Сирија. Новите сириски власти, кои го соборија претходниот режим во декември 2024 година, ветија дека ќе ги повикаат на одговорност оние што се одговорни за злосторствата извршени за време на владеењето на Асад.

Тој живеел во луксуз во земја на сиромаштија и војна

За време на граѓанската војна, Васим ал-Асад се фалел со своите луксузни автомобили на социјалните медиуми, повремено појавувајќи се во воена униформа и вооружен. На 11 август, Башар ал-Асад беше осуден на смрт во отсуство за „воени злосторства“ и „злосторства против човештвото“.

Шест поранешни воени и безбедносни функционери беа осудени во отсуство, вклучувајќи го и Махер, братот на Асад, кој командуваше со 4-та дивизија, елитна воена единица.

Единствениот што се појави на суд, Атиф Наџиб, поранешниот шеф на безбедноста на покраината Дараа, лулката на востанието од 2011 година, исто така беше осуден на смрт за злосторства против човештвото.

Башар ал-Асад избега во Русија во декември 2024 година, придружуван само од неколку блиски соработници.

Извор: Индекс.хр

Тагови: Сирија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пронајдени 10 лица мигранти од Египет, лишен од слобода криумчарот од Латвија

На 17.08.2026 околу 22:00 часот во с.Богородица, гевгелиско, полициски службеници од Полициската станица за граничен надзор и гранични проверки Богородица го лишија од слобода Р.С.(59) од Латвија.

Пронајдени 10 лица мигранти од Египет, лишен од слобода криумчарот од Латвија

При контрола во патничко возило „фиат типо“ со скопски регистарски ознаки, кое го управувал, биле пронајдени 10 лица мигранти од Египет. Мигрантите се сместени во Прифатни транзитен центар „Винојуг“ во Гевгелија, а Р.С. е предаден во Полициска станица Гевгелија и по целосно документирање на случајот против него ќе биде поднесена соодветна пријава.

Тагови: мигранти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер