Мицкоски: Започна изградбата на спортската сала во ОУ „Гоце Делчев“ во Долно Лисиче - Канал 5

Македонија

Мицкоски: Започна изградбата на спортската сала во ОУ „Гоце Делчев“ во Долно Лисиче

Јас сум денеска среќен затоа што еве поставивме еден камен темелник на еден објект којшто за 10 месеци од денеска ќе биде место каде што повеќе од 200 дечиња ќе спортуваат, ќе се дружат, ќе го градат својот дух, вели Мицкоски.

Мицкоски: Започна изградбата на спортската сала во ОУ „Гоце Делчев“ во Долно Лисиче

„Добар ден и од мене,

Убав ден за Општина Аеродром, за Лисиче затоа што конечно ова училиште добива спортски објект во којшто ќе можат повеќе од 200 дечиња да спортуваат и тоа е она коешто е важно затоа што кога се гради, кога се создава и кога се прави додадена вредност, тогаш треба сите да се радуваме.

Јас сум денеска среќен затоа што еве поставивме еден камен темелник на еден објект којшто за 10 месеци од денеска ќе биде место каде што повеќе од 200 дечиња ќе спортуваат, ќе се дружат, ќе го градат својот дух и јас сум сигурен колку повеќе вакви објекти, колку повеќе корисници на ваквите објекти толку поздрав дух и толку понапредно општество ќе имаме, општество коешто ќе биде дом за сите.

Така што уште еднашка сакам да му честитам на градоначалникот за напорот, за трудот за сето она што го прави за Општина Аеродром. Да се заблагодарам на советниците коишто ја поддржуваат работата, администрацијата, да се заблагодарам на колегите од Владата, на министерката, на сите останати што ете секој ден, буквално секој ден во неделата работат неуморно за да може да испорачаме проект повеќе којшто ќе значи додадена вредност во квалитетот на животот на граѓаните, а на Лисичани им честитам, им посакувам уште многу вакви проекти.

Знаете дека привршува евалуацијата на оние проекти коишто пристигнаа од вториот повик преку Министерството за локална самоуправа, Општина Аеродром еден од проектите којшто овој дел од Општина Аеродром ќе го добие, целосна реконструкција на водоводната мрежа го најави тоа и градоначалникот така што продолжуваме и понатаму да градиме. Тоа е она за коешто граѓаните ни дадоа доверба.“-изјави премиерот Христијан Мицкоски.

YouTube video

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Европа на нозе: Се бара кралот на кокаинот, понудена е огромна награда

Обвинителството на Холандија понуди награда од два милиони евра за информација која би довела до апсење на осудениот шверцер на кокаин Јос Лејдекерс.

Европа на нозе: Се бара кралот на кокаинот, понудена е огромна награда

Властите соопштија дека наградата е објавена во обид да се фати еден од најбараните бегалци во Европа, кој со години успева да ја избегне правдата, пренесе Кликс.

Тоа е најголемата награда досега понудена од холандските власти.

Парите може да ги добие секој кој ќе даде клучни информации кои би довеле до негово апсење, се наведува во соопштението на обвинителството.

Лејдекерс е холандски државјанин, но во последните неколку години живее во Сиера Леоне, соопшти холандското обвинителство.

Холандија побарала негова екстрадиција од оваа африканска земја, но властите на Сиера Леоне одбиле да соработуваат и да го предадат, поради што Европската унија одлучила да ја намали помошта за таа земја, пишува The Independent.

Лејдекерс, познат и како Боле Џос, се смета за една од клучните фигури во меѓународната трговија со дрога. Тој со години е на листите на најбарани бегалци од Европол и холандските власти.

Судот во Ротердам го осуди во отсуство на 24 години затвор во јуни 2024 година за увоз на околу 7.000 килограми кокаин преку пристаништата во Ротердам и Антверпен, како и за нарачување на убиство.

Во мај 2026 година, тој беше осуден на осум години затвор за случај поврзан со 11 тони кокаин од Сиера Леоне, чија вредност беше проценета на 550 милиони евра.

Во јули 2026 година тој беше осуден на 14 години затвор како дел од големиот случај „Коста“, во кој обвинетите се обвинети за увоз на најмалку 25 тони кокаин.

Тагови: кокаин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Роџер Федерер се враќа на терен- прв противник му е еден од најголемите светски таленти

Роџер Федерер се пензионираше во 2022 година и оттогаш речиси и не играл, но сега реши да направи голем чекор напред.

Роџер Федерер се враќа на терен- прв противник му е еден од најголемите светски таленти

Швајцарскиот тенисер, еден од најдобрите на сите времиња, следниот месец ќе игра во Бразил против локалната надеж Жоао Фонсека. Тоа ќе биде првиот натпревар на Федерер против активен тенисер, играч кој моментално е во пад, а оваа година на Ролан Гарос беше фатален за Новак Ѓоковиќ.

Федерер беше гостин на Отвореното првенство на Австралија и Отвореното првенство на САД оваа година, делејќи ги терените со Агаси и Мекенро, како и други големи тениски легенди.

Федерер неодамна настапи во конкуренција на двојки, играјќи против Марат и Динара Сафин, како и против На Ли.

- Здраво, Роџер! Дали е тоа вистина? Дали доаѓаш во Бразил? - праша Фонсека на социјалните мрежи, по што следеше одговорот на Роџер:

- Здраво Жоао! Точно така, тајната е откриена. Да, конечно доаѓам во Бразил по толку години. Ќе се сретнеме во Сао Паоло во декември. Се гледаме на теренот, пријателе мој - рече Федерер.

Тагови: Роџер Федерер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Диди излегува од затвор порано отколку што беше планирано

Американскиот рапер Шон „Диди“ Комбс треба да биде ослободен од затвор порано од првично планираното. 

Диди излегува од затвор порано отколку што беше планирано

Неговиот датум на ослободување се менуваше неколку пати во последните месеци, а сега е повторно одложен, објавува TMZ.

Според најновите податоци од Федералното биро за затвори на САД, Комбс треба да биде ослободен на 6 февруари 2028 година. Дури минатиот месец, 2 март 2028 година беше споменат како датум на неговото ослободување, а претходно беа споменати и 21 јануари и 5 и 20 февруари истата година.

Имал проблеми во затворот

Промената на датумот доаѓа по низа проблеми што Комбс ги имал додека ја издржувал казната во Федералниот затвор Форт Дикс во Њу Џерси. Поради инцидентите, според TMZ, тој неодамна бил префрлен во затворот Аленвуд во Пенсилванија.

За време на престојот во Форт Дикс, тој наводно завршил во самица поради кршење на затворските правила. Исто така, имаше тврдења дека учествувал во тепачки и користел шверцувани мобилни телефони.

NBC News претходно објави и за наводниот преференцијален третман што Комбс го добил зад решетки. Според овие тврдења, тој им плаќал на други затвореници да го масираат, да му готват и да извршуваат секојдневни домашни работи.

Тој беше осуден на 50 месеци затвор

Да потсетиме дека во 2025 година, Диди беше прогласен за виновен по две точки од обвинението за транспорт на лица преку границите на американските држави со цел проституција, што го прекрши таканаречениот Манов закон.

Сепак, поротата го ослободи од посериозните обвиненија за рекетирање и трговија со луѓе за сексуална експлоатација.

За кривичните дела за кои беше прогласен за виновен, тој беше осуден на 50 месеци, или четири години и два месеци затвор.

Тагови: Пи Диди

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер