Милошоски: Абази и Коларевиќ намерно ги испуштиле извештаите на ДЗР за случајот „Мазут” во кој е утврдена штетноста на мазутот за ТЕЦ Неготино - Канал 5

Македонија

Милошоски: Абази и Коларевиќ намерно ги испуштиле извештаите на ДЗР за случајот „Мазут” во кој е утврдена штетноста на мазутот за ТЕЦ Неготино

По однос на скандалозната одлука на Јавното обвинителство за гонење на организиран криминал и корупција, мазут вреден 167 милиони евра, може да констатираме дека таму функционира еден тандем

Милошоски: Абази и Коларевиќ намерно ги испуштиле извештаите на ДЗР за случајот „Мазут” во кој е утврдена штетноста на мазутот за ТЕЦ Неготино

Тандемот се обвинителите Абази и Коларевиќ коишто се нешто како коалиција ДУИ-СДС, но не во собраниските клупи, туку во обвинителството за криминал и корупција.

Дури и во прибирањето на докази можевме да забележиме дека овие обвинители биле селективни. Со вчерашниот демант на ЕСМ станува јасно дека обвинителите Абази и Коларевиќ повеќе се занимавале со земање на изјави од некомпетентни лица наместо да истражуваат сериозно и да обезбедат докази за оваа набавка на мазут скапа 167 милиони евра.

Исто така може да се заклучи дека биле селективни и не ги ни прочитале извештаите на релевантните органи како што се Државниот завод за ревизија и слични на нив. Државниот завод за ревизија во 2024 година утврдил дека при оваа милионска набавка се испорачувал мазут од различен добавувач од оној којшто бил утврден во договорот на ЕСМ, ТЕЦ Неготино и добавувачот и второ, стручни лица од ЕСМ утврдиле дека мазутот бил со голем број на нечистотии коишто предизвикувале дефекти во мазутната станица на ТЕЦ Неготино.

И покрај ваквата утврдена лоша состојба и квалитет на мазутот, сепак ТЕЦ Неготино склучил анекс за да може овој скап договор да ја достигне сумата од 167 милиони евра. Но очигледно е дека ваквите извештаи на Државниот завод за ревизија не биле забележани од Абази и Коларевиќ коишто поголемо внимание посветувале на изјави коишто им одговараат од некомпетентни лица наместо да ги земат во предвид релевантните извештаи коишто даваат сериозни индиции дека овој скандал вреден 167 милиони евра е поврзан и со направена штета во ТЕЦ Неготино, но исто така и со перење на пари и стекнување на противправна имотна корист.

За Абази и Коларевиќ сметаме дека не се достојни на функцијата да бидат во Јавното обвинителство за гонење на криминал и корупција, затоа што и двајцата имаат свои лични, семејни или политички долгови за нивниот кариерен напредок, а истите се поврзани со политичките партии ДУИ и СДС. Овој јавнообвинителски тандем Абази и Коларевиќ повеќе е приврзан за нивните ментори Заев, Ахмети и Венко Филипче отколку што е посветен на владеењето на правото и гонењето на организиран криминал и корупција. Со вакви обвинители осомничените како Васко Ковачевски, Јахоски, Сулкоски, Капушевски, Адријан Муча и други секогаш ќе бидат слободни луѓе, наместо да бидат изведени при лицето на правдата.

Затоа уште еднаш повикуваме Советот на јавни обвинители да се позанимава со овој случај, да го истражи постапувањето на Абази и на Коларевиќ и да утврди кои намерни или ненамерни пропусти се направени, а се со цел овој милионски скандал наречен мазут и набавка за ТЕЦ Неготино да биде исфрлен од истрагата којашто е донесена со решение на овие двајца обвинители.

Истовремено сакаме да им порачаме дека нивната лукративна одлука или политички инспирирано решение да ја запрат истрагата нема да ја сокрие вистината и сите факти поврзани со овој скандалозен тендер ќе излегуваат на виделина. Сакале тоа да го направат или не сакале Абази и Коларевиќ. Сепак мислиме дека јавноста ја заслужува вистината, а секој којшто бил инволвиран и има сомнежи за висок криминал и корупција заслужува да биде процесуиран и својата невиност или вина да биде докажувана пред суд.

YouTube video

Антонио Милошоски, член на ИК на ВМРО-ДПМНЕ и пратеник

Тагови: Антонијо Милошоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Половина милион лајкови за пет минути: Роналдо ги воодушеви фановите со фотографија со Џорџина

Кристијано Роналдо објави нова фотографија со свршеницата Џорџина Родригез.

Половина милион лајкови за пет минути: Роналдо ги воодушеви фановите со фотографија со Џорџина

Во описот остави само емотикон во форма на срце, а неговата објава собра половина милион лајкови за пет минути.

Одлична поддршка

Џорџина е голем поддржувач на фудбалерот во неговата кариера. Неодамна го следеше натпреварот помеѓу Португалија и Узбекистан на Светското првенство, кој заврши со убедлива победа од 5:0 за Португалците.

Објави фотографија на која позира покрај телевизорот, а вниманието на нејзините следбеници го привлече нејзиното објавување - носеше само дрес на португалската репрезентација со број 7, кој го носи Кристијано Роналдо со години.

Роналдо ја испиша фудбалската историја на натпреварот против Узбекистан. Со голот во тој натпревар, тој стана првиот фудбалер кој постигнал гол на дури шест последователни светски првенства.

Во врска од 2017 година.

Џорџина и Роналдо официјално се забавуваат од 2017 година и се верија минатото лето. Тие имаат две биолошки деца заедно, но Џорџина одгледува и три деца што Роналдо ги доби преку сурогат мајчинство.

Тагови: Кристијано Роналдо Џорџина Родригез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Британска инфлуенсерка до смрт избодела маж во Дубаи- се соочува со смртна казна со стрелање

Британската инфлуенсерка Брук Џорџ (23) е обвинета за убиство во Дубаи.

Британска инфлуенсерка до смрт избодела маж во Дубаи- се соочува со смртна казна со стрелање

Џорџ, од Кент, Велика Британија, убила Британец кого го запознала преку Фејсбук. Активистичката група „Притворени во Дубаи“ тврди дека Џорџ го избодела мажот во самоодбрана, но предупредува дека доколку биде прогласена за виновна, може да биде осудена на смрт со стрелање, пишува „The Sun“.

Радха Стирлинг, извршна директорка на „Притворени во Дубаи“, даде изјава. „Таа посегна по нож откако беше нападната. Властите мора да ја третираат како жртва на семејно насилство додека го истражуваат случајот“, рече таа.

„Девојката се брани од обвиненијата за убиство во ОАЕ по нападот. Нејзиниот свет е уништен, а нејзиното семејство е во солзи“, додаде таа.

Џорџ беше уапсена на меѓународниот аеродром во Дубаи откако се обиде да се врати во Велика Британија. Тој моментално е во затворот Бур Дубаи.

Пред да биде уапсена завчера, семејството на Џорџ вели дека таа ги контактирала во паника откако била физички нападната. Таа организирала лет дома и се вратила во својот стан за да го земе пасошот за да замине, каде што повторно била нападната.

„Денот пред убиството, таа не изгледаше како себеси. Беше потивка и не толку среќна и весела како и обично, но не ми кажа зошто“, рече нејзината мајка, Тереза ​​Џорџ, во соопштение објавено од организацијата „Притворени во Дубаи“.

„Кога разговарав со Брук веднаш по нападот, таа беше целосно преплашена. Никогаш во животот не сум ја видела мојата ќерка толку исплашена. Плачеше неконтролирано. Можев да видам дека едното око ѝ беше многу отечено и почнуваше да се затвора“, додаде таа.

Таа, исто така, откри дека мажот ѝ резервирал билет во еден правец

Мајката додаде дека е „длабоко загрижена“ за благосостојбата на нејзината ќерка и забележа дека Брук само „очајно се обидува да се врати дома“ и да се оддалечи од мажот. Брук го запознала сè уште неименуваниот маж на Фејсбук, по што патувале во Дубаи една недела, што инфлуенсерката првично го опиша како „најдобриот период од нејзиниот живот“.

Но, таа забележала како неговото однесување почнало да се менува. Таа тврди дека тој почнал сè повеќе да ја контролира, станал насилен, а открила и како ѝ резервирал еднонасочен билет за Дубаи, што ја вознемирило и посакало да се врати дома. Деталите за случајот сè уште не се познати.

Тагови: Дубаи инфлуенсерка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Венс: Во тек е ревизија за Турција да ги добие воените авиони Ф-35

Потпретседателот на САД, Џ.Д. Венс, објави дека е во тек ревизија за да се разгледа како САД можат да им продадат борбени авиони Ф-35 на Турција.

Венс: Во тек е ревизија за Турција да ги добие воените авиони Ф-35

Прашањето за продажбата е повторно отворено и покрај тоа што Анкара ги купи руските противвоздушни системи С-400 во 2019 година, пишува Ројтерс.

Потврда за усогласеност со законот

„Пит и целиот тим го разгледуваат тоа во моментов. Постојат, имено, одредени работи што треба да ги потврдиме за да се осигураме дека сè е во согласност со американскиот закон. Тоа е она што претседателот нè замоли да го направиме“, им рече Венс на новинарите.

Полска веќе го доби првиот Ф-35

Да ве потсетиме дека кон крајот на мај, Полска ја доби првата испорака на борбени авиони Ф-35 од Соединетите Американски Држави, со што значително ги зајакна своите одбранбени капацитети на источното крило на НАТО. Првите три авиони слетаа во петокот во воздухопловната база Ласк. Полскиот министер за одбрана Владислав Косињак-Камиш го поздрави пристигнувањето на авионите, нарекувајќи ги „нови чувари на полското небо“.

„Ова се првите борбени авиони од петта генерација на источното крило на НАТО кои можат да детектираат закани пред тие самите да бидат забележани“, објави министерот на социјалната мрежа X. „За Полска, ова не е само нова опрема, туку влез во елитната глобална лига на модерна авијација“.

Договор за 32 борбени авиони

Полска нарача вкупно 32 повеќенаменски борбени авиони Ф-35, произведени од американската компанија Локид Мартин, од Соединетите Американски Држави. Договорот за набавка беше потпишан во 2020 година, а испораката на сите авиони се очекува да биде завршена до 2030 година.

Еден од најнапредните авиони на НАТО

Авионите Ф-35 се сметаат за едни од најнапредните борбени авиони во арсеналот на членките на НАТО. Во Европа, покрај Полска, ги користат воздухопловните сили на Обединетото Кралство, Германија, Норвешка, Холандија, Белгија, Италија и Данска.

Доаѓањето на првиот авион претставува важен чекор во модернизацијата на полските воздухопловни сили и зајакнувањето на одбранбените капацитети на земјата во време на зголемени безбедносни тензии во Источна Европа.

Тагови: Венс турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер