Мицотакис: Го почитуваме Договорот од Преспа, даваме поддршка за пристапување на Македонија во ЕУ

Договорот од Преспа е испочитуван, но се уште имаме проблеми со неговото имплементирање како трговските марки и сопствеништвото на брендот, даваме поддршка за евроатлантската иднина на земјата, изјави грчкиот премиер Мицотакис на дебата во Вашинтон.

– Им помагаме на грчките компании да ги заштитат трговските марки „македонски", и работиме систематски на тоа. Но, истовремено кажавме дека ќе го предводиме Западниот Балкан во ЕУ и сакаме грчкото влијание и интереси кај северниот сосед да бидат земени предвид, рече Мицотакис на дебата во Атлантскиот совет во Вашингтон.

Притоа, посочи тој, потребен е отворен пристапен процес со Унијата.

– Не треба да им ја затвориме вратата в лице, истакна тој, посочувајќи дека го поддржува пристапувањето и оти е разочаран од ветото на Франција за отварање на преговорите со Македонија.

За пристапувањето на Албанија во ЕУ пак, истакна дека постојат некои услови како признавањето на правата на грчкото малцинство во таа земја.

– Дали се тоа сопственички права, или учество во социјалниот и културниот живот на земјата, не прифаќаме незаштитени права на грчкото малцинство во Албанија, порача Мицотакис.

Додаде дека сепак, направен е прогрес во врска со реформите кои се прават во процесот на пристапување на нови земји во ЕУ.

-Се надевам дека во мај во Загреб, Франција, Данска и Холандија ќе ги преиспитаат нивните одлуки, рече грчкиот премиер.

Тој истакна дека Грција се наметнува како столб на стабилноста како во источниот Медитеран, така и на Балканот, и оти Вашингтон и Атина сега имаат заедничка агенда да работат кон зголемување на економската стабилност и безбедноста во југоистична Европа, преку економска интеграција на источниот Медитеран и поддршка за евроатлантската иднина на Западниот Балкан.

-Изградбата на гасоводот „ИстМед" не е против турските интереси. Со Анкара сакаме политика на заемно почитување, а не разговор од позиција на сила, истакна тој на прашање дали гасоводот, што е планиран да биде завршен до 2026 година, е против интересите на Турција.

Договорот за изградбата на гасоводот „ИстМед", премиерите на трите земји го потпишаа минатата недела во Атина. Гасоводот ќе се простира од Израел, преку Кипар до Грција и Европа, но против настапи Турција, бидејќи во регионот работи трансанадолискиот цавковод по кој Грција добива гас од Азербејџан.

-Десет години бевме префокусирани на нашите внатрешни проблеми. Време е да се вратиме во регионот со напредна агенда, најави Мицотакис.

Според новата стратегија за која синоќа се зборуваше и на средбата со американскиот претседател Доналд Трамп, САД во Грција гледаат и клучен сојузник во спроведување на американските интереси во регионот на источен Медитеран.

Двајцата лидери зборуваа и за американските инвестиции во Грција, можност за купување воена опрема од САД, а ги спомнаа и акциите на Турција, кои Мицотакис ги опиша како провокативни.

Трговска соработка меѓу двете држави се зголемува, се отвараат нови американски капацитети во земјата, се потврди на дебатата во Атлантски совет.

Мицотакис денеска продолжува со официјалната посета на Вашингтон и има средби во Сенатот и Претставничкиот дом, но и со американски бизнисмени. Вечерва пак ќе присуствува на прием организиран од потпретседателот на САД Мајк Пенс и државниот секретар Мајк Помпео. /МИА

Зеленски побара Конгресот на САД да ја деблокира помошта за Украина

Претседателот на Украина, Володимир Зеленски побара од претседателот на Претставничкиот дом на САД, Мајк Џонсон за „брзо усвојување“ на огромната „витална“ воена помош.

- Го информирав Џонсон за ситуацијата на бојното поле, посебно за драматичниот пораст на рускиот воздушен терор, истакна Зеленски по телефонскиот разговор со американскиот висок претставник

Зеленски истакна дека американската воена помош за Украина е од витално значење.

Американската помош од 60 милиони долари е блокирана во Конгресот од минатата година од страна на републиканците. Џонсон, кој одредува кои нацрт-закони ќе бидат ставени на гласање во Претставничкиот дом, неодамна изјави дека ги испитува начините како да и помогне на Украина, додека Сенатот веќе одобри помош од 60 милијарди долари.

На 22 март руската армија го изврши најголемиот воздушен напад врз украинската енергетска инфраструктура од почетокот на инвазијата врз Украина, што почна пред две години. Според Зеленски, Русија минатата недела истрелала вкупно 190 проектили, испратила 140 беспилотни летала и фрлила 700 наведувани воздушни бомби на територијата на Украина. /МИА

Грчкиот Парламент не го изгласа предлогот на опозицијата за недоверба на Владата

Како што соопшти претседателот на Парламентот Константинос Тасулас тридневната расправа траеше над 40 часа, а се обратија 163 говорници, меѓу кои пратеници, министри од Владата и сите лидери на партиите. 

Предлогот за недоверба на грчката Влада доставен од четири опозициски партии, како што и се очекуваше, не го доби потребното парламентарно мнозинство, не беше изгласан од Парламентот и не создаде проблеми за владиното мнозинство, јави дописничката на МИА од Атина.

Од 300 пратеници во Парламентот, за да помине предлогот, потребно беше да биде изгласан со најмалку 151 глас, а на синоќешното гласање, поддршка доби од 141 пратеник кои гласаа „за“, додека пак останатите 159 беа против, од кои еден независен пратеник и целата пратеничката група на владејачката Нова демократија.

Пратеничките групи на ПАСОК, СИРИЗА, Нова левица и на Курс на слобода во вторникот доставија заеднички предлог за гласање недоверба на Владата, по иницијативата на лидерот на ПАСОК Никос Андрулакис, поради новите информации за железничката несреќа во февруари минатата година кај Темпи, објавени од весникот „То вима“.

Како што соопшти претседателот на Парламентот Константинос Тасулас тридневната расправа траеше над 40 часа, а се обратија 163 говорници, меѓу кои пратеници, министри од Владата и сите лидери на партиите.

Текстот во весникот „То вима“ објавен во неделата за монтираните аудиозаписи за железничката несреќа кај Темпи на 28 февруари 2023 година во која загинаа 57 лица, кај опозициските партии во Грција предизвика низа реакции, кои кулминираа со доставување на предлогот за гласање недоверба на актуелната Влада.

Синоќа, додека сè уште беше во тек расправата во Парламентот државниот министер Ставрос Папаставру и заменик-министерот без ресор Јанис Братакос си поднесоа оставки, кои беа прифатени од грчкиот премиер Киријакос Мицотакис.

Владини извори за грчките медиуми коментирале дека „присуството на социјален собир испратило погрешна порака“.

Оставките на Папаставру и Братакос дојдоа откако дел од грчките медиуми објавија дека двајцата министри се сретнале со бизнисменот Вангелис Маринакис, кој меѓу другото е сопственик и на групацијата чиј дел е весникот „То вима“ што во неделата го објави текстот за монтираните аудиозаписи по железничката несреќа. /МИА

Најмалку 38 лица загинаа во израелските напади врз сирискиот град Алепо

Во синоќешните израелски напади врз северниот сириски град Алепо загинаа најмалку 38 лица, меѓу кои и борци од либанското шиитско движење Хезболах.

Претходно сириското Министерство за одбрана соопшти дека при израелските напади погодени се неколку области во и околу градот при што загинале одреден број цивили и војници.

По нападот на Хамас на 7 октомври, Израел ги засили нападите врз базите на проиранските групи на територијата на Сирија. Во некои операции мета беа и позициите на сириската воздушна одбрана и армијата.

Израел со години спроведува слични акции во Сирија, каде што влијанието на Техеран се зголеми откако Исламската Република почна да го поддржува претседателот Башар ал Асад во граѓанската војна што изби во 2011 година. Борците од групите сојузници на Иран, како што е Хезболах, сега се зацврстија на големи делови од источна, јужна и северозападна Сирија, како и во некои предградија на главниот град. /МИА

притисни ентер