Ваквата информација ја сподели премиерот Христијан Мицкоски, кој најави дека претставниците на овие маркети ќе бидат повикани на разговор во Владата, оценувајки дека ваквото зголемување е недозоливо. Паралелно, посочи дека поради обемноста на материјалите се уште траат анализите на околу 700 основни прехрамбени производи, кои дополнително ќе покажат колку нивото на цените пораснало споредбено со минатата година и што доведува до нивно зголемување..

-Да бидам конкретен со пример ако минатата година во јуни месец бруто-маржата била 10%, сега е 12 или 15. Тоа се тие дополнителни 2 до 5% и тоа ние нема да го толерираме и многу јасна порака ќе испратиме кон тие. Кога би се намалиле тие 2 до 5% тогаш ние практично би биле земја со најниска инфлација во Европа во овој момент.. И исто така ја дефинираме онаа група од 600,700 производи каде што правиме анализа. Таму ќе ни треба повеќе време бидејки се влезни, излезни фактури, маржа која ја имаат дистрибутерите и производителите, виз а ви маржа бруто која ја имаат ланците маркети. Малку е посложена анализата, лично ја работам така што можеби ќе ни треба малку повеќе време,- Христијан Мицкоски – претседател на Влада .

Во меѓувреме граѓаните кои ги анкетиравме велат дека цените низ маркетите постојано се менуваат..Додека кај дел од основните прехрамбени производи има одредени намалувања, дел како што посочуваат, остануваат прескапи за нивниот стандард. Граѓаните сметаат дека Владата треба да преземе конкретни мерки за заштита на животниот стандард, особено за најранливите категории граѓани.

Инаку, премиерот Мицкоски кажа и дека очекува следната недела да бидат објавени параметрите за инфлацијата во месец јуни, која очекува да биде пониска отколку во април и мај. Во април, инфлацијата изнесуваше 5,7%, додека во мај се намали на 4,8%.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.