Мицковски за „Политика“: Францускиот предлог не нуди почеток на македонската евроинтеграција

Францускиот предлог за решавање на билатералниот спор меѓу Бугарија и Македонија не нуди почеток на македонската евроинтеграција, туку, напротив, отвора бесконечни преговори или асимилација по бугарски диктат, вели лидерот на ВМРО-ДПМНЕ.

Францускиот предлог за решавање на билатералниот спор меѓу Бугарија и Македонија не нуди почеток на македонската евроинтеграција, туку, напротив, отвора бесконечни преговори или асимилација по бугарски диктат, вели лидерот на ВМРО-ДПМНЕ, Христијан Мицкоски.

– Во Бугарија ликуваат што овој предлог ги содржи сите нивни барања кои се крајно неповолни за Македонија и имаат тенденција да го негираат македонскиот идентитет, јазик и историја, тврди Христијан Мицкоски во интервју за белградска „Политика“.

Според него, како што јави дописникот на МИА од Белград, тука повторно имаме уцени, ултиматуми, диктат.

– Доколку на оваа содржина се додаде и едностраната декларација на Бугарија, која директно ја негира посебноста на македонскиот јазик и нотира дека тој е бугарски дијалект, очигледно е во каква позиција е Македонија, која нема никакви гаранции од Европската унија за европската перспектива, вели Мицкоски.

Како што тој го оцени францускиот предлог, „по сите голготи низ кои помина, македонскиот народ не може да биде согласен со овој предлог“.

– ВМРО-ДПМНЕ како одговорна партија и предлага на владејачката СДСМ да го отфрли францускиот предлог за евроинтеграции, а ние ќе се откажеме од барањето за предвремени избори, изјави Мицкоски.

Тој тврди дека протестите во земјава добиваат поддршка не само од ВМРО-ДПМНЕ, туку и од интелектуалци, експерти на евроинтеграциите и поддржувачи на владејачката партија, додавајќи дека земјава има свои цели и мора цврсто и одлучно да застане зад своите интереси.

– Ние сме кандидати за членство во ЕУ веќе 17 години и мораме да работиме за да достоинствено го добиеме тој датум за влез во ЕУ, рече тој.

Говорејќи за Отворен Балкан, Мицкоски вели дека ја поддржува таа иницијатива, но оти таа не смее да биде алтернатива на ЕУ.

– Реформите на балканските земји се поттебни и треба да продолжат без разлика дали се резултат на некоја регионална соработка или се спроведуваат од секоја земја посебно. Јас верувам во идејата за обединет Балкан во обединета Европа, додава Мицкоски во интервјуто за „Политика“. /МИА

„Гответе со Дракче“ - Палачинки

Во понеделник (17.06.2024) во емисијата гостин ни беше Милена Антовска Станковска.

Состојки за денешниот рецепт:

1 филџан брашно

1 лажица шеќер

2 лажички пециво

малку сол

1 филџан млеко

1 јајце

малку растопен путер

Погледнете како се подготвува овој рецепт:

Мбапе се пошегува по повредата на носот

 Францускиот фудбалер Килијан Мбапе се огласи по повредата добиена синоќа на натпреварот против Австрија на Евро 2024 (1:0).

- Идеи за маска? – напиша Мбапе на социјалната мрежа Икс.

Дваесет и петгодишниот Французин се судри со австрискиот дефанзивец Кевин Дансо во 86. минута од натпреварот, по што заврши на тревникот.

Првично се претпоставуваше дека ќе му треба операција, но по прегледот во болницата во Дизелдорф беше одлучено повредата да се санира без оперативен зафат.

Во вториот натпревар на ЕП 2024 Франција ќе игра против Холандија на 21 јуни, истиот ден Австрија ќе се сретне со Полска. /МИА

Изгореа складишта за нафта во Ростовската област по напад со дронови

Складишта за нафта горат по напад со дронови рано утринава во градот Азов, што се наоѓа во руската Рорстовска област, соопштија руските власти.

-Според прелиминарните податоци, нема жртви, напиша гувернерот на Ростовската област, што граничи со Украина, Василиј Голубев на Телеграм.

Руското Министерство за вонредни ситуации објави на Телеграм дека десетици пожарникари се вклучени во гаснење на пожарот.

Засега западни медиуми не можат да ја потврдат информацијата и дека од Украина нема информации. Киев често вели дека ударните локации на руската енергетска, воена и транспортна инфраструктура негативно влијаат на воените способности на Москва.

Градот Азов се наоѓа на реката Дон, на околу 16 километри од Азовското Море./МИА

притисни ентер