Михајловски: Задоволство беше да се гледа развиорено македонското знаме со медал на моите гради - Канал 5

Други спортови

Михајловски: Задоволство беше да се гледа развиорено македонското знаме со медал на моите гради

Македонскиот кикбоксер Стефан Михајловски пред десетина дена стана светски вицешампион со освоен сребрен медал на Мундијалот во кикбокс за сениори одржан во Абу Даби (ОАЕ).

Михајловски: Задоволство беше да се гледа развиорено македонското знаме со медал на моите гради

Тој настапуваше во категоријата Кик Лајт, + 94 кг. Михајловски имаше одлличен настап, обезбедувајќи три победи во патот до големото финале. Во финалето се соочи со актуелниот светски шампион и по тесна борба за жал не успеа да стигне до посакуваното злато.

1. Стефан, какво е чувството да се вратиш дома како светски вицешампион?

- Искрено, чувството е одлично и нереално. Задоволен сум со тоа што го постигнав поради тоа што знам колку напорна работа и жртвување стојат зад овој резултат. И покрај истото сепак жалам поради тоа што бев многу блиску до освојување на златниот медал, а не успеав. Генерално, сум горд и мотивиран за понатамошни успеси. Задоволство беше да се гледа развиорено македонското знаме со медал на моите гради.

2. Каков беше твојот пат до големото финале?

- Се соочив со противници од Словачка, Египет и Словенија. Првата борба против противникот од Словачка кој е актуелен светски вицешампион во јуниорска дивизија ја победив со прекин во третата рунда со голема разлика на во поени. Втората борба со противникот од Египет резултираше со победа и прекин во втората рунда. Во третата борба противникот ми беше трократен светски шампион од Словенија со кој се имам претходно соочено два пати. Овој пат по тежок меч извојував убедлива победа со судиска одлука.

3. Што мислиш дека пресуди во финалето?

- Во финалето пресудија неколку детали кои не беа незначителни. Како и во секоја борба, покрај добри секвенци направив и неколку ситни пропусти кои на вакви мечеви имаат решавачка улога. Значителна улога земаа и повредите здобиени за време на подготовките, како и за време на трите борби до финалето. И покрај сето тоа, прикажав блиска борба со одличен противник која ми даде мотив за идни големи постигнувања.

4. Како се одвиваа подготовките за овој голем спортски настан?

- Ваквите првенства бараат активно вежбање и подготвување во текот на целата година, но финалните подготовки траеја околу три месеци. Секојдневните тренинзи ги правев со мојот долгогодишен тренер во матичниот клуб Прокик-Фемили. Освен редовните кикбокс тренинзи дополнително работев и со тренер за интензивни и кондициски подготовки. Дополнително, на повик на селекторот и тренерот на Кикбокс Маитаи Федерацијата на Македонија бев дел од подготовките за ова првенство водени од стручниот тим на Федерацијата заедно со целиот репрезентативен состав. Подготовките беа насочени кон подобрување на техниката, темпото и натпреварувачката форма. Убеден сум дека сето ова придонесе да го постигнам овој голем успех на светско ниво.

5. Кој беше твојата најголема поддршка пред и за време на првенството?

- Најголема поддршка покрај моите најблиски ми пружи мојот тренер од матичниот клуб Жарко Михајловски, кондицискиот тренер Петар Баснарков како и спаринг партнерите од матичниот клуб. Несебична поддршка како спортист ми беше пружена и од страна на Претседателот и Селекторот на Кикбокс Маитаи Федерацијата на Македонија Дејан Митревски-Урко и тренерот Драган Атанасовски кои како дел од стручниот тим ме пратеа и поддржуваа во аголот за време на секоја борба. Значителен мотив за време на борбите ми беше и поддршката дадена од останатите спортисти и колеги од македонскиот репрезентативен состав. Изразувам голема благодарност до сите нив.

6. Какви се твоите идни планови?

По краток одмор, рехабилитација и санирање на настанатите повреди продолжувам со истото темпо, секојдневни тренинзи во мојот матичен клуб со цел одржување и подобрување на мојата спортска форма. Секако, моите идни планови како кикбоксер се со успех да ја претставувам Македонија на идните престижни европски и светски купови и што повеќе нови победи и медали.

Тагови: бокс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нов потег на Путин: Русите вежбаат со Кинезите, пристигна нуклеарно предупредување

Рускиот претседател Владимир Путин вчера присуствуваше на воена вежба на планините Урал, во која учествуваа војници од Кина и од неколку други земји.

Нов потег на Путин: Русите вежбаат со Кинезите, пристигна нуклеарно предупредување

Путин го посети воениот полигон во регионот Чељабинск за да ја следи завршната фаза од вежбата „Центар-2026“. Вежбата се одржа во склоп на вежбата „Интеракција-2026“, спроведена од членките на Организацијата на Договорот за колективна безбедност – безбедносен сојуз предводен од Москва, составен од неколку поранешни советски републики.

Путин изјави дека 47.000 војници учествуваат во вежбата „Центар-2026“, вежбајќи одбивање напади на 11 полигони и во Каспиското Море. Вежбата започна во понеделникот, а завршува денес.

Путин предупреди дека нема да се двоуми да употреби нуклеарно оружје за одбрана на Калининград.

„Околу 6.000 војници од Русија и од други земји учествуваа во завршната фаза на полигонот Чебаркул“, рече Путин.

YouTube video

Тој додаде дека делегации од 55 земји учествувале како набљудувачи.

Според извештаите на руските медиуми, во вежбата учествуваат воени единици од Белорусија, Киргистан и Таџикистан, заедно со војници од Кина, Монголија и Пакистан. За време на посетата, Путин изврши увид во различни видови вооружување, вклучително и новите беспилотни летала „Геран“ на млазен погон, кои руската војска ги користи во нападите врз Украина.

Посетата на Путин уследи еден ден откако Русија го предупреди НАТО дека нема да се двоуми да употреби нуклеарно оружје за одбрана на Калининград, доколку некоја членка на воениот сојуз се обиде да ја отсече таа руска ексклава на западот на земјата од остатокот на Русија.

Извор: Б92

Тагови: Владимир Путин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мечки влегуваат во дворови во Русија: 16 лица загинаа за еден месец

Според анализата на „CNN“ на извештаите од руските медиуми, само во септември најмалку 16 лица загинале во напади од мечки низ Русија.

Мечки влегуваат во дворови во Русија: 16 лица загинаа за еден месец

Најтешко погоден е огромниот регион Краснојарск во централен Сибир, каде што оваа година седум лица ги загубиле животите во напади од мечки.

Руското Министерство за природни ресурси и животна средина наведува дека во земјата годишно вообичаено се регистрираат меѓу 20 и 30 напади од мечки врз луѓе. Оваа година, мечките навлегле во населени места во повеќе од 40 руски региони.

Жена нападната веднаш откако излегла од својот дом

Минатата недела во регионот Краснојарск, мечка убила 51-годишна жена откако таа излегла од својата куќа. Два дена претходно, еден чувар загинал во напад на паркинг за камиони во шумска област.

Претходно во септември, биле пронајдени и телата на две постари жени кои одделно отишле да берат печурки, нивните повреди укажувале на напад од мечка.

Смртоносни напади се случиле и на други места во Сибир. Во Тува, таткото на рускиот НХЛ-играч Андреј Кузменко загинал во напад од мечка додека рибарел кон крајот на септември. Во август, во регионот Алтај, мечка искинала шатор, одвлечкала 29-годишна жена во шумата и ја убила.

Зошто се приближуваат до луѓето?

Експертите со кои разговараше „CNN“ наведуваат неколку можни причини за порастот на опасните средби во одредени делови на Сибир.

Зоолозите како клучен фактор го посочуваат исклучително слабиот род на борови јатки и шумски плодови, што им го отежнува наоѓањето храна на мечките пред зимскиот сон. Големите шумски пожари исто така уништиле делови од нивното природно живеалиште.

Во есенскиот период, мечките интензивно бараат храна за да натрупаат доволно масни резерви за зимскиот сон. Доколку нема доволно храна во дивината, тие сè почесто се приближуваат до населби, депонии за отпад и други локации каде што храната е лесно достапна. Експертите исто така предупредуваат дека ширењето на индустриските активности во претходно оддалечени природни предели ја зголемува веројатноста за средби меѓу луѓето и мечките.

Полициски часови и затворање на паркови

Во текот на изминатите два месеца, властите во најмалку десет региони низ Сибир и рускиот Далечен Исток ги предупредија жителите за зголемена активност на мечките.

Во делови од регионите Алтај и Бајкал се воведени ноќни ограничувања на движењето, додека властите во Краснојарск го затворија Националниот парк „Краснојарски столбови“ и популарната планинарска патека на гребенот Торгашински.

Регионалните власти исто така формираа мобилни ловни тимови и нудат парични награди за убивање мечки. Во регионот Краснојарск се нуди награда од над 35.000 рубљи – приближно 420 долари – за нивно отстрелување.

По смртта на еден турист во регионот Алтај, убиени се повеќе од 50 мечки, а издадени се дозволи за отстрел на уште 157. Властите во регионот Краснојарск најавија отстранување на повеќе од 180 животни кои се сметаат за потенцијално проблематични.

Експерти: Масовниот отстрел нема да го реши проблемот

Зоологот Сергеј Колчин смета дека, иако отстрелот на агресивна мечка што навлегува во населено место понекогаш е неопходна итна мерка, сепак предупредува дека масовното убивање животни нема да го намали бројот на инциденти на долг рок.

Според него, суштинскиот проблем е лесно достапниот отпад што ги привлекува мечките кон населбите. Ако се убие една мечка во близина на депонија, друга може едноставно да го заземе нејзиното место.

Како долгорочни решенија, експертите ги наведуваат подоброто обезбедување на отпадот, едукацијата на жителите за тоа како да се однесуваат во живеалиштата на мечките, како и употребата на електрични огради и други средства за одвраќање.

Извор: Индекс.хр

Тагови: мечки русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и релативно топло

Утрото ќе биде ведро и студено, а преку денот сончево и релативно топло. 

Утре сончево и релативно топло

Ќе дува слаб ветер од северен правец. Минималната температура ќе биде во интервал од -3 до 8, а максималната ќе достигне од 20 до 28 степени.

Во Скопје, сончево и релативно топло со слаб ветер од северен правец. Минималната температура ќе се спушти до 3, а максималната ќе достигне до 26 степени.

Во следните денови времето ќе биде релативно топло. До среда утрата ќе бидат ведри и студени, а во текот на денот ќе преовладува сончево време. Од четврток ќе има зголемување на облачноста и услови за локален дожд, a утринските температури ќе бидат во пораст.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер