Милионер искасапил девојка по кавга за полова болест- потоа го повикал татко му за го побара неговиот адвокат - Канал 5

Европа

Милионер искасапил девојка по кавга за полова болест- потоа го повикал татко му за го побара неговиот адвокат

Богатиот наследник Џошуа Михалс (26) е прогласен за виновен за убиство на својата девојка, Џе Ванг, во Лондон.

Милионер искасапил девојка по кавга за полова болест- потоа го повикал татко му за го побара неговиот адвокат

Џошуа ја убил девојката во нејзиниот стан по расправија на 20 март минатата година, бидејќи таа го обвинила дека ѝ пренел сексуално пренослива болест, објави Би-Би-Си.

Ја избодел со нож по расправијата и ја оставил да искрвави до смрт.

Судбоносната вечер, тој донел грицки во нејзиниот стан, надевајќи се дека ќе разговараат мирно за работите и ќе го решат проблемот.

Џошуа на судењето изјави дека девојката го нападнала со нож додека излегувал од бањата и дека ја избодел со ножот додека се бореле околу сечилото.

„Изгледаше лудо и опседнато“, изјави Џошуа на судењето.

Наместо да повика помош, Џошуа го ставил нејзиниот телефон и храната што ја донел во кеса за ѓубре во контејнер, а потоа се вратил со Убер во својот стан. Потоа се јавил на својот татко, Дејвид Михалс, и го замолил да го повика неговиот адвокат, додека девојката лежела умирајќи на подот.

На судењето беше кажано дека Џеј била сѐ уште жива еден час по прободувањето. Сепак, Џошуа се јавил на 911 дури четири часа по нападот.

Двајцата се сретнале на универзитет и повремено се гледале. По една средба, Џеј го обвинила дека ѝ пренел сексуално пренослива болест.

Таа му рекла дека подобро би умрела отколку да има сексуално пренослива болест и побарала да се тестира.

„Не сакам да поминувам низ ова, подобро би ми било да умрам. Те мразам што не сакаш да се тестираш, те мразам што ми го уништи животот“, напишала Џеј во порака што му ја испратила пред да се сретнат, а која била прочитана за време на судењето.

„Тој се снаоѓаше добро. Беше опуштен човек, многу се дружеше, никогаш не изгледаше насилен“, рекол неговиот пријател.

Михалс пораснал во куќа од 600.000 долари во богат дел од Чикаго, а потоа се преселил во Лондон во септември 2023 година за да студира филмска продукција.

Ќе му биде изречена казна во наредните денови, а Џошуа се соочува со доживотен затвор.

Тагови: адвокати девојка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За излез од Македонија на Богородица и Дојран се чека три часа

Повеќе од 17000 лица ја напуштиле македонија во последните 24 часа преку ГП Богородица и ГП Дојран кон Грција.

За излез од Македонија на Богородица и Дојран се чека три часа

Во истиот период во земјава влегле околу 16000 птници, покажуваат податоците на министерството за внатрешни работи.

Преку Богородица во Македонија влегле 5864 македонски државјани а изглегле 5948, од странски државјани влегле 10249, а излегле 11648.

На Дојран се евиндентирани 399 влегувања и 1104 излегувања на македонски државјани , странци 1295 влегле, 1174 излегле.

Поради големената фреквенција на двата гранички премини се создадени долги колони возила, најголем метеж беше забележан на Дојран, каде колоната возила се протегаше низ целиот Стар Дојран.

Од МВР велат дека се ангажирани сите расположливи човечки и технички ресусри за побрз проток на патниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се запали автобус на „Дурмо Турс“ на автопатот Тетово Гостивар

Автобус на компанијата „Дурмо Турс“ денеска се запали на автопатот Тетово Гостивар, предизвикувајќи вознемиреност кај патниците и останатите учесници во сообраќајот. 

Се запали автобус на „Дурмо Турс“ на автопатот Тетово Гостивар

На социјалните мрежи се појавија видеоснимки на кои се гледа како автобусот е зафатен од пламен, додека густ чад се издига над коловозот.

Според првичните информации, возачот навреме го запрел автобусот, по што сите патници безбедно биле евакуирани. Засега нема информации за повредени лица, а на местото на настанот интервенирале противпожарни екипи кои го локализирале пожарот. Надлежните институции вршат увид за да се утврдат причините за избувнувањето на огнот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Сабаленка ги шокираше навивачите со проѕирен фустан за УС Опен

Сабаленка ги шокираше навивачите со проѕирен фустан за УС Опен-Погледнете што ќе носи популарната „тигрица“.

Видео: Сабаленка ги шокираше навивачите со проѕирен фустан за УС Опен

Најдобрата светска тенисерка, Белорусинката Арина Сабаленка ја претстави својата облека за престојниот Грен слем УС Опен.

Светскиот рекет број 1, Арина Сабаленка, ја претстави својата опрема за УС Опен.

Откако неславно го заврши настапот на Вимблдон, таа ретко се појавуваше во јавноста, а сега одлучи да ги израдува навивачите со облеката што ќе ја носи на последниот Грен слем турнир во сезоната.

Брендот „Најк“ и тенисерката од Белорусија овојпат направија чекор понапред. „Тигрицата“ ја брани титулата на УС Опен, откако победи во 2024, а потоа и во 2025 година.

Ако се суди според најавите, ќе гледаме агресивна и енергична Сабаленка, каква што сме навикнати да ја гледаме. Облеката што ја претстави го навести токму тоа.

Сабаленка се одлучи за портокалова боја – маичка и шорцеви, а претходно ќе носи и мрежест фустан.

Иако популарниот бренд досега не ѝ овозможувал на Сабаленка уникатни спортски комплети, овојпат тоа секако ќе се случи. Јасно е дека опремата што ќе ја носи Белорусинката е инспирирана од „Спајдермен“, а се очекува и други тенисерки кои го носат овој бренд да се појават во слични изданија.

Црната мрежа што ја прекрива дводелната спортска опрема е директна асоцијација на филмот, чија премиера е закажана за јули 2026 година. Нема сомнеж дека изданието на Арина Сабаленка ќе предизвика бројни реакции, бидејќи коментарите постојано се менуваат – од позитивни до негативни – само неколку часа по објавувањето на видеото.

Фановите не ја изоставија ниту Наоми Осака, од која очекуваат уште поспектакуларно издание, слично на оние од претходните три Грен слем турнири. Воедно, ова веројатно е последниот Грен слем на кој Сабаленка ќе носи стандардна облека од „Најк“ (Nike) како и останатите тенисерки, бидејќи уште во 2027 година би можеле да ја видиме во персонализирани комбинации.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер