Корисници на социјалните мрежи во Хрватска масовно споделуваат пораки во кои повикуваат на бојкот на трговските синџири в петок, 24 јануари. Пораките за бојкот се поради високите цени на производите.

„На 24 јануари во Хрватска има бојкот против високите цени на храната. Се повикуваат луѓето да не купуваат ништо тој ден, но ништо. Осигурете се за тој ден како да е недела. Во Обединетото кралство истото се случи со горивото, пред некој ден падна за 15 пени по литар, но ги покачија и платите за 100 фунти месечно“, гласи една од пораките

Според иницијаторите, ако десет отсто од луѓето во Хрватска се приклучат во акцијата - ќе има голем загуба за малопродажните синџири.

„Ако на тоа гледате како на политички избори, ништо нема да постигнете. Десет проценти од луѓето што го прават тоа е огромна загуба за малопродажните синџири, а вие нема да изгубите апсолутно ништо тој ден, но тие ќе загубат“, се наведува во пораката испратена на WhatsApp, Reddit и Facebook.

Според хрватски медиуми, таа иницијатива има голем одзив засега и во дел од коментарите се вели:

„На никој нема да му падне влакно од глава ако не отиде во продавница тие 24 или 48 часа... Ако нешто во оваа држава предизвикува реакција, тоа е кога ќе те удрат по џеб, и во овој случај би ги удриле арогантните трговци по џеб“.

Во моментот на избувнувањето на пожарот во објектот имало 30 корисници.

Седум повредени се пренесени во ВМА и Ургентниот центар.

Уставот на САД предвидува мандатот на секој нов претседател да почне на 20 јануари точно напладне, по локално време во Вашингтон (18 часот по средноевропско време).

Инаугурацијата обично се одржува на отворено на западната страна на зградата на Капитол, меѓутоа, температурите во главниот град на САД моментално се спуштаат до 12 степени под нулата, поради што инаугурацијата на Доналд Трамп ќе се одржи во зградата на Капитол.

За обезбедување на церемонијата беа ангажирани околу 25.000 луѓе.

Белата куќа, Капитол и делови од авенијата Пенсилванија се веќе со безбедносни огради високи 2,40 метри.

Трамп изјави дека не сака луѓето на кој било начин да бидат повредени или да претрпат какви било последици и затоа нареди инаугуративното обраќање, молитвите и другите говори в понеделник да се одржат во Ротондата на Капитол.

Со 78 години и седум месеци, Трамп ќе стане најстариот инаугуриран претседател во американската историја.

Неговиот претходник Џозеф Бајден беше пет месеци помлад на неговата инаугурација.

Според програмата, по полагањето заклетва, претседателот ќе ги потпише првите одлуки и ќе присуствува на баловите што ќе се одржат во негова чест, на кои ќе им се обрати на присутните.

За традиционалното изведување на националната химна е ангажиран тенорот Кристофер Макио.

На инаугурацијата се очекува да присуствуваат бројни светски политичари. Покрај Џозеф Бајден ќе присуствуваат и сите поранешни живи претседатели - Барак Обама, Џорџ Буш и Бил Клинтон, додека од поранешните први дами нема да присуствува само Мишел Обама.

Како почесни гости, Трамп покани неколку технолошки милијардери, кои ќе седнат на сцената заедно со други познати личности и идни министри.

Меѓу нив се Илон Маск, Џеф Безос, Марк Закерберг, како и Шоу Киу - шефот на моментално кинескиот TikTok.

Кинескиот претседател Си Џинпинг доби покана уште во ноември, но Пекинг ќе му го испраќа потпретседателот Хан Женг.

Пристигнуваат и јапонскиот министер за надворешни работи Такеши Иваја, аргентинскиот претседател Хавиер Мили, салвадорскиот претседател Наџиб Букеле, како и Едмундо Гонзалес Урутија, кој не успеа да ја преземе власта во Венецуела.

Лидерите на латиноамериканската левица нема да присуствуваат.

Особено впечатливо е отсуството на претседателката на соседно Мексико, Клаудија Шејнбаум.

Според најавите, од Европа доаѓаат италијанскиот премиер Џорџа Мелони и Британецот Најџел Фараж, а наводно е поканет и унгарскиот премиер Виктор Орбан, но тој нема да може да присуствува, како што соопштија од неговиот кабинет за унгарските медиуми.

Десничарските политичари Ерик Земур и Сара Кнафо ќе патуваат на инаугурацијата од Франција, а од Германија неколку политичари од десничарската Алтернатива за Германија (АфД).

Лидерот на Слободарската партија на Австрија, Херберт Кикл, е зафатен со коалициски преговори, па на негово место ќе отпатува пратеничката Сузане Прво.

Минатата недела беше објавено дека претседателката на Европската комисија Урсула фон дер Лајен не добила покана за инаугурацијата.