Милевски: В недела движењето „Одлучно" ќе биде вистинско изненадување на локалните избори

Кандидатот за градоначалник на Битола, Милевски посочи дека граѓаните го имаат последниот збор и тој е уверен во нивната доверба што ја имаат кон нив.

Задоволен сум од приемот што го имавме кај граѓаните и од средбите што ги одржавме добивме уверување дека во оваа кампања, ова движење и јас како кандидат за градоначалник, сите ние ќе постигнеме многу добар успех и ќе бидеме вистинско изненадување на локалните избори, изјави Горан Милевски од движењето „Одлучно за промени".

Кандидатот за градоначалник на Битола, Милевски посочи дека граѓаните го имаат последниот збор и тој е уверен во нивната доверба што ја имаат кон нив.

-ЛДП и ДОМ имаат советничка листа која произлегува од граѓаните и ќе работат за интересите на граѓаните, а јас како кандидат за градоначалник целосно ќе се посветам во активноста да го продолжиме чесното работење на актуелната градоначалничка, да ги завршиме проектите што таа ги започнала и да направиме нови проекти. Ќе ја отвориме општината за граѓаните, ќе го помагаме спортот и културата и другите области што ги ветивме со оваа програма затоа што народот тоа од нас го очекува. Градот се развива и има нови потреби, а ние ќе излеземе во пресрет на тие барања за Битола да биде модерен град каков што заслужува да биде, истакна Милевски.

Претседателката на политичката партија ДОМ, Маја Морачанин за време на престојот во Битола повика масовно излегување и гласање на неделните избори.

-Граѓаните во Битола и низ другите градови низ земјава ја препознаа чесната намера и визијата на движењето „Одлучно за промени". Нашата отвореност кон граѓаните, кон граѓанските здруженија и кон експертите овозможи масовно приклучување кон нашето движење и во таа смисла мислам дека ја постигнавме нашата цел, да ги обединиме сите без разлика на етничката, партиската припадност или професионална кариера. За Битола имаме одличен тим со чесни и добронамерни луѓе кои ќе се посветат во реализирање на потребите на граѓаните, а не како што често се случувало во овие 30 години, гледање на лични или бизнис интереси. Тоа е одлика на нашите кандидати, работа во интерес на граѓаните. Со нас во Битола ќе се врати сјајот на градот, а предводен со Горан Милевски ќе придонесе во развојот на градот, град со дигитализација, заштитено културно наследство и со голема понуда за младите, истакна Морачанин.

Првите луѓе на движењето „Одлучно", Морачанин и Милевски заедно со кандидатите за членови на Советот на Општина Битола остварија средби со целни групи од тој град.

Руски боксер со голи раце убил мечка, која смртно го повредила неговиот пријател

Од Русија доаѓаат вести кои делуваат како приказна од хорор филмови.

Илја Медведев, 23-годишен руски боксер, со пријателот ловел риба во Сибир кога ги нападнала мечка. Пријателот Вјечеслав Дудник бил нападнат и убиен од мечката, а потоа се свртела кон Медведев. Боксерот извадил пиштол и пукал, но мечката му го исфрлила од рака. Сепак, Медведев успеал да извади нож и да го избоде животното.

„Имаше крици, а потоа и пукотници. Кога пристигнав, видов дека Вјачеслав е мртов“, рекол рибар кој бил во близина и кој го префрлил Медведев во болница.

Според Дејли Мејл, тој има сериозни повреди и е во критична состојба.

Полициско куче изгризало навивач во Холандија, неговите колеги го нападнаа полицискиот коњ

На синоќешниот натпревар во Лигата одигран во Ротердам помеѓу Феенорд и Унион Берлин, имало жесток судир помеѓу германските навивачи и холандската полиција.

Според германски Билд, претставниците на навивачите тврдат дека конфликтот настанал поради лошата организација. Наводно, имало премал број вработени кои ги прегледувале ковид-потврдитее, а некои скенери биле неисправни.

Потврдите за Ковид се разгледувале многу бавно, што резултирало со голема гужва пред влезот и нервоза кај околу 2400 фанови.

Полицијата во Ротердам известува за настаните сосема поинаку. Велат дека биле цел на група хулигани и се судриле со полицијата. При жестоката тепачка имало повеќе повреди. Еден навивач бил каснат од полициско куче, а хулиганите повредиле полициски коњ. Имено, фрлањето пиротехнички средства го исплашило, па паднал со полицаецот кој го јавал.

Портпаролот на Унион ги поддржал навивачите и тврди дека организацијата била навистина лоша и дека повеќето навивачи целото прво полувреме го поминале во ред пред стадионот. Снимките и сликите, вели, ја потврдуваат крајната бруталност на домашната полиција во пресметката со навивачите.

Позната холивудска актерка е уапсена за време на протестите пред Белата куќа (ВИДЕО)

Полицијата во Вашингтон ја уапси актерката Алиса Милано додека протестирала со група истомисленици пред Белата куќа, барајќи промени на правото на глас.

„Само што бев уапсена додека протестирав и барав од администрацијата на Бајден и Сенатот да го искористат своето право и да го заштитат правото на глас. Застанете со мене и кажете им гласно на Сенатот и Белата куќа дека секој мора да ги има тие права, без разлика каде живеат ", напишала актерката на нејзиниот профил на Инстаграм.

Полицијата прво ја предупредила актерката дека заедно со членовите на здружението People for the American Way мора да се тргне од областа, во спротивно ќе мора да ги уапсат според законот кој забранува собирање толпи и окупирање на улици и тротоари.

Патем, актерката пред протестот објавила дека може да биде уапсена. „Денес ќе ризикувам апсење бидејќи минатата година беа воведени 425 закони кои го ограничуваат правото на глас“, рече Милано во видеото објавено на Твитер. „Затоа ќе барам нашиот претседател да направи се` што е во негова моќ за да ги усвои Законот за слобода на гласот, Законот за правата на глас на Џон Луис и Законот за државност на ДЦ“.

Актерката од порано е позната по својот политички активизам, а во 2019 година зборуваше за своето лично искуство со абортусот во знак на протест против рестриктивните закони, кои ги нарече „напад врз женските тела“.

притисни ентер