Михајловски: Среќен сум што донесов медал за Македонија - Канал 5

Други спортови

Михајловски: Среќен сум што донесов медал за Македонија

Македонскиот кикбоксер Стефан Михајловски со бронзен медал се врати од неодамнешното Европско сениорско првенство во Атина. Тој настапуваше во категоријата кик лајт, + 94 кг и беше блиску до финалето. 

Михајловски: Среќен сум што донесов медал за Македонија

Македонскиот кикбоксер Стефан Михајловски со бронзен медал се врати од неодамнешното Европско сениорско првенство во Атина. Тој настапуваше во категоријата кик лајт, + 94 кг и беше блиску до финалето. И покрај пропуштената шанса да се бори за златото, Михалјовски во интервју за МИА, како успешен го оцени својот настап во грчката престолнина.

1. Стефан, дали си задоволен со бронзениот медал, и колку фалеше да се пласираш во финалето?

Првенствено како посветен спортист во областа на кикбоксот учеството на Европското првенство за сениори како и претставувањето на нашата држава како дел од репрезентативниот тим за мене претставуваше голема чест. Среќен сум што донесов медал за Македонија. Првата борба ми беше против германскиот репрезентативец Стефан Тих во која сметам дека одлично се претставив и прикажав боречки техники постигнати со макотрпни тренинзи и подготовки. Секако дека сум задоволен со освојувањето на бронзениот медал на ова Европско првенство, иако многу малку недостигаше во втората борба со украинскиот репрезентативец Бабенко да влезам во финалето и да се борам за златниот медал. Се работеше за разлика од еден поен согласно одуката на судиите, но сепак резултатот не беше поволен за мене. Иако не влегов во финалето сепак закитувањето со бронзен медал е спортски успех, големо искуство и можност за прикажување на постигнатите спортски вештини.

2. Што треба да се направи за да се дојде до медал на едно ЕП во кикбокс?

Учеството на големи натпреварувања како што се светски, европски и балкански првенства пред се бара еден континуитет во спортските тренинзи кои се одржуваат во матичниот клуб каде членуваат спортистите. Постојаното надградување и подобрувањето на спортските вештини во делот на кикбоксот како и унапредувањето во вежбите за зголемување во снагата, издржливоста, координацијата и агилноста се основен предуслов за постигнување на спортски успех кај спортистите. Постигнатите вештини првенствено се прикажуваат на државно ниво преку учество на државните првенства организирани од страна на Кикбокс Маитаи федерацијата на Македонија, па оттаму постигнувањата на државно ниво се основен предуслов за учество на големите светски, европски и балкански првенства како дел од репрезентативниот тим на нашата држава. Освојувањето на медали на овие првенства пред се зависи од сите горенаведени предуслови, а секако и од моменталните противници и одлуките на судиите пред се кога се работи за тесна борба.

3. Член си на клубот Прокик-Фемили. Раскажи ни како изгледаат твоите тренинзи.

Член сум на Клубот Прокик-Фемили веќе години наназад. Еден мој секојдневен тренинг првенствено започнува со основни вежби за загревање на телото како подготовка за продолжување со тренинг како и вежби за подобрување на брзината, моториката и координацијата. Потоа следуваат вежби за стречинг, односно истегнување на екстремитетите на телото, со посебен осврт во делот на нозете и рацете заради намалување на можноста од настанување на спортски повреди за време на тренингот. Во согласност со насоките на мојот тренер тренингот продолжува со практикување и подобрување на кикбокс вештините преку индивидуална работа со тренерот како и преку учество во спаринзи со останатите членови во клубот. Тренингот завршува со вежби за зголемување на снагата и издржливоста на телото. Освен секојдневниот тренажен процес пред учество на првенства по кикбокс секако одреден период претходно воведувам дополнителен тренинг во текот на секој ден заради зголемување на издржливоста и кондицијата за време на борбите.

4. И во минатото имаш успеси на меѓународна сцена. Дали добиваш поддршка од државата? Помага ли федерацијата, со опрема, реквизити, суплементи, обезбедување учество на силни тренинг-кампови со врвни европски кикбоксери?

Во досегашното спортување имам постигнато бројни спортски резултати како на државно така и на меѓународно ниво. Изминативе години освен поддршката од страна на клубот во кој што членувам поддршка имам и од државата преку обезбедување на стипендии , систем ваучери и останати финансиски поддршки во зависност од моите претходно постигнати спортски резултати. Секако нашата Кикбокс Маитаи федерација на Македонија несебично ме поддржува во секој поглед, стремејќи се кон се поголема финансиска поддршка која секако пред се зависи од моменталната финансиска можност на самата Федерација. Во однос на овозможувањето на силни тренинг - кампови со врвни кикбоксери кои за нас спортистите би било искуство и можност до идни успеси за жал не сме во можност да го оствариме со оглед на тоа дека за истото освен контакти и соработки со останатите држави потребни се поголеми финансиски средства кои за нас спортистите во овој момент се голем предизвик. Во иднина се надевам дека со новоформираното Министерството за спорт ќе биде продолжена и зголемена финансиската поддршка на спортистите, клубовите и федерациите се со стремеж кон поголеми спортски успеси за нашата држава.

5. Твојот колега Бобан Илиоски стана европски шампион, а има и титула светски првак. Можеме ли и од тебе да очекуваме злато од големите натпреварувања? Твоите планови за понатамошната кариера.

Спортски честитки за колегата Бобан Илиоски кој постигна успех кон кој се стремиме сите ние спортистите. Моите планови за понатамошната кариера се насочени кон одржување и подобрување на кикбокс вештините и сите останати потребни вештини преку секојдневни спортски тренинзи во матичниот клуб со мојот тренер, прибирање на нови искуства на сите првенства кои ќе се одржуваат во иднина без оглед на државно или меѓународно ниво со стремеж во иднина кон освојување на нови медали, а секако со надеж кон освојување на златен медал како најголемо постигнување. Се надевам времето ќе покаже дека сум насочен и спремен кон поголеми спортски постигнувања, а она за што сонувам ќе прерасне во моја реалност.

6. Каков е интересот за овој спорт кај младите? Има ли долна граница од кога може да се почне да се тренира со кикбокс?

Можам да забележам дека интересот за кикбоксот изминативе неколку години е во постојан раст. Сите сме сведоци на тоа дека се повеќе млади се насочени кон спортот воопшто и кон здравиот живот. Според мене долната граница за да се започне со тренирање на кикбокс сметам дека е шест години, со оглед на тоа дека децата пред се треба да имаат развиена основна координација и моторика која е индивидуална за секое дете како и да бидат спремни за впивање на спортски техники согласно својата возраст.

7. Дали кикбоксот е „машки спорт“ или има интерес и кај понежниот пол. Застапени ли се девојките во вашиот клуб?

Не сметам дека кикбоксот е „машки спорт“, туку напротив е спорт за сите без оглед на полот. Изминативе години нивото, развојот и условите во спортот се значително подобрени, па оттаму се поголем е интересот и кај понежниот пол, без оглед дали се работи за рекреативно спортување или спортисти - натпреварувачи. Во нашиот клуб Прокик-Фемили на спортските тренинзи има учество и од понежниот пол, а истите се третирани идентично како и припадниците на посилниот пол. Сметам дека е време кикбоксот да не се дефинира единствено како груб спорт кој не е за понежниот пол, односно да се гледа како спорт од кој што освен изучување на корисна боречка техника може да доведе до раст и развој на координација, моторика , агилност, упорност, истрајност како и дисциплина кои се значајни афинитети за понатамошниот живот на учесниците./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Венеција воведе нова мерка за наплата на влез за туристите

Венеција, една од најпопуларните европски туристички дестинации, следната година ќе го зголеми бројот на денови во кои ќе наплаќа влезница, објавија денеска градските власти. 

Венеција воведе нова мерка за наплата на влез за туристите

Во согласност со одлуката на градскиот совет, еднодневните посетители ќе мора да платат такса до 10 евра за вкупно 72 дена - во периодот од Велики петок до средината на август следната година. Оваа година, тој број беше 60 дена. Градските власти досега се воздржаа од значително зголемување на цената, иако претходно се дискутираше за воведување такса од 30 евра или дури и повеќе.

Музејски пристап

Во април 2024 година, Венеција стана првиот град во светот што воведе влезница за еднодневни посетители. Оние кои направиле резервација најмалку три дена однапред, можеа да платат 5 евра оваа година. Но, секој што чекал подолго морал да плати 10 евра.

Посетителите обично го преземаат QR-кодот на своите мобилни телефони за оваа намена, иако многумина успеваат да избегнат плаќање. Оваа година, повеќе од 650.000 посетители ја платија таксата, со што градската каса донесе повеќе од 5 милиони евра. Гостите што преноќуваат во градот се ослободени од плаќање на оваа влезница, но се должни да платат данок за престој. И во овој случај, постојат исклучоци за одредени групи.

Градската администрација постојано нагласува дека целта не е да се генерира приход, туку подобро да се управува со протокот на посетители. Токму затоа се разгледуваше воведувањето значително повисоки влезници. Но, одлуката не е исклучиво во рацете на Венеција - зголемувањето на таксата за посета на овој историски град, основан во 5 век, мора да биде одобрено и од националната влада во Рим.

И покрај таксата, бројот на посетители останува висок

Воведувањето на таксата досега не резултираше со намалување на бројот на посетители. Венеција е веќе скапа. Еднократен билет за возење со воден автобус, популарното вапорето, чини 9,50 евра, додека получасовно возење со гондола чини најмалку 90 евра.

Градот заработува многу пари од туризмот, но и многу страда од него. Денес, градот има значително повеќе хотелски кревети отколку жители. Во центарот на градот денес живеат помалку од 50.000 луѓе, што е бројка што далеку заостанува зад втората бројка - милионите туристи што го посетуваат секоја година од целиот свет. Според проценките, повеќе од 25 милиони луѓе ја посетуваат Венеција годишно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Без табуа, со знаење - младите заслужуваат предмет каде ќе се учи на промоција на здравје, здравствени навики и сексуално образование

На младинската трибина на СДММ „Без табуа, со знаење - младите и сексуалното образование“, учесниците порачаа дека младите имаат право на научно засновани информации, здравствена заштита и образование.

СДСМ: Без табуа, со знаење - младите заслужуваат предмет каде ќе се учи на промоција на здравје, здравствени навики и сексуално образование

На младинската трибина на СДММ „Без табуа, со знаење - младите и сексуалното образование“, учесниците порачаа дека младите имаат право на научно засновани информации, здравствена заштита и образование што ќе им помогне да носат одговорни одлуки и да градат здрави и ненасилни односи.

На трибината се обратија претседателот на СДСМ, д-р Венко Филипче, проф. д-р Ана Данева, претседателка на Комисијата за здравство на СДСМ и гинеколог, Даниела Николова, пратеничка и членка на Комисијата за образование и наука, доц. д-р Стефан Васев, член на Комисијата за труд и социјална политика и член на Европската асоцијација на сексолози, и Стефанија Кузмановска, претседателка на СДММ.

Претседателот на СДСМ, д-р Венко Филипче, порача дека образованието мора да се темели на научно засновани факти и да им обезбеди на младите квалитетно знаење и соодветна институционална поддршка, посочувајќи дека денес Владата наметнува политики спротивни на потребите на младите и го ограничува нивниот пристап до едукација за здравјето, психофизичкиот развој и градењето здрави меѓучовечки односи.

„Образовниот систем мора да се темели на знаење, наука и факти а младите имаат право на квалитетно образование и институционална поддршка. За жал, денес имаме Влада која, како и сè друго во државата, го узурпираше и образовниот систем, креирајќи политики спротивни на потребите на младите и ограничувајќи го нивниот пристап до едукација за теми од значење за нивното здравје, правилниот психофизички развој и градењето здрави и одговорни меѓучовечки односи. Образованието е важен дел од здравствената превенција и им помага на младите да го разбираат сопственото здравје, да препознаваат ризици и да носат одговорни одлуки“, рече Филипче.

Проф. д-р Ана Данева се осврна на здравствените придобивки од сексуалното образование, особено во превенцијата на несакани бремености и сексуално преносливи инфекции, како и во развивањето здрави навики и одговорен однос кон сопственото тело. „Сексуалното образование е важен дел од здравствената превенција. Младите треба да имаат точни медицински информации за сопственото тело, репродуктивното здравје и начините на заштита, за да можат навремено и одговорно да се грижат за своето здравје“, истакна д-р Данева.

Даниела Николова ја истакна потребата сексуалното образование да биде дел од образовниот систем, нагласувајќи дека неговата цел е младите да развијат самосвест, критичко размислување и почитување на сопствените и туѓите граници. „Сократовото ‘Спознај се самиот себеси’ нè потсетува дека не можеме свесно да управуваме со сопствениот живот ако не ги разбираме своите мотиви, чувства и граници. Сексуалното образование не треба да им диктира на младите кога, како и со кого да живеат, туку да им помогне да се спознаат себеси и да знаат што можат да очекуваат од другите“, посочи Николова.

Доц. д-р Стефан Васев презентираше податоци за малолетничките бремености и раните бракови, посочувајќи дека Македонија мора посериозно да се посвети на превенцијата и сексуалната едукација. „Според податоците што ги презентираме, стапката на малолетнички бремености во Македонија за 2024 година изнесува 15,7 на 1.000, наспроти европски просек од околу 6 на 1.000. Особено загрижувачки е податокот за евидентиран абортус кај девојка на само 13 години. Овие бројки се сериозно предупредување дека младите имаат потреба од навремено образование, проверени информации и институционална поддршка“, истакна Васев.

Тој посочи дека во повеќе европски земји сексуалното образование е задолжително или интегрирано во образовните програми и нагласи дека Македонија треба да ги следи научните сознанија и позитивните практики.

Стефанија Кузмановска, претседателка на СДММ, ја потврди определбата на младите социјалдемократи за образование што ќе им овозможи на младите да ја разбираат сопствената сексуалност, да препознаваат ризици и да градат безбедни односи засновани врз почитување. „Младите заслужуваат образование што ќе им даде знаење, самодоверба и вештини за одговорно донесување одлуки. Не смееме да ги оставиме без одговори на прашања што директно влијаат врз нивното здравје, безбедност и иднина. Наместо табуа и предрасуди, потребни се знаење и поддршка“, порача Кузмановска.

Од трибината беше упатен повик до Министерството за образование и наука да продолжи со концептот за воведување сексуално образование, а не да го попречува патот кон знаењето. Ако навистина сакаме да излеземе од темнината на незнаењето, мора да им овозможиме на младите пристап до образование засновано врз наука, факти и почитување. Без табуа, со знаење, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Херојски потег: Возач на автобус спаси 35 деца од ужасен пожар во возилото (ВИДЕО)

Огромни пламени го зафатија автобусот на Мерцедес, а пожарникарите не беа во можност да го спасат возилото.

Херојски потег: Возач на автобус спаси 35 деца од ужасен пожар во возилото (ВИДЕО)

Сепак, вистинскиот херој стоеше настрана - возачот на автобусот успеа навреме да ги извлече сите 35 ученици од основно и средно училиште од возилото, пишува Bild.de.

Автобусот се движел по Индустриштрасе во Хиршшајд, во округот Бамберг, во германската сојузна покраина Баварија, околу 7:20 часот утрово.

„Децата на задниот дел од автобусот одеднаш почувствуваа мирис на чад. Веднаш го известија возачот“, изјави портпаролот на полицијата Александар Крап (49) за германскиот весник Bild.

Како што додаде, возачот реагирал брзо, го запрел автобусот, ги отворил вратите и им помогнал на сите деца да излезат од возилото.

Сите 35 ученици спасени од запалениот автобус

Само неколку моменти подоцна, пламенот почнал да избувнува од задниот дел на автобусот, а потоа брзо се проширил на целото возило. Кога пожарникарите пристигнале на местото на настанот, автобусот на Мерцедес веќе бил целосно зафатен од пламен. Пожарникарите дозволиле возилото да изгори на контролиран начин.

Материјалната штета е проценета на околу 20.000 евра.

Децата биле однесени во училница во блиското основно училиште, каде што биле прегледани од лекар од итната помош.

„За среќа, ниту едно од 35-те деца не е повредено“, заклучи портпаролот на полицијата Кр ап.

Истрагата за причината за пожарот е во тек.

Тагови: автобус возач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер