Македонија

Мицкоски: За дел од трговците има постапки пред институциите, девијантното однесување ќе се сведе на минимум

Премиерот Христија Мицкоски соопшти дека веќе има постапки за дел од трговците поради состојбата со цените на храната и оти е убеден дека, како што изјави денеска, девијантното однесување кај ланците маркети ќе се сведе на минимум.

На новинарско прашање за индексите на цените во земјоделството во август годинава Мицкоски наведе дека трошоците за импут во создавањето на земјоделскиот производ се зголемени за над два проценти, а за аутпутот, цената со која го продаваат земјоделците производот, за над 12-13 проценти.

- Тој производ тие го продаваат или на маркетите или директно на трговците. Порано состојбата во делот на аутпутот била негативна затоа што одредени политички елити во соработка со одредени трговци свесно ја држеле ниска цената при аутпутот односно онаа цена по која земјоделците ги продаваат своите производи и честопати работеле по принципот пола со пола. Ова не е нешто ново, тоа го кажуваат дел од самите трговци кои соработувале со такви луѓе кои во тоа време биле на водечки позиции во државата и во Министерството за земјоделство. Прашувате дали тие производите кога ќе дојдат на полиците во маркетите ќе имаат повисока цена. Да, претпоставувам дека тоа ќе биде така, но она што не охрабрува е што на месечна основа, во август споредено со јули, имаме конечно намалување, односно после неколку години храната е во минус, за 0,7 проценти, рече Мицкоски при денешната посета на Куманово.

Очекувам, дополни, тој тренд да продолжи во периодот што следи.

- Преку Државниот пазарен инспекторат и Комисијата за заштита на конкуренцијата секојдневно вршиме инспекциски надзор, ги следиме движењата и убеден сум дека таков тип на девијатно однесување кај ланците маркети во периодот што следи ќе биде сведено на минимум, посочи Мицкоски.

Коментирајќи ги укажувањата на земјоделците дека прекупците и трговците имаат голема заработка и оти крајната цена за граѓаните е многу висока, Мицкоски рече дека цените со кои земјоделците ги продаваат своите производи се историски највисоки, но оти трговците ставаат нелогична маржа.

- Не малку, малку повеќе дел од трговците ставаат маржа која е нелогична. Цените со кои земјоделците ги продаваат своите производи се историски највисоки. Сега е пиперката ајварка, но исто така ако се вратиме наназад и доматите, краставицата, зелката, кромидот, тукунот и сите останати производи, сега грозјето, ќе видите дека цените се сега историски највискоки, а тоа го говори и речиси удвоениот извоз на храна споредено со минатата година, посебно на земјоделските производи. Го следиме однесувањето на трговците и веќе колку што сум информиран за дел од нив има одредени постапки и процедури пред институциите. Веќе се процесуирани, само треба да влезат во финална завршница, изјави Мицкоски.

Тој ги коментираше и последните податоците за состојбата во индустријата, истакнувајќи дека трговијата во индустријата во делот на размена со странство е дури повеќе зголемена отколку трговијата во индустријата дома.

- ДЗС објави вчера дека тргиовијата во индустријата е зголемена за 13-14 проценти во јули споредено со истиот месец лани и тоа е тренд којшто не следи цела година, но, она што за мене е забележливо е што цела година таа трговија во индустријата во делот на размена со странство е дури и повеќе зголемена отколку трговијата во индустријата дома. Зборувам за повеќе од 15 проценти и тоа е единствен резултат во Европа каде што имаме толку силна зголемена трговија во индустријата, рече Мицкоски.

Тоа, дополни, е добар показател бидејќи јули е првиот месец од третиот квартал. Во првиот квартал имавме 3,2 проценти раст на БДП, во вториот квартал 3,4 процернти, иако номиналниот е 7,8 проценти. Очекувам во третиот и четвртиот квартал тој раст да продолжи до крајот на годината. Ова се индикатори што ние со години наназад не сме биле ни блиску да ги постигнеме, а камоли да ги коментираме, изјави премиерот Христијан Мицкоски.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Заменик-министерот за здравство се сретна со претставници на ХЕМА-ОНКО

Заменик-министерот за здравство, Јовица Андовски, одржа работна средба со претставници на Здружението ХЕМА-ОНКО – здружение посветено на пациентите со рак и нивните негуватели, како и со претставнички на групата Пеперутки.

Заменик-министерот за здравство, Јовица Андовски, одржа работна средба со претставници на Здружението ХЕМА-ОНКО – здружение посветено на пациентите со рак и нивните негуватели, како и со претставнички на групата Пеперутки, на која се разговараше за актуелните потреби на пациентите и за унапредување на здравствената заштита.

Во фокусот на средбата беше новиот Закон за лекови, при што претставниците на здружението ги изложија своите препораки и предлози. Заменик-министерот истакна дека пациентските организации треба да бидат активно вклучени во креирањето на политиките и законските решенија што непосредно ги засегаат пациентите.

Соговорниците дискутираа и за можностите за продлабочување на соработката со Канцеларијата на Светската здравствена организација, со цел примена на меѓународните искуства и добри практики, подобрување на планирањето и градење поефикасен и поодржлив здравствен систем.

На средбата беше разгледана и состојбата со онколошката терапија, како и мерките што се преземаат за надминување на долгогодишните предизвици со кои се соочуваат пациентите. Беше посочено дека е обезбедено рекордно зголемување на буџетот за онкологија и дека се работи на подобрување на достапноста и континуитетот на терапијата.

За лековите кај кои беа регистрирани доцнења веќе се преземени конкретни мерки. Дел од испораките се реализирани, за дел се склучени нови договори, а за останатите се обезбедуваат привремени решенија до целосно нормализирање на состојбата.

Дополнително, се разговараше за навремената дијагностика, подобрата информираност на пациентите, поедноставувањето на административните постапки и за другите предизвици во остварувањето на правата од здравствена заштита.

Заменик-министерот нагласи дека Министерството за здравство останува отворено за редовна, суштинска и транспарентна соработка со ХЕМА-ОНКО, групата Пеперутки и со сите пациентски организации.

„Пациентите и нивните претставници се наши партнери во создавањето подобар здравствен систем. Преку отворен дијалог и заедничка работа ќе продолжиме да создаваме системски, одржливи решенија, во кои пациентот ќе биде во центарот на секоја одлука“, истакна заменик-министерот Андовски.

Македонија

Манасиевски: Талогот од СДС и предавникот Филипче не само што не го решавале проблемот со водата во Гостивар, туку никогаш не побарале ниту понеле одговорност

Талогот од СДС и предавникот Филипче не само што не го решавале проблемот со водата во Гостивар, туку никогаш не побарале ниту понеле одговорност.

Документите кои ги споделувавме во јавноста од испитувањата, покажуваат дека во времето на СДС и Венко Филипче, биле евидентирани случаи на небезбедна вода за пиење во различни населени места низ државата, како и во Гостивар.

Но, денес се поставува едно уште поважно прашање, а тоа е дали некој од тогашната власт побара одговорност? Дали некој директор бил разрешен? Дали некој градоначалник бил повикан на одговорност? Одговорот е не.

Додека СДС беше на власт, проблемите се оставаа да се таложат, а граѓаните никогаш не добија отчет што било преземено по сите тие наоди и анализи.

Денес, истите тие луѓе се обидуваат да држат лекции за одговорност.

Талогот од СДС и предавникот Венко Филипче треба да им одговорат на граѓаните, зошто со години немало институционална одговорност за случаите на небезбедна вода и што конкретно презеле за тие проблеми да бидат отстранети.

Граѓаните заслужуваат одговори, а не политичка селективност.

Валентин Манасиевски, портпарол на ВМРО-ДПМНЕ

Центар за комуникации на ВМРО-ДПМНЕ

Македонија

СДСМ: Катастрофата во Гостивар продолжува –во водата има бактерии

Катастрофата во Гостивар продолжува –во водата има бактерии, а резултатите дури на 20 август.

Катастрофата во Гостивар продолжува. Илјадници граѓани се отруени, над 4.000 луѓе се соочија со последиците од загадената вода.

Тотален колапс на здравствените институции, на Мицкоски и Клековски.

Министерот за здравство Сашо Клековски вчера соопшти дека официјалната анализа на водата за пиење во Гостивар ќе биде објавена дури на 20 август.

Во водата има опасни бактерии, а граѓаните на Гостивар сега треба да чекаат уште две недели за официјалните резултати.

Тогаш врз основа на кои резултати ја прогласија водата дека е „технички исправна“ и може да се користи?

Единствениот одговор е дека водата беше прогласена за исправна само затоа што така кажа Христијан Мицкоски.

Како што рековме документ нема. Никој не сакаше да потпише и да сноси кривична одговорност.

Сега знаеме кој треба да ја понесе, Мицкоски, Клекоски, Тошковски.

Во меѓувреме, министерот за внатрешни работи Панче Тошковски зборуваше за хиперхлорирање и им порача на граѓаните само да ја пуштат водата да истече од чешмите.

Директорот на Дирекцијата за заштита и спасување Стојанче Ангелов јавно потврди дека во водата има опасна бактерија.

Сега истата власт бара граѓаните да чекаат до 20 август за официјалните анализи.

Ова е неодговорно и недозволиво.

Власта си игра со здравјето и животите на луѓето.

Скандалот е уште поголем затоа што загадената вода стигна и до болницата во Гостивар.

Ова е целосен распад на системот.

И додека граѓаните се трујат, тендер-патриотите прават бизнис.

Владата преку СОЗР склучила бизнис-зделка од околу 100.000 евра за набавка на вода во Гостивар, со директно договарање, без јавен оглас.

Додека народот се бори за здравје, некој профитира на неговата мака.

За Гостивар мора да има одговорност, обвинителот да не чека насоки туку да постапува.

Клековски, Тошковски и целата екипа мора одговараат.

Ова повеќе не е неспособност туку свесно труење на народот.

Одговорност мора да има!

Прес конференција на СДСМ, Маја Борозан

Скопје, 06.08.2026

СДСМ