Мицотакис: Пораката од реконструкцијата е обнова и акција - Канал 5

Балкан

Мицотакис: Пораката од реконструкцијата е обнова и акција

Пораката од вчерашната реконструкција е двојна: обнова и акција, до завршување на нашиот мандат.

Мицотакис: Пораката од реконструкцијата е обнова и акција

Секако, да Ве потсетам дека нè очекуваат 25 месеци за да го направиме подобар животот на граѓаните, нешто што, ќе се постигне само со големи промени, рече грчкиот премиер Кирјакос Мицотакис на почетокот на денешната прва седница на новиот владин состав, јави дописничката на МИА од Атина.

Владината седница што беше по вчерашната реконструкција траеше кусо, немаше конкретна агенда, а беше со цел Мицотакис, како што и самиот рече, да им даде првични корисни насоки на министрите и да сподели со нив „размислувања за новиот почеток“, посочи дека „Владата секогаш ја преферира цената на придвижување кон напредок, наместо цената на стагнацијата“, а мотото е „побрзо и похрабро“.

- Се стремиме кон најдобар резултат преку два пата: од една страна, организирајќи ја подобро координацијата на нашето секојдневно работење и од друга страна распределувајќи го, најдобро што можеме, потенцијалот на нашата партија. Сепак, да кажам уште еднаш, заложбите на Владата треба да се прават. И мислам дека по речиси шест години, тоа го очекуваат граѓаните од нас: конкретна, видлива работа во очите на граѓаните, порача Мицотакис.

На министрите, како што е пракса во изминатите години откако Нова демократија дојде на власт, им подели сини коверти со главните приоритети, за кои изрази желба лично тој да ги надгледува.

Конкретно се осврна на „промените што се случија само на три полиња“, односно на економијата, транспорт и инфраструктурата и миграцијата и поморската политика.

За економијата порача дека „треба да останеме посветени на патот ан фискалната конзистентност“, се осврна на вчерашната надградбата на грчката економија од Мудис со што рече дека „симболично се затвора еден многу долг циклус на оспорување на потенцијалот на грчката економија“ и нагласи дека Грција „продолжува да има една од највисоките стапки на раст во Европа“.

- Мислам дека целта на сите нас, но пред сè на економскиот кадар е овој колективен напредок да се пренесе во паричникот на секој граѓанин. Односно, да се преведе, многу едноставно, во подобри плати, помалку даноци, повеќе и подобри работни места. Овој фискален оптимизам треба да стане и општествен оптимизам, но ова уште еднаш ќе го нагласам, во никој случај да нема отстапување од нашите цели, рече Мицотакис.

Втора област во која направи промени е постави нов министер и заменик-министер е транспортот и инфраструктурата и нагласи дека како што по катастрофалните пожари во 2018 година во близина на Атина „трагичното искуство од Мати го претворивме во „112“ и модерен систем за цивилна заштита што спасува животи“, така сега „Грција треба да го победи стариот систем на железницата“, по железничката несреќа кај Темпи пред две години.

За Министерствата за миграција и поморство, каде што исто така направи промени, рече дека земјата успеа како европски приоритет да истакне уште едно прашање што многу ја засега Грција, а тоа враќањето на нелегалните имигранти кои немаат добиено азил.

- Ова е целокупната насока на Европа. Ова е политиката што сега сакаме да ја спроведеме во нашата земја. Предуслов за ова се нови мерки и соодветна и тешка законска подготовка. Паралелно, легалната, контролирана миграција треба да добие и пофункционална рамка, бидејќи добро знаеме дека недостигот на работна сила продолжува да постои и веројатно ќе се интензивира, не само во примарниот сектор, туку и во другите сектори на нашата економија, рече Мицотакис.

На министрите им посочи да бидат внимателни бидејќи „живееме во ера на лажни вести“ и е многу лесно да се извади од контекст секоја изјава или погрешно поставена формулација, па така, порача дека „најдоброто нешто што можеме да го направиме е вашите лични дела да зборуваат сами за себе“.

Претпладнево, новите министри и заменици-министри во грчката Влада положија свечена религиозна заклетва во Претседателската палата, по што следеше и владината седница, по која започна и примопредавање на функциите во Министерствата.

Грчкиот премиер вчера направи реконструкција на Владата и промени во неколку министерства, меѓу кои и оние за национална економија и финансии, за инфраструктура и транспорт, за животна средина и енергетика, миграција и азил, за социјална кохезија и семејство, поморство, цивилна заштита и климатски кризи, како и на неколку заменик-министерски места.

Непроменети на нивните позиции остануваат министрите за надворешни работи, за одбрана, за внатрешни работи, за заштита на граѓаните, за здравство, за правда, за култура, за развој, за поморство, за туризам, за дигитално управување.

Реконструкцијата на Владата е по масовните протести што пред две седмици се одржаа во Атина и низ цела Грција на двегодишнината од железничката несреќа кај Темпи во која загинаа 57 лица, како и по доставениот предлог од опозицијата за гласање на доверба на Владата, барање што не доби зелено светло од Парламентот. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Трагнал да вози Ферари, па се заглавил во тесна уличка- сите му се смеат (ВИДЕО)

Тесните улици на историскиот центар на Севиља станаа „стапица“ за црвен луксузен автомобил со португалски регистарски таблички.

Трагнал да вози Ферари, па се заглавил во тесна уличка- сите му се смеат (ВИДЕО)

Возачот на скапиот автомобил се нашол во незавидна ситуација откако се обидел да сврти, а потоа се соочил со сериозни тешкотии при маневрирањето низ тесен премин, објавува „Ел Дебет“.

Во видео кое се појави на мрежите, снимено од очевидец, можете да видите како Ферарито се заглавило откако се обидело да сврти на улицата Бамберг, на аголот со улицата Арготе де Молина.

Минувачите се обиделе да го насочат возачот за да избегне оштетување на каросеријата.

Од друга страна, корисниците на социјалните мрежи биле помалку љубезни кон возачот на Ферари. Многумина потсетиле на ризиците од возење низ најтесните и најпрометните делови на Севиља.

„Кој би возел автомобил вреден 250.000 евра низ стариот центар на градот?“, прашал еден од нив.

Медиумите известуваат дека пристапот до овој дел од градот е ограничен на станари, сопственици на гаражни простори и возила на јавниот сервис, токму поради тесните улици и недостатокот на простор за непречено движење.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Полицајци во САД пукале во автомобил и убиле едногодишно бебе, обвинителката смета дека било оправдано (ВИДЕО)

Главниот обвинител на американската држава Мисисипи пресуди дека полицијата оправдано употребила сила кога пукала во автомобил за време на истрага за кражба во која загина едногодишно момче. 

Полицајци во САД пукале во автомобил и убиле едногодишно бебе, обвинителката смета дека било оправдано (ВИДЕО)

Коен Вајли беше убиен во јуни додека седел во скутот на неговата мајка. Полицијата тврди дека возачот го возел автомобилот кон полицајците, пишува Би-Би-Си.

Пукање по пријава за кражба

На 14 јуни, полицијата била повикана во продавницата „Волмарт“ во Сенатобија за пријава за кражба на пелени и детска облека. Според Бирото за истраги на Мисисипи, полицајците пронашле две жени и едно бебе како се приближуваат кон автомобил на паркингот. Тие се обиделе да го запрат возилото, но според официјалната верзија, тоа тргнало кон еден од полицајците и речиси го погодило.

Потоа еден полицаец отворил оган. Куршумот го уби момчето и сериозно ја повреди жената-возач, Латоја Ферел.

Мајката на Коен, Велесија Вајли, која седела на совозачкото седиште со своето дете во скутот, негира дека таа или Ферел украле нешто. Таа рече дека го држела својот син кренат за полицајците да можат да го видат непосредно пред да биде застрелан. Не се поднесени кривични пријави против ниту една жена.

Спорна одлука на обвинителството

Државната обвинителка Лин Фич го објави заклучокот од истрагата во кратка изјава во понеделник. „Во овој инцидент, канцеларијата на државниот обвинител утврди дека употребата на сила била оправдана“, напиша таа. Полицијата не ги објави снимките од пукањето, ниту оние од камерите што ги носеле полицајците на нивните униформи, ниту снимките од камерите за надзор од паркингот. Сепак, некои беа протечени на интернет, според кои се гледа дека полицајците пукаат во автомобил што бега од нив.

Адвокатот на семејството Вајли, Бенџамин Крамп, се спротивстави на одлуката на обвинителот. „Како некој може да прифати таков заклучок додека на семејството на Коен и на јавноста сè уште не им е дозволено да ги видат снимките од полициските камери?“, рече Крамп. „Ако видеата ја потврдат одлуката на државата, објавете ги. Нема да се откажеме од борбата додека ова семејство не ја дознае вистината“, рече тој.

Мартин Зумах, адвокатот на полицаецот што пукаше, за Асошиејтед прес изјави дека возачот „се обидел да го убие“ неговиот клиент. „Тој немаше друг избор освен да пука“, рече Зумах.

Смртта на момчето се случи на американскиот празник Џунтинти, кој го означува крајот на ропството, што предизвика протести во Сенатобија. Демонстрантите тврдат дека расата играла улога во полициските акции. Коен и двете жени во автомобилот се црнци, додека полицаецот кој пукал наводно е бел, како и државниот обвинител. Минатиот месец, градот го отпушти својот началник на полицијата, кој е бел, откако еден весник откри негови СМС-пораки во кои тој постојано користел расни навреди.

Тагови: бебе полицајци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Тринаесетгодишната ќерка на Ким кардашијан и Канје Вест шокира со новиот изглед (ВИДЕО)

Норт Вест објави ново видео на TikTok во понеделник во кое покажа уште една промена во својот изглед. 

Тринаесетгодишната ќерка на Ким кардашијан и Канје Вест шокира со новиот изглед (ВИДЕО)

Тринаесетгодишната ќерка на Ким Кардашијан и Канје Вест се појави со нов детаљ на вратот што личеше на пирсинг, а видеото набрзо предизвика бројни реакции. Норт експериментираше со изгледи и претходно, особено со шарени перики, драматична шминка и лажен накит.

@northwest ♬ original sound - North West

Во новото видео, таа покажа многу изразена шминка, долга светло сина перика и екстремно долги црни вештачки нокти. Ги нагласи очите со темна шминка, ги обои усните во црно и покажа црни украси на забите. Сепак, детаљот во средината на вратот што личеше на пирсинг привлече најголемо внимание.

Норт ја движеше камерата навнатре и нанадвор за да го покаже својот нов изглед додека во позадина се слушаше „The Reason“ од Hoobastank. Неколку часа претходно, таа објави уште едно слично видео, во кое носеше розова маска за очи, а околу вратот можеше да се види и накит.

@northwest ♬ original sound - North West

Ким Кардашијан не се појави во ниту една од тие објави.

Следбениците изненадени од нејзиниот изглед

Трансформацијата на Норт предизвика бројни реакции од корисниците на социјалните мрежи. „Пирсинг на грло?!“ напиша едно лице. „Ова е толку тажно...“ коментираше друг корисник, додека трет напиша: „Нема шанси да има 13 години“.

Норт претходно објасни дека пирсингот е лажен

Порано овој месец, Норт разговараше во живо со својата мајка за нејзиниот накит, а потоа разјасни дека пирсингот што го носи не е вистински. „Луѓе, овие пирсинг не се вистински“, рече таа. „Ги менувам толку често што мислите дека се вистински“. Ким се согласи со својата ќерка, додавајќи: „Да, како луѓето некогаш можат да помислат дека се вистински? Тие секогаш се различни“.

Сепак, Норт не крие дека еден ден би сакала вистински „мост“ пирсинг на мостот на носот. Нејзините родители засега не се за идејата. „Можеби ќе ризикувам кога ќе бидам постара“, рече Норт, додека Ким ја затресе главата во позадина. Како компромис, таа предложи: „Засега, можеме само да ги залепиме“.

Нејзиниот изглед веќе предизвикуваше контроверзии

Норт претходно беше критикувана поради начинот на кој експериментира со својот изглед. Следбениците реагираа на нејзините објави со лажни пирсинзи на образите и бутовите, како и со фотографија од неа со тетоважи на лицето.

Канје Вест, исто така, реагираше на нејзиниот изглед претходно, кој ја критикуваше својата поранешна сопруга за тоа што, според него, ѝ дозволува на нивната ќерка да се облекува и дотерува посоодветно за нејзината постара возраст.

Ким и Канје имаат четири деца - 13-годишната Норт, осумгодишниот Чикаго и синовите Сеинт (10) и Псалм (7). Поранешните сопружници го делат законското и физичкото старателство над децата.

Тагови: Канје Вест Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер