Македонија

Мицкоски: ВМРО-ДПМНЕ, демократијата и независна Македонија се сопатници низ времето

Претседателот на ВМРО-ДПМНЕ и премиер, Христијан Мицкоски , се обрати на панел- дискусијата на Унијата на жени на ВМРО-ДПМНЕ.

На денешната панел-дискусија „Повеќе учество - Повеќе демократија“, во организација на Унија на жени на ВМРО-ДПМНЕ се обрати претседателот на ВМРО-ДПМНЕ и премиер, Христијан Мицкоски кој на самиот почеток истакна дека демократијата и независноста на Македонија се вредности со кои ВМРО-ДПМНЕ се поврзува уште од периодот пред осамостојувањето на државата, кога партијата се залагала за демократска и суверена Македонија.

„Демократијата, ВМРО-ДПМНЕ, независна Македонија како да се сопатници низ времето бидејќи ВМРО-ДПМНЕ како политичка партија во времето кога сеуште бевме дел од поранешната југословенска федерација, беше единствената којашто зборуваше за независна, демократска, суверена држава, сите овие поединечни атрибути еден со друг се надополнуваат низ времето“, рече Мицкоски.

Претседателот Мицкоски истакна дека 35 години независност се доволен период за да се направи ретроспектива на сето она што Македонија го поминала во изминатите децении, според него државата минувала низ различни периоди, со подеми и падови, но токму искуствата од тие моменти придонеле за нејзиниот развој и созревање и посочи дека демократијата е важен дел од македонското општество, но и процес кој не завршува, туку треба континуирано да се унапредува и да станува позрел со секоја нова генерација.

„Можам да кажам дека демократијата е навистина на едно високо ниво не само во рамките на нашата политичка партија туку и во рамките на државата, 35 години значи доволно за да можеме да направиме ретроспектива низ се што поминавме изминативе 35 години, колку имавме подеми, падови, учевме, растевме од падовите се обидувавме да станеме што е можно побргу и создадовме една прекрасна приказна наречена Македонија којашто сите ние си ја сакаме, се разбира демократијата како дел од нашата Македонија е процес којшто допрва ќе продолжиме да го усовршуваме, како ќе одминуваат годините ќе може на одредено време да се навраќаме назад и да видиме која генерација како и што направила за демократијата да биде позрела“, рече Мицкоски.

На крај претседателот Мицкоски истакна дека демократскиот капацитет мора постојано да се надградува преку отворен дијалог, како со граѓаните, така и во рамките на самата партија, тој нагласи дека единството на ВМРО-ДПМНЕ се гради преку демократски процеси и усогласување на ставовите, при што посебно ја истакна улогата на Унијата на жени во креирањето на партиските политики.

„Многу е важно овој демократски капацитет континуирано да го надградуваме и преку дијалог да ги решаваме работите, со граѓаните, но и во рамки на партијата. ВМРО-ДПМНЕ е политичка партија којашто секогаш е препознатлива со своето единство, а тоа подразбира дека ставот се гради во рамките на демократските процеси на самата партија. Унијата на жени е дел од овој процес при градење на тие ставови. Во овие не цели 9 години како претседател на ВМРО-ДПМНЕ улогата на Унијата на жени се обидував да ја препознаам и ја вреднував во онаа мерка во којашто како политичка партија заслужува да се вреднува, сите наши сопартијќи, членки на Унијата на жени, мајки, сестри, коишто учествуват во овие демократски процеси ја имаат мојата поддршка, тие ја заслужиле, заедно сите да продолжиме да го градиме демократскиот капацитет и на партијата и на Македонија“, дециден е Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 21 жртва во страшна сообраќајна несреќа во Јужна Африка

Два минибус-такси се судрија челно, а потоа беа удрени од трето возило на голем автопат во Јужна Африка, при што загинаа најмалку 21 лице, а уште четири лица беа сериозно повредени, соопштија денеска властите.

Несреќата се случи во недела навечер во покраината Западен Кејп помеѓу малите градови Принц Алберт и Лиу-Гамка, околу 380 километри источно од Кејптаун, соопшти Корпорацијата за управување со патниот сообраќај, пренесува АП.

Агенцијата додаде дека бројот на жртви „може да се промени бидејќи службите за итни случаи и властите на Западен Кејп продолжуваат да го истражуваат местото на настанот“.

Минибусите-такси се главна форма на јавен превоз за милиони луѓе во Јужна Африка и често се вклучени во фатални сообраќајни несреќи. Најмалку 25 лица, меѓу кои 14 деца, загинаа во две одделни несреќи во јануари во кои учествуваа минибуси-такси.

Три жртви од несреќата во недела навечер беа итно префрлени во болница, но беа прогласени за мртви по пристигнувањето, соопшти полицијата.

Властите веруваат дека несреќата започнала кога две минибуси-такси се судриле челно, пред да бидат удрени од теренско возило, соопшти Секретаријатот за мобилност на покраината Западен Кејп.

Автопатот N1 беше затворен на местото на настанот додека Корпорацијата за управување со патниот сообраќај започна истрага.

Тагови: Јужна Африка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Хималаите блиску до критична точка поради топење на глечерите- загрозени се милиони луѓе

Хималаите се приближуваат кон пресвртна точка, бидејќи глечерите се топат побрзо отколку пред една деценија, загрозувајќи ја безбедноста и егзистенцијата на милиони луѓе, според студијата на консултантската куќа за одржливост Системика.

Наодите доаѓаат откако хималајскиот глечер се сруши кон крајот на август по должината на границата меѓу Непал и Тибет, предизвикувајќи лизгање на земјиштето и ненадејни поплави во долините подолу. Потврдено е дека најмалку 1.300 луѓе загинале, а повеќе од 5.300 се водат како исчезнати.

Студијата покажа дека како што глечерите се повлекуваат, тие оставаат зад себе нестабилни леднички езера кои содржат претежно лабави карпи и мраз, над долините каде што живеат милиони луѓе, објави денес Ројтерс.

Губењето на масата на хималајските глечери се забрза во последните децении, при што моментално се следат само 21 глечер на терен од околу 40.000 во регионот Хиндукуш-Хималаја, огромен планински систем што се протега низ осум земји од Авганистан до Мјанмар.

Во Индија се идентификувани речиси 200 леднички езера со висок ризик, од кои 56 се класифицирани како „многу висок ризик“, што ги става во опасност милиони луѓе низводно.

Како што регионот се приближува до „врвот на водата“, точката кога речните текови престануваат да растат и почнуваат да се намалуваат, тоа ќе има сериозни последици за безбедноста на водата, заклучува студијата.

Тагови: Хималаите глечерите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Богева Мицовска: Политичкото учество е мостот помеѓу она што го знаеме и она што можеме да го промениме

На денешната панел дискусија насловена „Учеството како двигател на демократијата“,учествуваше Маре Богева Мицовска, член на Извршниот комитет на Унија на жени на ВМРО-ДПМНЕ и директор на Бирото за јавни набавки.

На денешната панел дискусија насловена „Учеството како двигател на демократијата“, во рамките на првата политичка платформа по повод 15 септември – Меѓународниот ден на демократијата во организација на Унијата на жени на ВМРО-ДПМНЕ, учествуваше Маре Богева Мицовска, член на Извршниот комитет на Унија на жени на ВМРО-ДПМНЕ и директор на Бирото за јавни набавки.

Таа посочи дека тоа што функцијата го носи кога се управува со одредена институција е преземањето одговорност и самата одговорност, по себе, носи голем товар, каде без поддршка на најблиски нема да може да се износи.

Богева Мицовска потенцираше дека политичкото вклучување дава друга димензија, каде што идејата може да прерасне во иницијатива од која потоа може да има конкретен резултат.

„Кога политички ќе се вклучиме, веќе даваме друга димензија, веќе нашата идеја, нашата заложба може да прерасне во иницијатива, а иницијативата да има и резултат. Поттикната од тоа сакам да ги поканам и да ги повикам сите присутни, но и што не поддржуваат да бидат проактивни во начинот на којшто сакаат да ги прикажат своите визии, своите идеи имајќи предвид дека ние сме Унија во којашто може да се вклучите и да партиципирате за да ги носиме одлуките заеднички. Бидејќи, токму и демократијата подразбира носење на одлуки, не во затворен круг, туку напротив со една повеќе“, истакна Богева Мицовска.

За мене, додаде Богева Мицовска, политичкото присуство не значи само присуство на состаноци или да ја имаме функцијата како таква, туку тоа значи да преземеме одговорност и да не бидеме неми набљудувачи на проблемите и предизвиците.

„Да бидеме проактивни чинители, да даваме решенија и да ги решаваме проблемите. Токму тука ја гледам и улогата на ВМРО-ДПМНЕ како политичка сила која остава и отвора простор за луѓе што имаат знаење, искуство и желба да работат за Македонија. Простор во кој професионалното искуство може да се претвори во политичка иницијатива, а политичката иницијатива во конкретен резултат. Политичкото учество е мостот помеѓу она што го знаеме и она што можеме да го промениме преку директно политичко учество“, посочи, меѓу другото, Богева Мицовска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.