Мицотакис во дводневна официјална посета на Света Гора по реакциите од седум манастири - Канал 5

Балкан

Мицотакис во дводневна официјална посета на Света Гора по реакциите од седум манастири

Грчкиот премиер Кирјакос Мицотакис од денеска е во дводневна официјална посета на Света Гора, посета што според весникот „Катимерини“, доаѓа по реакциите на седум манастири, кои првично не се согласувале со пристигнувањето на премиерот.

Мицотакис во дводневна официјална посета на Света Гора по реакциите од седум манастири

Грчкиот премиер Кирјакос Мицотакис од денеска е во дводневна официјална посета на Света Гора, посета што според весникот „Катимерини“, доаѓа по реакциите на седум манастири, кои првично не се согласувале со пристигнувањето на премиерот, јави дописничката на МИА од Атина.

Посетата синоќа беше официјално најавена од кабинетот на Мицотакис, а грчкиот весник пишува дека „голем дел од манастирите ја ставија под сомнеж посетата на премиерот на Света Гора“.

- Игумените на најмалку седум манастири на Света Гора изјавија дека нема да присуствуваат на церемонијата на пречек на премиерот, потег што би можел да се протолкува како резултат на климата на незадоволство во Атонската заедница поради владините одлуки кои, според нив, „ги засегаат религиозните чувства и верувања на православните христијани“, пишува весникот и додава дека сепак, во поканата испратена до премиерот биле потпишани сите 20 манастири.

Претходеле, според „Катимерини“, маратонски разговори и дискусии за да се отстранат приговорите на седумте манастири, кои отворено изјавиле дека немаат намера да присуствуваат на приемот на премиерот, но на крај го потпишале заедничкото соопштение.

Реакциите биле јавно изразени минатиот четврток на состанокот на Светата заедница, а претставниците на седум манастири, зеле збор и „отворено го изразија своето несогласување со посетата“.

- Тие го критикуваа Кирјакос Мицотакис за неговите избори кои, како што тврдеа, ги навредуваат верните христијани, особено со законот за истополови бракови и посвојување деца и изјавија дека нема да присуствуваат на церемонијата на пречек на премиерот и неговата придружба, пишува „Катимерини“.

Од кабинетот на грчкиот премиер синоќа соопштија дека Мицотакис ќе биде во дводневна официјална посетата на Света Гора, во Кареја ќе се сретне со игумените и претставниците на 20-те свети манастири, кои свечено ќе го пречекаат и ќе има ручек со нив, а пoтоа ќе ги посети и манастирите Ивирон, Ватопед, Симонопетра и Ксенофонт.

Тагови: Света гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силна експлозија во фабрика за муниција во Италија (ВИДЕО)

Силна експлозија одекна во фабрика за муниција во близина на италијанскиот град Колеферо, југоисточно од Рим, а детонацијата, според извештаите на локалните медиуми, се слушнала на километри оддалеченост.

Силна експлозија во фабрика за муниција во Италија (ВИДЕО)

Ројтерс известува дека пожарникарите и полицијата брзо пристигнале на местото на пожарот што избувнал во индустрискиот комплекс. Надлежните служби веднаш почнале да проверуваат дали има жртви во несреќата.

Експлозијата се случила во поранешната фабрика „Симел Дифенс“, која сега ја управува „KNDS Amo Italia“, дел од француско-германската одбранбена група „KNDS“.

Телевизиските снимки покажуваат голем облак од густ чад што се издига над индустрискиот погон, додека службите за итни случаи интервенирале во областа на фабриката.

„KNDS Amo Italy“ произведува муниција со среден и голем калибар за копнени и поморски одбранбени системи, како и цврсти ракетни погонски горива за системи за лансирање во вселенската индустрија.

Компанијата е исто така меѓу изведувачите вклучени во рамковните договори на Европската агенција за одбрана за набавка на артилериска муниција од 155 милиметри, склучени во 2023 година.

Во времето на објавување, не беше познато дали има повредени или смртни случаи, ниту што точно ја предизвикало експлозијата.

Тагови: Италија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Украина и предлага на Русија прекин на нападите врз цивилни цели во Црното Море

Украина испрати понуда од трета страна до Русија за двете страни да престанат да напаѓаат цивилни цели во Црното Море, изјави за Ројтерс извор запознаен со ситуацијата.

Украина и предлага на Русија прекин на нападите врз цивилни цели во Црното Море

Украина сè уште не добила одговор на својата понуда, додаде изворот.

Во последните недели, двете страни изјавија дека меѓусебните напади врз пратките со жито и инфраструктурата во виталниот воден пат би можеле значително да влијаат на светските цени на храната оваа година.

Извор: Индекс.хр

Тагови: русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар се шири во близина на Улцињ: Објектите се загрозени (ВИДЕО)

Пожарот на локалитетот Гач кај Владимир во општина Улцињ се прошири во текот на денот, загрозувајќи одредени објекти и маслинови насади, додека силните ветрови го отежнуваат гаснењето.

Пожар се шири во близина на Улцињ: Објектите се загрозени (ВИДЕО)

Дирекцијата за заштита и спасување е информирана дека пожар на локалитетот Гач во градот Владимир, во општина Улцињ, се проширил во текот на денот.

Пожарот во моментов се заканува на одредени објекти и маслинови насади, додека силните ветрови го отежнуваат гаснењето и го фаворизираат ширењето на пожарот, соопшти Министерството за внатрешни работи на Црна Гора.

Припадници на Службата за заштита и спасување на општина Улцињ, имено пожарникари и спасувачи со расположиви возила, се на местото на настанот.

Воздухоплови од Министерството за внатрешни работи се пренасочени кон оваа локација со цел пожарот да се стави под контрола што е можно поскоро.

Се очекува да пристигнат и членови на Службата за заштита и спасување на главниот град Подгорица за да пружат помош на местото на пожарот.

Министерството за внатрешни работи продолжува да ја следи состојбата на терен преку Оперативно-комуникацискиот центар 112 и им дава поддршка на надлежните служби.

Како што е наведено, Министерството за внатрешни работи ги координира и активностите за ангажирање на расположливи воздухоплови, во согласност со потребите на терен.

Тагови: пожар Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер