Мицкоски со порака до јавните и државни службеници: Верувам во вашиот труд и енергија и способност - Канал 5

Македонија

Мицкоски со порака до јавните и државни службеници: Верувам во вашиот труд и енергија и способност

Верувам во вашиот труд и енергија и способност, но очекувам резултати и посветеност.

Мицкоски со порака до јавните и државни службеници: Верувам во вашиот труд и енергија и способност

„Без силна, стручна, одговорна и почитувана јавна администрација, нема ниту држава, ниту реформи, ниту вистинска демократија. Честит празник за вашиот труд, за вашата посветеност, за вашата отпорност, понекогаш и во тешки и обесхрабрувачки услови“, вели претседателот на Владата на Република Македонија Христијан Мицкоски на денешниот настан по повод Меѓународниот ден на јавната администрација.

Мицкоски истакна дека денешниот ден не само формалност, туку повик за реформи, и конечно надминување на болестите кои предолго ја разјадува јавната администрација.

„Но денешниот ден не е само формалност. Тој е и повик. Повик за пресврт. Повик за реформа. Повик за конечно надминување на болестите кои предолго ја разјадува јавната администрација и за кои мораме да бидеме свесни: партизација, непотизам, неефикасност, клиентелизам“, рече Мицкоски и додаде:

„Дојде време за промена. Вистинска промена. Ги градиме темелите на промените. За твоето време кое доаѓа. За време во кое знаењето и трудот ќе бидат поважни од партиската книшка. За време во кое институцијата ќе служи на граѓанинот, а не граѓанинот на институцијата. За време во кое професионалноста ќе биде стандард, а не исклучок. За време во кое службеникот ќе биде горд што е дел од јавната администрација, а граѓанинот ќе знае дека ќе биде услужен со почит, ефикасно и дигитално.“

Премиерот Мицкоски нагласи дека изминатата една година започна акцијата „Сите заедно за професионална и квалитетна јавна администрација“ која претставува основа за транспарентност и многу други проекти.

„Во овие 12 месеци, не ветувавме – туку работевме. Ја започнавме акцијата „Сите заедно за професионална и квалитетна јавна администрација“, како основа за транспарентен и одржлив процес на консултации при изработка на законите. Го формиравме новото срце на реформата – Академијата за стручно усовршување на јавните службеници, со мандат да овозможи стандардизирана и континуирана едукација на национално и локално ниво. Реализирани се над 100 обуки, а преку новата е-платформа LMS, над 100.000 службеници имаат пристап до курсеви, тестирања и евалуации. Се дигитализираше и надгради Системот за управување со човечки ресурси – ИСУЧР, со што за прв пат институциите имаат реална, точна и целосна слика за кадарот, учинокот и потребите. Се усвои стратегијата за реформа на јавната администрација, усогласена со методологијата на ЕУ и стандардите на СИГМА – стратегија што не стои во фиока, туку се применува секојдневно. Правевме корекција на балансерот – од политичка алатка, го трансформиравме во инструмент на праведност. Праведност наместо политичка математика. Се унапредија порталите ЕНЕР и OGP – овозможувајќи на граѓаните директно учество во креирање и следење на политиките. Родовата еднаквост и социјалната инклузија се интегрирани како норма во сите политики – не како привремена агенда, туку како вредност на оваа Влада“, дециден е Мицкоски.

Премиерот Мицкоски порача дека јавната администрација ќе ја направат место за шанса а не за порази, посочувајќи дека ќе се врати достоинството на јавниот службеник, но и ќе се воведат повисоки критериуми за отчетност.

„Ќе ја направиме јавната администрација место на шанса, не на пораз. Ќе го вратиме достоинството на јавниот службеник – но и ќе воведеме повисоки критериуми на отчетност. Ги градиме темелите на промените. Темели на знаење, работа и вредности. За твоето време кое доаѓа. Време кога ќе бидеш вреднуван по тоа што знаеш, а не кого познаваш. Време кога администрацијата ќе значи сервис – не ќорсокак. Време кога државата ќе работи за народот – не обратно“, посочи премиерот.

Премиерот Мицкоски им порача јавните и државни службеници дека верува во нив и нивната енергија, посветеност и способност, но дека очекува резултати.

„Јас верувам во вас. Верувам во вашата енергија, вашата посветеност и вашата способност. Ние ве поддржуваме – но и очекуваме резултати. Очекуваме партнерство. Очекуваме искрен труд. Денес, ја почитуваме вашата улога, но од утре – заедно продолжуваме по нов пат. Пат на модерна, дигитална, инклузивна и ефикасна администрација. Честит ден на јавните службеници! Честит нов почеток за македонска јавна администрација“, вели премиерот Мицкоски.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп за масовните насилни протести во Франција: Исламот сака да ја преземе државата (ВИДЕО)

Американскиот претседател Доналд Трамп ги најави големите протести во Франција и тврдеше дека нивната причина не се проблемите во училиштата, туку масовната миграција и исламот.

Трамп за масовните насилни протести во Франција: Исламот сака да ја преземе државата (ВИДЕО)

„Она што се случува во Франција не е ништо повеќе од неконтролирана масовна миграција. Не станува збор за училишта, туку за исламот што сака да ја преземе некогаш големата земја“, напиша Трамп на Truth Social.

Ве потсетуваме дека протестите започнаа како студентско движење поради состојбата во средните училишта, недостатокот на персонал, условите за работа и другите проблеми во образовниот систем, а потоа се проширија на други групи.

Ученици, наставници, родители и синдикати учествуваат во протестите, додека дел од собирот беше обележан со судири со полицијата, палежи и немири.

Француското Министерство за внатрешни работи објави дека денес низ целата земја протестирале 256.000 луѓе, вклучувајќи 56.000 во Париз. Синдикатите тврдат дека имало 450.000 од нив, од кои 100.000 биле во главниот град.

Тагови: протести Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Сталоне откри како се степал со Ричард Гир за време на снимање (ВИДЕО)

Силвестер Сталоне во своите нови мемоари опиша физичка конфронтација со Ричард Гир што се случила на снимањето на филмот во 1974 година. 

Сталоне откри како се степал со Ричард Гир за време на снимање (ВИДЕО)

Во книгата „Скалите“, објавена кон крајот на септември, 80-годишниот Сталоне пишува за тензиите за време на снимањето на „Господарите од Флатбуш“ што кулминирале со тепачка.

Почнува од аудицијата

Сталоне наведува дека проблемите со Гир (77) започнале уште на аудициите, на кои учествувал и Роберт Де Ниро. Иако импровизацијата со Де Ниро била продуктивна, со Гир тргнала во лоша насока. „Се сеќавам дека на почетокот со Де Ниро, сè одеше прилично добро. Се обидувавме да се надгласаме еден со друг и уживав во процесот“, пишува Сталоне.

Работата со Гир беше поинаква. „Импровизациите со Ричард Гир тргнаа наопаку. Тој ме зграпчи за кошулата и ноктите ми се забија во кожата. Му реков да се повлече, но тој го направи тоа повторно од вториот обид. Не можеше да знае, но почна да беснее во мене“, се вели во мемоарите.

Потоа Сталоне го праша режисерот Стивен Верона дали може да реагира на начинот на кој би реагирал во реалниот живот. „'Што би направил?' ме праша тој. 'Што? Ќе му ги скршев забите.' Тој одговори: 'Те молам немој.'“

Тепачка поради пилешко

Физичката пресметка се случила за време на паузата за ручек. Сталоне тврди дека го предупредил Гир да не прави неред со храната, по што Гир намерно го полил со пилешка маст. „Млад пилешка маст течеше од алуминиумската фолија врз мојата нога“, се присети Сталоне.

„Го удрив со лактот во градите, излегов од автомобилот, отидов до него и го извлеков од задното седиште“, опишува Сталоне. „„Еј човече, не сакам да се навредувам“, рече Гир. Јас реков: „Премногу доцна е...“ Стивен Верона застана пред Гир. На сите им беше јасно дека ова не функционира. Еден од нас мораше да си оди.“

Отказ и ново пријателство

По инцидентот, Гир беше отпуштен, а Де Ниро го напушти и проектот. Тие беа заменети со актерите Пери Кинг и Хенри Винклер. Промената во глумечката екипа доведе до доживотно пријателство меѓу Сталоне и Винклер, за кого Сталоне вели дека многу го поддржувал на почетокот на неговата кариера. Портпаролот на Гир не одговори на барањето за коментар за обвинувањата на Сталоне.

Тоа не беше единствениот забележан конфликт меѓу двајцата актери. Елтон Џон напиша во своите мемоари од 2019 година дека Сталоне и Гир речиси се скарале поради принцезата Дајана во деведесеттите години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Норвешка ги забранува паметните очила на плажи, во паркови и теретани

Норвешка подготвува привремена забрана за паметни очила на одредени јавни места. Забраната би се однесувала на паркови, плажи, музеи, трговски центри, училишта, градинки, здравствени установи, теретани и јавни настани. 

Норвешка ги забранува паметните очила на плажи, во паркови и теретани

Приватната употреба останува дозволена.

Торгеир Микаелсен, норвешки министер за дигитални работи, вели дека е загрижен што се воведува нова и моќна технологија каде што луѓето можат да бидат фотографирани, снимани со камера или микрофон без тие да знаат за тоа. Тој додаде дека не сака општество во кое луѓето се плашат дека некој ги снима без нивно знаење на места каде што се навикнати да не бидат следени.

Каде уште се ограничени паметните очила

Норвешка не е прва. Ограничувањата се множат низ целиот свет, а паметните очила веќе се забранети од судниците во Велика Британија и САД, како и од некои пабови, кина и ресторани чии сопственици се плашат за приватноста на своите гости.

Во Велика Британија, угостителот Џереми Кинг и синџирот пабови Wetherspoons веќе го кажаа тоа. Кино салите почнаа да го забрануваат или ограничуваат носењето очила во август, наведувајќи ги загриженоста за приватноста и пиратството на филмови.

Гувернерот на Калифорнија, Гевин Њусом, минатата недела стави вето на закон со кој би се забранувало снимањето на луѓе што носат очила без дозвола во соблекувални, лекарски ординации и други простории што се сметаат за приватни. Државата веќе има закони против нелегално снимање.

Француската група за заштита на децата E-enfance соопшти дека годинава добила околу 20 пријави за жени кои биле снимани без нивно знаење, од кои повеќето се однесуваат на очила Мета. Моделот е ист: млада девојка или жена на јавно место се снима, а снимката се објавува на социјалните медиуми како шега или улична анкета.

Мета, водена од Марк Закерберг, продава паметни верзии на очила за сонце Ray-Ban и Oakley. Продала најмалку девет милиони пара модели на Ray-Ban од почетокот на 2023 година. Компанијата вели дека секој пар со камера има LED светло што трепка бело додека снима, дека не може да се исклучи и дека камерата е оневозможена ако е покриена или оштетена.

Тагови: паметни очила

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер