Министерот Бесент очекува САД годишно да имаат над 500 милијарди долари приходи од царини - Канал 5

Свет

Министерот Бесент очекува САД годишно да имаат над 500 милијарди долари приходи од царини

Американскиот министер за финансии, Скот Бесент, денеска изјави дека приходите од царините воведени од претседателот Доналд Трамп би можеле да надминат 500 милијарди американски долари годишно.

Министерот Бесент очекува САД годишно да имаат над 500 милијарди долари приходи од царини

Бесент на состанокот на кабинетот во Белата куќа изјави дека неговата претходна проценка од 300 милијарди долари годишен приход е премногу ниска.

-Имавме значителен скок од јули до август и мислам дека ќе видиме уште поголем од август до септември, рече тој.

„Затоа мислам дека би можеле да бидеме на пат кон многу повеќе од половина билион, можеби еден билион“, додаде тој. „Оваа администрација, вашата администрација, значително го намали буџетскиот дефицит“.

Приходите од царините ќе го компензираат зголемувањето на дефицитот поради намалувањето на даноците и законодавството за трошење на Трамп донесено оваа година.

Тој закон, според проценките на Канцеларијата за буџет на Конгресот (CBO), треба да го зголеми дефицитот за 3,3 билиони долари во следните десет години.

Канцеларијата минатата недела процени дека приходите од царините на Трамп би можеле да го намалат федералниот дефицит за четири билиони долари во текот на десет години. Во јуни, тој процени дека намалувањето би можело да достигне три билиони долари во текот на десет години.

Тагови: САД царини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Морничави сцени: Вака изгледа „руско сафари“ ВИДЕО

На социјалните мрежи се појави вознемирувачко видео од украинскиот град Херсон, кое го прикажува моментот кога операторот на руски дрон FPV буквално брка и напаѓа цивилен продавач на зеленчук.

Морничави сцени: Вака изгледа „руско сафари“ ВИДЕО

Видеото го прикажува дронот како кружи околу тезга и бело комби, додека несреќниот продавач панично се обидува да го избегне дронот. Операторот на дронот го следел долго време и го натерал да трча околу возилото, пред да го насочи дронот директно кон него и да ја активира експлозијата.

Во експлозијата тој претрпел потрес на мозокот, повреди од експлозија и повеќекратни рани од шрапнели.

Тој моментално е во болница под медицински надзор, но неговиот живот е надвор од опасност.

Руско „сафари“

Руските војници наводно го објавиле видеото сами и го признале делото, отворено фалејќи се со нападите врз цивили што ги нарекуваат „сафари“.

Украинскиот претседател Володимир Зеленски, исто така, се огласи за овој настан, осудувајќи го секојдневниот терор врз жителите на Херсон и повикувајќи ја меѓународната заедница да реагира порешително.

Извор: Б92

Тагови: руско сафари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала локална облачност. 

Утре сончево и многу топло

Ќе дува слаб до умерен ветер од променлив правец. Минималната температура ќе биде во интервал од 12 до 19, а максималната ќе достигне од 33 до 40 степени.

Во Скопје, сончево и многу топло со слаб ветер од променлив правец. Минималната температура ќе се спушти до 16, а максималната ќе достигне до 39 степени.

Продолжува периодот на сончево и многу топло време со дневна температура која во некои места ќе достигне 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончево и топло

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силен земјотрес ја погоди областа во близина на Пиза

Земјотрес со јачина од 4,3 степени ја погоди областа во близина на Пиза во централна Италија утрово, соопшти италијанскиот Национален институт за геофизика и вулканологија.

Силен земјотрес ја погоди областа во близина на Пиза

Во соопштението се вели дека земјотресот се случил во 10:15 часот наутро, со епицентар седум километри западно од Пиза, на длабочина од осум километри, објави Анса.

Земјотресот бил почувствуван низ северна Тоскана, во соседните провинции Лука и Маса-Карара, како и до провинцијата Фиренца.

Засега нема извештаи за повредени или штети.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер