Милан го таргетираше Ираола за нов тренер - Канал 5

Фудбал

Милан го таргетираше Ираола за нов тренер

Според „Скај Спорт Италија“, воспоставени се контакти со менаџерот на шпанскиот тренер, презентирани се условите и желбите и сега сè зависи од Ираола, кој пред еден месец беше познат во медиумите како некој што ќе седне на клупата на Манчестер Ј.

Милан го таргетираше Ираола за нов тренер

Американскиот стил на функционирање во Милан е тешко разбирлив и прифатен за навивачите на „росонерите“, но по срамниот кикс - „салта мортале“ во последното коло, фановите не се изненадени што сопственикот Гари Кардинале го отпушти целиот спортски сектор и тренерот Масимилијано Алегри во стилот на холивудски трилер.

Само неговиот близок пријател и советник Златан Ибрахимовиќ „преживеа“ и доби краток рок да ги реши сите проблеми и да најде нов тренер.

Повторно според американскиот рецепт, тие се одлучија за перспективниот креатор Андони Ираола, кој го напушти Борнмут на крајот од сезоната.

Според „Скај Спорт Италија“, воспоставени се контакти со менаџерот на шпанскиот тренер, презентирани се условите и желбите и сега сè зависи од Ираола, кој пред еден месец беше познат во медиумите како некој што ќе седне на клупата на Манчестер Јунајтед. Сепак, „Црвените ѓаволи“ одлучија да му веруваат на Мајкл Керик, па Ираола сега го има на маса долгоочекуваниот проект на Кристал Палас и Милан.

Милан е секако голем чекор напред во неговата кариера, па може да се очекува Шпанецот да го прифати жешкиот компир и да ја прифати фрлената ракавица.

Во наредните денови ќе видиме каков ќе биде исходот од овие радикални потези на „Сан Сиро“, иако англиските медиуми истакнуваат дека Ирола му ветил на Кристал Палас дека ќе седне на клупата уште во четврток, денот по финалето на Конференциската лига на УЕФА во кое лондонскиот клуб е фаворит да го донесе европскиот трофеј на своите витрини.

Тагови: Милан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Москва ѝ порача на Европа: Не можете да ни поставувате ултиматуми

 Рускиот министер за надворешни работи Сергеј Лавров изјави денес, по средбата со белорускиот претседател Александар Лукашенко во Минск, дека во сегашната ситуација Европејците извлекуваат погрешен заклучок дека Русија во моментов губи на фронт

Москва ѝ порача на Европа: Не можете да ни поставувате ултиматуми

Како што додаде, затоа Европејците мислат дека можат да поставуваат ултиматуми со надеж дека Москва ќе ги прифати.

„Рускиот претседател (Владимир) Путин веќе зборуваше за ова во своите неодамнешни говори на разни настани. Овие пресметки се сосема погрешни и илузорни“, рече Лавров.

Тој истакна дека со Лукашенко разговарал за конфликтот во Украина, објави РИА Новости. Лавров рече дека ситуацијата поврзана со украинската криза била во фокусот на разговорите со Лукашенко, наведувајќи дека Русија мора да направи сè што е можно за „правдата да победи“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје-Водата во Скопје квалитетна за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.  

ЈП Водовод и канализација – Скопје-Водата во Скопје квалитетна за пиење

-Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 08.06.2026 до 12.06.2026 зема 193 примероци за физичко-хемиска и 193 примероци за микробиолошка анализа на вода за пиење од 49 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18), стои во соопштението од ЈП Водовод и канализација – Скопје .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Комедијата „Чудесна теарпија“ на Драмски театар Скопје се игра утре во центарот на Скопје

Драмски театар Скопје првиот дел од сезоната во која ја прославува 80-годишнината од постоењето, ја заокружува со изведба на претставата „Чудесна терапија“ утре (вторник) во 21 часот на отворено во центарот на градот.

Комедијата „Чудесна теарпија“ на Драмски театар Скопје се игра утре во центарот на Скопје

Граѓаните и посетителите на главниот град претставата ќе може да ја гледаат бесплатно на локацијата на малиот амфитеатар во комплексот на спомен-куќата на Мајка Тереза на улица „Македонија“ во Скопје.

„Чудесна терапија“ е работена по текст на авторот Даниел Глатауер. Режисер е Димче Николовски, драматург Александра Бошковска, костимограф е Раде Василев.

Улогите ги играат актерите на Драмски театар: Предраг Павловски, Маја Вељковиќ-Пановска и Соња Стамболџиоска.

Драматургот Александра Бошковска во програмската белешка за претставата вели: „Претставата ʻЧудесна терапија’ се занимава со потребата од чиста и искрена комуникација како предуслов за една среќна врска. При тоа, безусловно сме свесни дека во комуникациската еволуција, човештвото има уште многу етапи што треба да ги совлада“. Бошковска додава: „Комуникацијата е универзална способност на секој човек. Но, дали знаеме вистински да комуницираме? Се чини едноставно, но во врска, сакале или не, сѐ станува комплицирано. Понекогаш и до бескрај. Разговорот знае да прерасне во кавга, кавгата во конфликт, а конфликтот во војна. А проблемот, наместо да биде решен, да роди нов, поголем проблем“.

Претставата премиерно е изведена во мај 2019 година и до сега има 55 изведби од кои десетина гостувања биле на театарските фестивали во Македонија и во земјите од регионот. Поради универзалноста на темата и бравурозната изведба на актерската екипа, комедијата има одличен прием и актерите добиваат силни аплаузи како израз на задоволство на театарската публика.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер