Милевски: Сомнителен молк на кандидатот на ДПМНЕ, Костадиновски за случајот Детонатор, за Пулс, дивата сеча и тепањето советник - Канал 5

Македонија

Милевски: Сомнителен молк на кандидатот на ДПМНЕ, Костадиновски за случајот Детонатор, за Пулс, дивата сеча и тепањето советник

Веќе повеќе од година и пол, политичката, а во голема мера и институционалната моќ во Општина Виница, се концентрира во рацете на еден човек. Митко Костадиновски – Книжар.

Милевски: Сомнителен молк на кандидатот на ДПМНЕ, Костадиновски за случајот Детонатор, за Пулс, дивата сеча и тепањето советник

Чувствувам потреба и обврска како кандидат за градоначалник на Виница да ви се обратам на почетокот на изборниот процес во вториот круг.

Изборниот процес пред првиот круг во Виница започна со насилство, инциденти и нарачани апсења на неистомисленици на ВМРО–ДПМНЕ, а сега продолжува со закани, уцени и казни на секој чекор.

Веќе повеќе од година и пол, политичката, а во голема мера и институционалната моќ во Општина Виница, се концентрира во рацете на еден човек. Митко Костадиновски – Книжар.

Координатор на Општинскиот комитет Виница, началник на шумска полиција на државно ниво и истовремено кандидат за градоначалник – еден човек кој, според бројни сведоштва и реакции од јавноста, има влијание врз сите институции во општината.

Оваа концентрација на моќ не е случајна. Таа, според голем дел од граѓаните и јавноста, се одржува преку притисоци, уцени, поткупи и физички пресметки – не само со политички противници, туку и со сопствени партиски членови.

Се зборува дека истиот човек одлучува кој ќе биде началник на полиција, секретар на општина, директор на училиште, раководител или вработен во институција – па дури и како ќе се преуредуваат училници во училиштата.

Таквото владеење нема ништо заедничко со демократијата и разумот.

Тоа не е начин на управување што води кон развој, туку кон страв, поделби и злоупотреба на институциите за лични и партиски цели.

Во изминатиот период сите ние станавме сведоци на сè поагресивни обиди Виница да се стави под целосна контрола.

Таквото однесување не е политика, тоа е злоупотреба на моќ и целосно отсуство на морал и одговорност.

„Твојот човек од народот“ на ВМРО–ДПМНЕ за Виница, според информации што кружат во јавноста, зад себе носи минато исполнето со контроверзии и сериозни сомнежи: поврзаност со случајот Детонатор, со ослободување на осомничен инспектор за пожарот во „Пулс“, со скандалот околу сечата на дрва во Малешевијата, како и со наводи за вмешаност во напад врз кандидат за советник од ромската заедница.

Сите овие случаи отвораат низа прашања за кои јавноста сè уште не добила одговор.

Изборот на Митко Костадиновски за градоначалник, според многумина, би значел ризик за иднината на нашиот град и на идните генерации.

Клучното прашање што останува без одговор е зошто досега нема ниту една негова јавна реакција или став за сите овие случаи?

На 02 ноември, вие, граѓаните на Виница, ќе одлучите по кој пат ќе тргне нашиот град.

Со пенкалото во рака, имате сила да ја вратите Виница во рацете на разумни и одговорни луѓе – без разлика на политичката припадност.

Упатувам порака до сите Виничани: не се плашете!

Не дозволувајте да ве уценуваат или поткупуваат. Не прифаќајте притисоци, а секој обид за закана или репресија охрабрувам да го пријавите.

Исто така, упатувам порака и до симпатизерите и членовите на ВМРО–ДПМНЕ Виница:

Време е партијата да си ја вратите во свои раце и повторно да се борите со идеи, програми и визија – а не со страв и насилство.

На 02 ноември, потврдете дека Виница не им припаѓа на поединци, туку на сите разумни и чесни граѓани што гледаат иднина во својот град.

Да покажеме дека со храброст, достоинство и одлучност можеме да ставиме крај на владеењето преку закани и уцени.

Народот одлучува. Народот избира. Изберете достоинство, а не страв.

Изберете промена, а не притисок. Изберете иднина, а не мрак. Заокружете број 5 заа нормална, безбедна и напредна Виница!

Ви благодарам.

YouTube video

Гоце Милевски, кандидат за градоначалник на Виница

Тагови: Милевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Бебе истрча на терен и прекина натпревар во американската МЛС

Во 21-то коло од сезоната во МЛС, „Минесота јунајтед“ оствари убедлива победа од 5–1 на гостински терен против „Сан Хозе“, но високиот резултат не беше она за што најмногу се зборуваше по натпреварот. 

Видео: Бебе истрча на терен и прекина натпревар во американската МЛС

Вниманието го привлече еден необичен прекин во првата минута од судиското надополнување, кога едно мало дете – на возраст од околу една година – залута на теренот.

Судијата Џаир Маруфо ја прекина играта, иако телевизискиот пренос првично не ја откри причината за тоа.

Коментаторката Киндра потоа ја разјасни ситуацијата со едноставна изјава: „На теренот има бебе“. Кратко потоа, камерите прикажаа како еден од редарите го изнесува детето од теренот.

Редарите веднаш им го вратија детето на родителите, а идентитетот на семејството не беше откриен.

„Минесота јунајтед“ исто така ја коментираше ситуацијата; покрај објавата за резултатот од натпреварот на социјалните мрежи, клубот духовито забележа: „Како да му земеш бонбона на бебе“.

По победата, се огласи и тренерот на „Минесота“, Камерон Ноулс. „Слушнавме врева, па погледнавме да видиме што се случува. Можеби е малку рано за доживотна забрана за влез на стадионот“, се пошегува Ноулс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Зачаденоста на Градот е од ветерот кој го носи чадот од актуелниот пожар во Китка, Студеничани и Зелениково

Зачаденоста на Градот е од ветерот кој го носи чадот од актуелниот пожар во Китка, Општина Студеничани и Општина Зелениково,.

ЦУК: Зачаденоста на Градот е од ветерот кој го носи чадот од актуелниот пожар во Китка, Студеничани и Зелениково

-На тој пожар до сега дејствуваше хеликоптерот на МВР. До овој момент ЦУК нема пријава за можен пожар на Водно, освен двата пожари на сува трева и ниско деградирана шума во Општина Илинденинформираат од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николовска: Владата инвестира денес, за граѓаните да имаат подобро здравство утре со нови болници, модерни здравствени центри и нов клинички во Скопје

Kога зборуваме за здравството, зборуваме за нешто што директно го засега секој граѓанин. 

Николовска: Владата инвестира денес, за граѓаните да имаат подобро здравство утре со нови болници, модерни здравствени центри и нов клинички во Скопје

Затоа определбата на Владата предводена од ВМРО-ДПМНЕ е да изградиме здравствен систем кој ќе биде модерен, функционален и достапен за сите.

Затекнавме здравство со сериозно запуштена инфраструктура, нефункционални установи, недоволна опрема и објекти во кои со години речиси ништо не било инвестирано.

За да ги подобриме состојбите, фокусирани сме на реализација на Клиничка болница во Штип, Клиничката болница во Тетово, Здравствениот дом во Кичево со проширена дејност, како и студентскиот дом и факултетот за медицински науки.

За овие проекти веќе беше објавен меѓународен повик за финансиери и веќе имаме добиено необврзувачки и индикативни понуди кои се поволни и прифатливи.

Паралелно ја разгледуваме изградбата на големиот клинички центар во Скопје.

Проект кој треба да биде еден од најзначајните здравствени проекти во современата историја на државата.

Една од локациите што се разгледува е кај базенот Борис Трајковски, која е стратешка локација која има пристап до два булевара, до гасоводна мрежа и е во непосредна близина на обиколницата.

Станува збор за локација во приватна сопственост и во тек се разговори со сопственикот за можност за замена на земјиштето.

Нашата визија е да изградиме ултрамодерен клинички центар кој нема да биде само за Скопје и за граѓаните на Македонија, туку ќе создаде можност за да привлекуваме пациенти и од соседните држави.

Планот предвидува и топол подземен премин под булеварот Илинденска кој ќе го поврзе новиот комплекс со постоечката болница 8ми Септември.

Во целина се вклопуваат и ПЕТ центарот кој го развиваме како и поликлиниката Букурешт. Тоа значи создавање на целосно заокружен здравствен комплекс со современа инфраструктура и поврзани здравствени услуги.

Од друга страна во изминатиот период целосно ги реконструираме оперативниот блок, интензивната нега, патологијата, клиничката лабораторија и кровната конструкција на болницата 8ми Септември.

Целосно е реконструирано и одделението за трауматологија во Старата градска болница, објектот во кој со децении немало сериозна инвестиција. А во ГАК вложени се околу 110 милиони денари, од кои околу 35 милиони денари во реконструкција и околу 75 милиони денари во современа медицинска опрема.

Во Клиничкиот центар Мајка Тереза веќе се реконструирани шест операциони сали, а во следните неколку месеци се очекува да бидат пуштени во употреба уште 4 современи операциони сали. Тоа значи дека ќе имаме вкупно 10 модернизирани операциони сали. Реновиравме повеќе од 10 здравствени објекти и клиники и набавивме современа медицинска опрема вредна неколку милиони евра.

Со ова покажуваме дека проблем по проблем, болница по болница и клиника по клиника здравството го менуваме.

Затоа нашата цел и заложба е граѓаните да добијат здравствени установи какви што заслужуваат современа опрема и здравствен систем кој ќе биде подготвен за иднината.

Владата предводена од ВМРО-ДПМНЕ инвестира денес за граѓаните да имаат подобро здравство утре.

Александра Николовска, пратеник на ВМРО-ДПМНЕ

YouTube video

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер