Почитувани, во врска со овој случај ги известив Коалицијата за правично судење, Мисијата на ОБСЕ, Мисијата на Европската унија, да проследат целиот случај од почеток до крај, бидејќи сакаме и тие да се уверат дека се работи за политички арбитререн, правно неоснован, но за жал политички мотивиран случај.

Втората работа која сакам да ја истакнам е тоа што самото обвинение е компромитирано, од две причини, прво обвинението го има почнато како истрага г-ѓата Катица Јанева како поранешна специјална обвинителка, која како што видовме се занимавала и со рекетирање, а го продолжува нејзината другарка Фетаи, за која што Државниот завод за ревизија утврди дека истата незаконски земала 87 илјади евра хонорари токму од Катица Јанева и Специјалното јавно обвинителство.

И третата работа која што сакам да ја споменам е дека сум свесен дека дел од Обвинителството е под силно влијание на Владата. Владата нарачува случаи, обвинителството испорачува политички случаи и очекувам во тој дел обвинителството да го користи аргументот на силата пред судот. Но, како одбрана спремни сме да ги користиме силата на аргументите и сите други потребни докази за да ја увериме и јавноста која што е поканета да го следи овој случај дека се работи за правно не основан и политички монтиран предмет.

Прашање: Врз основа на што го темелите тврдењето дека е политички случај, настрана судскиот дел каде што велите дека е неосновано обвинението?

Одговор: Зборам за обвинението, точно за обвинителниот акт, ако го прочитате ќе видите дека е паушален, арбитререн, политички мотивиран и без издржани докази и затоа сметам дека се работи за политички мотивиран случај, кој што ве поканувам како медиуми да го следите на сите рочишта за да може и самите да бидете уверени.

Прашање: Велите политички процес, но сепак и вие сте пратеник, доаѓате од политичка партија, доаѓате во својство на пратеник нели е тоа своевиден притисок и за судот и за обвинителството, ако зборуваме за политички притисок?

Одговор: Јас во моментот не би го коментирал судот, само би го коментирал обвинителството и обвинителниот акт. Обвинителството е под силно влијание дел од обвинителството на актуелната влада, а самиот обвинителен акт е арбитререн, правно неиздржан и политички мотивиран и во самиот суд ќе го докажеме ова со силата на аргументите.

Прашање: Кои се вашите најсилни аргументи?

Одговор: Па тоа ќе го кажеме на самите рочишта, не би сакал да преудицирам.