Милановиќ во победничкиот говор: Ова е признание за мене и мојата работа, но и порака до власта - Канал 5

Балкан

Милановиќ во победничкиот говор: Ова е признание за мене и мојата работа, но и порака до власта

Претседателот на Хрватска, Зоран Милановиќ (58) во својот победнички говор синоќа рече дека победата во вториот круг од претседателските избори ја гледа како признание за досегашната негова работа и додаде дека и подава рака на Владата.

Милановиќ во победничкиот говор: Ова е признание за мене и мојата работа, но и порака до власта

-Ова е голем ден за мене, оваа победа ја гледам како признание и одобрување на мојата работа, рече Милановиќ во изборниот штаб во Фабриката за култура во Загреб, каде беше пречекан со овации и скандирања „Зоки“.

Тој оцени дека тоа е плебисцитарна порака на хрватскиот народ до сите што треба да ја слушнат.

Милановиќ истакна дека неговата рака е подадена кон оние кои ја имаат извршната власт и кои велат дека се одговорни за 99 отсто од работите, алудирајќи на изјавата на премиерот и претседател на ХДЗ, Андреј Пленковиќ.

Претседателот рече дека ќе продолжи да се држи до Уставот и дека тоа е неговата програма за која, како што рече, се согласуваат и оние кои вчера му ја дадоа довербата.

-Моја должност е да бидам рамноправен во прашањата за надворешната политика, одбраната и националната безбедност. Ќе бидам врховен командант, не рамноправен, туку најодговорен, бидејќи така вели Уставот, посочи Милановиќ.

Тој посочи дека одговорноста за другите работи треба да се сподели.

-Тоа е вештина и доблест. На оние кои сакаат нешто да зграбат за себе, луѓето обично им испраќаат порака како денеска. Не на мене, туку на нив, рече Милановиќ.

Велејќи дека нема да најавува никакви притисоци или јавни писма до премиерот, Милановиќ нагласи дека е потребно да се разговара.

Во својот говор тој им се заблагодари на сите хрватски граѓани во земјата и странство. Тој посебно ги спомена Хрватите од БиХ, но и припадниците на националните малцинства, нагласувајќи дека Хрватска секогаш ќе биде нивна татковина.

Тој ги повика присутните со аплауз да ги поздрават членовите и гласачите на ХДЗ

Милановиќ, кој на изборите беше кандидат на опозициската Социјалдемократска партија (СДП) и партнер од левиот центар, вчера убедливо го победи кандидатот на ХДЗ Драган Приморац во вториот круг од претседателските избори.

Милановиќ освоил повеќе од 1.120.000 гласови, а Приморац 380.000.

Приморац во својот говор не му честиташе на Милановиќ, а подоцна во изјава за новинарите премиерот Андреј Пленковиќ одби да го стори тоа, нарекувајќи го Милановиќ повторно „прекршител на Уставот“.

Пленковиќ рече дека кандидатот на ХДЗ Драган Приморац е одличен кандидат и дека нема подобар кандидат во партијата.

Актуелниот претседател Зоран Милановиќ во неговиот петгодишен мандат се етаблираше во позиција на најжесток критичар на владата на Андреј Пленковиќ и се доживува како вистински лидер на опозицијата. Милановиќ и Пленковиќ имаат многу заладени односи, а често и јавно разменуваат навреди.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп именуваше пратеник за затворениците: „Тој врати 65 Американци од Белорусија“

Американскиот претседател Доналд Трамп денеска објави дека адвокатот и актуелен пратеник за Белорусија, Џон Коул, ќе биде негов специјален претседателски пратеник за прашања поврзани со затвореници.

Трамп именуваше пратеник за затворениците: „Тој врати 65 Американци од Белорусија“

Белорускиот претседател Александар Лукашенко минатиот месец помилува 15 затвореници по разговорите со Коул, кој повеќе од една година преговара со Минск.

„Во текот на изминатата година, Џон веќе обезбеди враќање на повеќе од 65 Американци и државјани на сојузнички земји од Белорусија и договори ослободување на повеќе од 800 политички затвореници од неколку источноевропски земји“, објави Трамп на својата социјална мрежа „Truth Social“.

Коул ќе го замени Адам Болер, за кого Трамп рече дека вратил 196 заложници.

Болер, кој во август помогна да се обезбеди ослободување на поранешен американски маринец од Русија, ќе продолжи да помага околу други прашања како виш советник, додаде Трамп.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Серафимовски: Како министерство сериозно сме засегнати за решавање на проблемите

Министерството за земјоделство, шумарство и водостопанство сериозно е засегнато за решавање на проблемите во делот на пласманот, производството и цената на оризот, порачал ресорниот министер Борче Серафимовски.

Серафимовски: Како министерство сериозно сме засегнати за решавање на проблемите

Тој денеска во Горни Подлог присуствувал на традиционалното зажетнување со срп на 35. издание на манифестацијата „Денови на кочанскиот ориз“.

Тагови: Борче Серафимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Измамникoт од Tinder“ лансира апликација – се бара од „Apple“ и „Google“ да ја блокираат

Шимон Хајут, попознат како „Измамникот од Tinder“ – по документарниот филм за измамите што ги вршел – сака да лансира сопствена апликација за запознавање.

„Измамникoт од Tinder“ лансира апликација – се бара од „Apple“ и „Google“ да ја блокираат

Идејата на Хајут е да го искористи своето искуство со измами за да развие платформа наречена „Safe Love“, дизајнирана да ги штити корисниците од луѓе како него.

Хајут тврди дека неговото познавање на методите на лажење, манипулација и измама му овозможува да создаде систем што може подобро да ги спречи таквите активности. Сепак, неговата идеја веќе предизвика реакција во индустријата за онлајн запознавање.

Организацијата „Online Dating and Discovery Association (ODDA)“ испрати писмо до „Apple“ и „Google“, повикувајќи ги да не дозволат апликацијата поврзана со Хајут да се појави во нивните продавници за апликации. Организацијата наведува дека неговата вклученост во апликацијата би претставувала сериозен ризик за корисниците, особено за жените.

Деталите за тоа како „Safe Love“ всушност треба да ги штити корисниците остануваат непознати. Хајут спомна верификација на корисници, модерација и системи за заштита од измами, но не објасни како би функционирале овие системи или точно кога апликацијата би станала достапна.

Во исто време, ваквата апликација покренува дополнителни прашања во врска со довербата. Современите платформи за запознавање сè повеќе користат верификација на идентитетот и други безбедносни механизми, барајќи од корисниците да споделуваат лични податоци. Со апликација основана од некој што е озлогласен по романтични измами, довербата во начинот на кој се чуваат тие податоци ќе биде од особено значење.

Засега не е познато дали „Apple“ и „Google“ ќе го прифатат барањето на „ODDA“. „Safe Love“ сè уште не е објавена како широко достапна апликација, а нејзиното евентуално појавување во продавниците за апликации ќе зависи од усогласеноста со нивните политики и регулаторни барања.

Извор: Б92

Тагови: Tinder

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер