Михаел Шумахер ќе остане инвалид до крајот на животот - тврди швајцарски невролог - Канал 5

Михаел Шумахер ќе остане инвалид до крајот на животот - тврди швајцарски невролог

Угледниот швајцарски лекар-невролог, Ерих Рајдер ги отфрли денеска сите шпекулации за брзо опоравување на германскиот автомобилски шампион Михаел Шумахер, што се појавија во европските медиуми откако тој ја напушти болницата во Гренобл.

Михаел Шумахер ќе остане инвалид до крајот на животот - тврди швајцарски невролог
Според Рајдер, кој важи за експерт во случаи на пациенти во кома, „малку веројатно e дека Шумахер ќе се опорави, а поверојатно е дeкa ќе остане инвалид до крајот на својот живот и трајно зависен од помошта на други“.

Во интервју за швајцарскиот интернет сајт „20 Минутен“ угледниот швајцарски лекар вели дека пред Шумахер претстои долга и тешка рехабилитација, поради низа сериозни оштетувања што има кај него, иако е позитивно тоа што германскиот автомобилист што се разбуди, по шест месеци поминати во кома.

- Доколку Шумахер успее за три месеци да може да седнува без помош, а за шест месеци да може да управува со електрична инвалидска количка, тоа ќе биде голем и добар напредок, вели др.Рајдер.

Михаел Шумахер на почетокот од оваа недела, се разбуди од комата во која го ставија француските лекари, во болницата во Гренобл, за да спречат потрешки и потрајни повреди на мозокот. Веднаш потоа, беше префрлен во Лозана, во еден специјален центар, каде го почнува долгиот период на рехабилитација.

На 29 декември минатата година, Шумахер (45) тешко настрада при падот за време на скијањето во француските Алпи. Возејќи надвор од обележаната патека, тој падна и удри со главата во една карпа.

Истрагата што потоа беше направена, утврди дека најверојатно би загинал на самото место, доколку на главата не носел заштитен скијачки шлем, иако тоа не му помогна да остане неповреден./ МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ССК го одржа годишното собрание

Сојузот на стопански комори попладнево го одржа годишното собрание на кое беа сумирани активностите и резултатите од работењето во изминатиот период.

ССК го одржа годишното собрание

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Од март се враќа задолжителниот воен рок во Србија, најави Вучиќ

Претседателот на Србија, Александар Вучиќ, најави дека во март следната година повторно ќе се воведе задолжителниот воен рок.

Од март се враќа задолжителниот воен рок во Србија, најави Вучиќ

Претходно, актуелната власт најави враќање на задолжителното служење на воениот рок во Србија во траење од 75 дена за мажи до 30 години.

Армијата на Србија, со одлука на претходните власти, официјално стана професионална војска на 1 јануари 2011 година, кога стапи на сила собраниската одлука за укинување на обврската за служење воен рок.

Редовното служење на воената обврска тогаш беше заменето со доброволно служење, а војската почна да се пополнува со професионални војници и офицери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

САД и Иран се договориле да го прекинат последниот бран судири и да се вратат на преговарачка маса

Иран и Соединетите американски држави постигнале договор за прекин на последниот бран меѓусебни судири во Персискиот залив

САД и Иран се договориле да го прекинат последниот бран судири и да се вратат на преговарачка маса

Иран и Соединетите американски држави постигнале договор за прекин на последниот бран меѓусебни судири во Персискиот залив и да ги продолжат разговорите согласно меморандумот за разбирање што неодамна го потпишаа двете страни, потврдил американски функционер за неколку светски медиуми.

Веста за постигната согласност за прекин на непријателствата, како што наведуваат медиумите, ги зголемува надежите дека привремениот мировен договор меѓу Вашингтон и Техеран може да опстане и покрај меѓусебните вооружени судири во последните денови. Американскиот новински портал „Аксиос“, повикувајќи се на неименуван висок американски функционер, објави дека разговорите меѓу претставиците на Вашингтон и Техеран треба да продолжат утре, во главниот град на Катар, Доха.

Засега не е познат ставот на Техеран во врска со наводите кои доаѓаат од страна на извори од американската администрација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер