Министер на Путин во воен авион возел актрактивна љубовница- скандал го тресе Кремљ (ВИДЕО) - Канал 5

Свет

Министер на Путин во воен авион возел актрактивна љубовница- скандал го тресе Кремљ (ВИДЕО)

Нов скандал го потресе Кремљ откако се проширија гласини дека висок функционер на рускиот претседател Владимир Путин наводно користел воен авион вреден 100 милиони долари за да ја транспортира својата љубовница, Марија Шалаева (23).

Министер на Путин во воен авион возел актрактивна љубовница- скандал го тресе Кремљ (ВИДЕО)

Теориите започнаа откако Шалаева сподели на социјалните мрежи дека за време на викендот летала до Ростов на Дон со Иљушин-76, авион на Министерството за одбрана, иако аеродромот е затворен за сите освен за воени авиони.

Независниот медиум „Некста“ тврди, иако без цврсти докази, дека љубовникот не е никој друг туку Андреј Белоусов (66), министерот за одбрана на Путин. Тој наводно е познат по тоа што е женкар, а неговиот портрет се појавува во видеото што го објави Шалаева.

Еден клип, исто така, покажува дека љубовникот има седа коса, исто како и Белоусов.

„Во приватните објави, Шалаева алудира на тоа дека нејзиниот љубовник е Белоусов, новиот министер за одбрана на Руската Федерација“, објавува „Некста“. Сепак, постои и теорија дека љубовникот е помлад маж, кој се појавува во едно од видеата во шорцеви на задниот дел од авионот.

Шалаева не сакала да го открие идентитетот на своето момче. Таа само рече дека тој е „човек од Кремљ“, но инсистираше дека не е војник ниту член на Руската Федерална служба за безбедност (ФСБ). Интересно е што Белоусов не е професионален војник и нема формален воен чин, иако се натпреварува со авторитетот на водечките руски генерали.

Во видеата, кои подоцна ги избриша, Шалаева се пофали и дека нејзиниот партнер ѝ резервирал маникир во градот.

„Кој вели дека авионите не летаат до Ростов? Летаат, но не сите и не за секого“, напиша 23-годишната девојка во објавата. Потоа рече дека го водела и својот тригодишен син Тим на патувањата.

„Тој веќе летал со воен авион на тригодишна возраст. Седеше во пилотската кабина, па дури и земаше чипови од пилотот“, рече Шалаева.

Иако руските медиуми сè уште не го открија идентитетот на мистериозниот човек, откритието предизвика бес низ целата земја и се смета за безбедносен пропуст.

Воени извори изјавија дека тајните служби веќе „посетиле“ еден функционер на Кремљ по откритието.

„Сите ќе бидат пронајдени и казнети. Доколку ова стигне до министерот за одбрана, очекувам тој да биде строго казнет“, рече пензионираниот генерал-мајор Владимир Попов, според Net.hr.

Не е можно независно да се потврди дали на снимката е прикажан министерот на Путин или некој друг човек.

Тагови: Владимир Путин кремљ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Шкотските навивачи  ги освоија улиците на Скопје. Не очекува ли жешка атмосфера вечерва на арената Тодор Проески, на дуелот мегу Макеоднија и Шкотска.

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Каква беше денеска атмосферата во Скопје, каде видливо беше присуството на таканаречената Тартан арми. Какви се очекувањата на шкмотските навивачи?

Скопје вечерва носи возбудлива атмосфера и поради уште еден настан традиционалната Бела ноќ. Што всушност носи нејзината програма, која најавено е дека ке трае до 3 часот по полноќ?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Центарот на градот е исполнет со навивачи, Скопје живее во фудбалски ритам

Скопје денеска живее во фудбалски ритам. 

Центарот на градот е исполнет со навивачи, Скопје живее во фудбалски ритам

Неколку часа пред дуелот Македонија – Шкотска, центарот на градот е исполнет со навивачи од двете репрезентации, со песна, добро расположение и позитивна атмосфера пред вечерашната пресметка.

Највпечатливи, како и секогаш, се гостите. Шкотите во препознатлив стил – со килтови, знамиња и песна – уште од претпладне ја загреваа атмосферата низ скопските улици.

Добро расположение и кај македонските навивачи. Со надеж дека домашниот терен ќе донесе пресврт, тие очекуваат Македонија да ја прекине лошата серија и да стигне до првиот позитивен резултат.

За македонската репрезентација ова е можност пред домашната публика да го поправи впечатокот по поразите од Швајцарија и Словенија.

Вечерва од 20 часот и 45 минути, атмосферата од скопските улици ќе се пресели на трибините на Националната арена „Тодор Проески“. Таму прогнозите ќе завршат, а ќе почне борбата за првата победа во групата.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода велешанец, пронајдена дрога и пари, следува пријава

На 02.10.2026 во 18:00 часот во Велес, полициски службеници од Отсек за недозволена трговија со дрога при СВР Велес, го лишија од слобода Н.М.(42) од Велес. 

Лишен од слобода велешанец, пронајдена дрога и пари, следува пријава

Имено, тој бил забележан како на неколку места остава пакувања со бела грутчеста материја и при преглед на местата во негово присуство, биле пронајдени и одземени бела прашкаста материја, бела грутчеста материја, кафена грутчеста материја и дигитална вага, а при преглед кај Н.М. биле пронајдени и одземени пари.

Исто така, по издадена судска наредба од Основен суд Велес, бил извршен претрес во дом и помошни простории на Н.М., каде биле пронајдени и одземени пари. Тој бил задржан во полициска станица, известен е јавен обвинител и по документирање на настанот против него ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер