Балкан

Мицотакис: Ако понекогаш она што го правиме предизвикува одредена непријатност кај Турција – C’est la vie (Таков е животот)

Тоа што имаме отворен канал на комуникација со Турција, не значи дека се согласуваме со Турција по сите прашања. Ако понекогаш, она што го правиме предизвикува одредена непријатност кај Турција – нека биде така. C’est la vie (Таков е животот),.

Тоа што имаме отворен канал на комуникација со Турција, не значи дека се согласуваме со Турција по сите прашања. Ако понекогаш, она што го правиме предизвикува одредена непријатност кај Турција – нека биде така. C’est la vie (Таков е животот), што би рекле Французите, посочи грчкиот премиер Кирјакос Мицотакис говорејќи за „Wall Street Journal“ на маргините на Генералното собрание на ОН.

За односите со Турција, Мицотакис нагласи дека со турскиот претседател се има сретнато седум пати од тогаш кога стана премиер и „не беа секогаш лесни средби“, но нагласи дека секогаш поддржува отворени канали за комуникација со соседната земја и „отворена дискусија за проблемите“.

Додаде дека ќе продолжат конструктивно да разговараат и ќе се обидат да најдат проекти од заеднички интерес.

Се осврна и на турските туристи, кои на островите во источниот дел на Егејското море добиваат експресна виза, објаснувајќи дека летово пристигнале над 100.000 Турци и „ова е, на пример за проект на ниво на граѓани, кој покажува дека кога станува збор за односите како народи, можеме да градиме врз овој однос“.

За истражувањата што во Егејското море ќе ги врши американската „Chevron“, истакна дека нема што да разговараат со Турција за конкретната тема, бидејќи ги остваруваат суверените права јужно од Крит.

На прашањето дали се сретнал со американскиот претседател Трамп рече дека имале разговор за време на приемот и објасни дека лично тој е „еден од лидерите кои соработуваа со претседателот Трамп за време на неговиот прв мандат“ и имале многу добра соработка.

- Имаме одлични односи со САД. Станува збор за стратешко партнерство, двопартиски однос. Што се однесува до билатералните односи, тие стануваат сè посилни. Некои од прашањата со кои се занимава претседателот Трамп, како што е енергијата, се важни и за нашата стратегија. Грција се развива во енергетски центар во Источниот Медитеран. „Chevron“ и „Exxon“ бараат природен гас јужно од Крит. Придаваме големо значење на обновливите извори на енергија, но ја разбираме и улогата на природниот гас како транзициско гориво. Соработуваме многу тесно со САД за овие прашања, особено за енергијата, објасни Мицотакис.

Говорејќи за грчката економија, нагласи дека „сите податоци потврдуваат“ дека економијата „се врати“, истакнувајќи дека „приказната што ја раскажува Грција е важна и за пошироката европска, па можеби дури и за светската јавност“, ако се земе предвид каде се наоѓаше.

-Пред десет години, приносот на грчката десетгодишна обврзница беше околу 9,5 отсто, додека француската десетгодишна обврзница беше на 1 процент. Денес, Грција се финансира по пониска каматна стапка отколку Франција и Италија — и малкумина ќе се обложеа на такво нешто, дури и пред две или три години. Значи, според мене, ова е извонредна приказна за пресврт. Тоа е приказна што во фокусот ја има макроекономската стабилност. Грција постигнува не само примарен, туку и фискален суфицит, порача Мицотакис. /МИА.

Тагови: Киријакос Мицотакис

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед.

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

''Megan Fox'': Por la caripa que le quedó despues de tantas operaciones https://t.co/TceVR3CSNe
— Es tendencia en 𝕏 (@EsTendenciaEnX) October 8, 2026

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.