Минималната кошничка расте, платите стагнираат – колку навистина чини животот за едно четиричлено семејство? - Канал 5

Економија

Минималната кошничка расте, платите стагнираат – колку навистина чини животот за едно четиричлено семејство?

За околу 436 денари е потешка минималната синдикална кошничка за месец март,  67.818 денари му се потребни на едно четиричлено семејство за да го преживее месецот. 

Минималната кошничка расте, платите стагнираат – колку навистина чини животот за едно четиричлено семејство?

Во март само за храна и пијалоци се потребни над 25.000 денари. доколку четиричлено семејство би требало да плаќа и кирија за стан од 60 квадрати, тогаш за преживување би им требале повеќе од 83.000 денари, велат од синдикатот.. Кошничката од почетокот на годината пораснала за над 2000 денари.

-Мислам дека веќе се повеќе одиме кон зголемување на минималната кошничка или обезвреднување на минималната плата, бидејќи сега веќе наговестуваат дека за 1667 денари ќе се зголеми минималната плата по закон.Инфлацијата веќе ја изеде или како народски да кажеме веќе стандардот на граѓаните е за 2326 денари веќе е намален,- - Љупчо Радовски – Претседател на СТКЧ.

Од синдикатот велат и дека зголемувањето на платата е неопходно поради конфликтот на Блискиот Исток, а нафтата веќе надминува 110 долари по барел, што ќе влијае и на трошоциоте за транспорт..очекуваат конкретни мерки, а не ад хок алтернаитиви...

-Владата треба малку сериозно да ја сфати оваа работа и што поитно да се свика ЕСС и таму нормално да се разговара за сите состојби и сите параметри да се земат во обзир. И моменталнава криза којашто веќе со самата нафта покачување на моментално преку 112 долари е веќе нафтата по барел, тоа веќе ќе влијае и на транспортот на сите оние продукти коишто ние разговараме само за храна, не зборуваме за ништо друго,- - Љупчо Радовски – Претседател на СТКЧ.

Во периодот што следува, експертите предупредуваат дека покрај зголемувањето на цените на храната, случувањата на Блискиот Исток ќе влијаат и на зголемување на цените во сите останати сектори.

YouTube video

Тагови: потрошувачка кошничка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ќе пропаднат ли 4,2 милиони евра? Денеска истекува рокот за Изборниот законик кој е дел од реформската агенда

Денеска  истекува рокот за Изборниот законик кој е дел од реформската агенда, но нема изгледи дека ќе дојде до поместување кај политичките партии. 

Ќе пропаднат ли 4,2 милиони евра? Денеска истекува рокот за Изборниот законик кој е дел од реформската агенда

Евроамбасадорот Рокас вчера рече дека очекува решение и ги повика политичките партии да постигнат договор затоа што решението е важно за реформите, европските средства и за напредокот на државата.

– Навистина се надевам, има уште еден ден за да се постигне консензус. Координаторите на партиите се среќаваат на дневна основа и се надевам дека овој чекор ќе биде постигнат. Како што знаете и како што беше објавено во јавност се работи за 4,2 милиони евра коишто би биле искористени како бенефит за македонските граѓани и се надевам дека овој консензус ќе биде постигнат до крајот на утрешниот ден, изјави вчера евроамбасадорот Михалис Рокас.

Левица се обиде во понеделникот да иницира средба на опозициските партии на која требаше да ги усогласат барањата за да и ги достават на власта, но до средба не дојде откако опозициската СДСМ одби да присуствува.

Мицкоски е тој кој сака закон со кој ќе може да се крадат гласови од дијаспората, наведоа од СДСМ.

Тагови: Михалис Рокас Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Лишен од слобода Александар Лазаров- Цуната кој избега од Полициска станица во Кочани

На 14.07.2026 по добиени оперативни информации за лице за кое од страна на МВР е распишана централна и меѓународна потерница, од страна на полициски службеници од СВР Скопје-Потраги од слобода е лишен Александар Лазаров (41) од Кочани.

МВР: Лишен од слобода Александар Лазаров- Цуната кој избега од Полициска станица во Кочани

За Александар Лазаров беше распишана потерница по барање на Основен суд Кочани осомничен за сторено кривично дело по член 215 став 1 од Кривичниот законик. Лицето е спроведено во Полициска станица Кисела Вода за понатамошна постапка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Потврден е идентитетот на жртвите од пожарот во Шпанија; повеќето се странци.

Шпанските власти по обдукциите потврдија дека дванаесет од тринаесетте жртви на смртоносниот шумски пожар што ја зафати Андалузија биле странски државјани.

Потврден е идентитетот на жртвите од пожарот во Шпанија; повеќето се странци.

Пожарот избувна минатиот четврток војугоисточна покраина Алмерија, област популарна кај странските жители по должината на медитеранскиот брег, објави „Еуроњуз“.

Официјалното соопштение укажува дека седум жртви биле од Обединетото Кралство, три од Белгија и по една од Франција и САД. Последната, тринаесетта жртва била шпански државјанин. „Тринаесетте починати вклучуваат осум жени и пет мажи, сите возрасни“, додаде телото одговорно за идентификација.

Во меѓувреме, Интегрираниот центар за податоци (CID) објави дека бројот на случаи на исчезнати лица се зголемил на десет по новиот извештај за две лица. Пожар уништи седум квадратни километри Пожарот, разгорен од силни ветрови, се запалил кога далновод паднал на патот.

Пламените јазици проголтале шуми и вегетација - кои се претвориле во суво гориво поради екстремно високите температури - оставајќи ги живописните рурални населби опустошени. Површина од приближно седум квадратни километри изгоре во пожарот, еден од најсмртоносните во Шпанија во последните години.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер