Мицкоски: Потпишавме договори за 828 проекти за финансирање на општините - Канал 5

Мицкоски: Потпишавме договори за 828 проекти за финансирање на општините

Потпишавме договори за 828 проекти за финансирање на општините, има инвестиција од половина милијарда долари за ветерен парк што е сигнал за нова етапа на енергетска независност.

Мицкоски: Потпишавме договори за 828 проекти за финансирање на општините

Интегрален текст од говорот на Христијан Мицкоски, претседател на ВМРО-ДПМНЕ и премиер од трибината ,,Инфраструктурен бум-ги градиме темелите на промените“, во Гевгелија:

„Пред една година, народот ни ја довери честа и одговорноста да ја водиме Македонија. Не ни ја даде само власта, туку ни ја предаде надежта, очекувањата, разочарувањата од претходно. Државата беше понижена, но не изгубена. Народот кажа, доста беше. И промената започна.

Ја презедовме државата во состојба во која малку кој веруваше дека може да се исправи. По седум години безвластие и бесчестие, институциите беа девастирани, економијата пред пропаст, сиромаштијата продлабочена, а народот оставен сам на себе. Македонија беше држава киднапирана од картели, партиски врски и коруптивни шеми. Народот не беше граѓанин, туку заложник на таа мала тесна клика на власт. Институциите не беа сервис, туку сопственост на таа клика. Законот не беше рамка, туку алат за одмазда. Одговорноста не постоеше. Редот беше укинат. Вистината беше претворена во тишина.

Но, ние не дојдовме да молчиме. Не дојдовме да управуваме од комоција. Не дојдовме да ги гледаме проблемите. Дојдовме да се фатиме во костец со нив. Да се фатиме со вистината. Да се фатиме со темелите. Во суштина, да ја обновиме државата не со шминка, туку од корен. Како што рекол Черчил: „Не стануваш голем со избегнување на одговорноста. Големината почнува кога ќе застанеш пред вистината“.

Се сеќавате на шемите на Артан Груби, на соравиите на ДУИ и внчучињата на Али, да потсетам на гафовите на Ковачевски, тендерите во РЕК Битола или понизноста и клечењето на Заев и партнерствово во бизнисите со Венко Филипче. Истите тие кои мислат дека меморијата на народот се брише со гума, се лажат.

И свесен сум дека имаме исклучително тешка задача. Затоа првата година ја посветивме на основата.Во суштина, на темелите. Градевме институции кои всушност се за граѓаните. Повторно ја вративме функцијата на државата ,да штити, да служи, да создава. Воспоставивме владеење на правото, го стабилизиравме економскиот курс на Македонија, ја намаливме инфлацијата, го обновивме интегритетот на системот.

Започнавме реформи кои го раздвижуваат замрзнатиот јавен механизам и покажавме дека владеењето не мора да биде привилегија, туку чест и должност. Почнавме со тоа што никој не помислуваше и не сакаше да го допре. Го раскрстивме комфорот на политичкиот договор и се фативме со реалната борба.

И да. Секој почеток е тежок. Секој нов почеток е уште потежок, затоа што наследуваш веќе стекната состојба и не почнуваш од нула, туку од минус. И повторно градиш темели, одново поставуваш столбови, ги засилуваш носечките кои дотогаш биле дотраени, кршени и рушени. Тие нови темели стануваат фундамент на новата иднина која заеднички ја градиме, тие нови темели се секојдневната борба за тебе и твојата иднина. Тие темели треба да го донесат времето на Македонија, време кое допрва доаѓа. Најдоброто кое допрва ќе се случи. Она што сите го очекуваме, сакаме заслужуваме и за кое секој ден, се трудиме и чекор по чекор се бориме. Земја на пропсеритет, ред, развој, почит, човечност, земја на вредности. Земја со која ќе се гордееме, земја која ќе биде на вистинскиот пат, повторно твоја и ќе работи за тебе.

Инвестицискиот циклус што го отпочнавме е најголем во последната деценија.

Драги браќа и сестри ,

Пред само неколку дена, поставивме темел за еден од најголемите и најзначајните енергетски проекти во нашата историја, ветерниот парк со 55 ветерници што ќе се простира на преку 300 хектари во источниот дел на Македонија.

Инвестицијата вредна половина милијарда долари е јасен сигнал дека Македонија влегува во нова етапа на енергетска независност, зелен развој и модернизација.

Овој проект не претставува само чекор кон чиста енергија и заштита на животната средина, туку и конкретен доказ дека нашата економска и институционална стабилност почнува да дава резултати.

Македонија станува препознатлива како стабилна, сигурна и атрактивна дестинација за крупни странски вложувања.

Таму каде што со години имаше само зборови и празни ветувања, денес има резултати, кранови, машини и визија што се реализира.

Тоа е патот по кој одиме, пат на реализирани испорачани дела, а не на празни зборови.

Минатата година беше рекордна според приливот на странски директни инвестиции – 1,255 милијарди евра.

Тоа не се само статистички бројки, туку живи показатели дека конкретно македонската економија се движи напред.

Како индикатори за овој економски напредок, ги издвојувам растот на извозот на земјоделски производи во првите 5 месеци од оваа година споредено со истиот пет месечен период од минатата година за 57%. Зголемување на бројот на туристи во првиот квартал од оваа година споредено со истиот период од минатата година за 22%, а Обединетите нации ја ставија како осма дестинација за туристи, Македонија во светот.

Индустрискиот раст од 9,4% само во месец мај споредено со мај минатата година.

Тоа се резултати кои говорат сами за себе, за зголемена доверба, за нови погони, нови работни места, и за тоа дека економската политика е исправна.

Не може да имате силна економија без враќање на довербата кај инвеститорите. А, довербата се враќа со дисциплина, со стабилна институционална рамка и со непоколеблива борба против криминалот и корупцијата.

Тоа е моделот што го градиме, модел на одговорност, предвидливост и работа и само работа исклучиво во интерес на граѓаните. Обезбедивме средства, отпочнавме проекти и не застанавме ниту еден ден. За една година реализиравме или отпочнавме над 250 поголеми проекти низ цела држава. Тоа не се бројки за на хартија, тоа се мостови, патишта, болници, училишта, градинки, железници, локомотиви, авиолинии, автобуси, општински проекти. А токму денес, пред вас, ви кажуваме: следната година, бројот на проекти ќе се зголеми трикратно, токму поради ова што денеска го потпишавме, а тоа се оние нови 828 проекти коишто ќе ги финансираме за општините, односно за вас. Ќе реализираме проекти коишто имаат за цел нови работни места, нови индустриски зони, дигитални услуги и инфраструктура која ќе биде столб на модерна и стабилна држава.

Во инфраструктурата, го постигнуваме највисокиот процент на изградба од осамостојувањето до денес. Започнавме изградба на автопатот Тетово–Гостивар, Гостивар–Кичево и Прилеп–Битола. Го пуштивме експресниот пат Градско–Дреново, и Дреновска Клисура Фариш, го пуштивме и патот Ранковце–Крива Паланка. Го реконструиравме патот Охрид–Св. Наум, пругата Куманово–Бељаковце. Од нула локомотиви, за само три месеци пуштивме 11 во употреба. Воведовме 11 нови авиолинии. Обезбедивме 360 милиони денари субвенции. Доделивме над 100 социјални станови во Велес, Кочани, Струмица и Гевгелија. Започната е постапка за избор на трет мобилен оператор, што ќе донесе конкуренција и поевтини услуги. Отпочнавме процедура за набавка на нови 120 електрични автобуси, што ќе бидат распределени во неколку општини што имаат организиран градски превоз во државата. Автопатот Кичево–Охрид, кој беше заглавен со години, денес е во завршна фаза при што пуштивме еден дел. За прв пат во историјата на Македонија, се градат 4 автопати истовремено. Кичево Охрид, Прилеп Битола, Гостивар Кичево и Тетово Гостивар итн. И сето тоа го направивме без галама, без тапани, без фалбаџиски прес-конференции. Тивко, домаќински, државнички.

Подобривме плати во здравството. Подготвивме мерка за купување на електронски уреди за студентите. Ги зголемивме пензиите. И продолжуваме и понатаму да ги зголемуваме, и тука не запираме. Во следниот период, ќе следуваат уште поконкретни мерки за младите, за земјоделците, за работниците, за секој кој сака да гради живот овде, дома, во Македонија.

Но, токму кога државата почна да се исправува, кога граѓаните повторно почнаа да веруваат, кога се појави светлина по темнината, се појавија повторно истите. Истите луѓе, истите структури, истите лаги. Ги гледаме истите сценарија. Одеднаш станав повторно „антизападен“. Па „антиамерикански“, па што ли уште нема да им текне. Потоа пак се премислија, сум бил со Американците, ама против Европската Унија. А, сега, најновото што го прочитав во 2008 сум имал намера да се интересирам и да вадам бугарски пасош. За две недели, три идентитети. Но само еден народ. А тој народ, не можеш да го лажеш.

Јасно е зошто го прават тоа. Затоа што Македонија повеќе не ја водат полтрони. Нема веќе пазарење со идентитетот. Нема виткање кичма. Нема поткупување. Македонија не е за продавање. И тоа, за жал, се уште има такви коишто можат да го поднесат.

Почнаа лаги. Почнаа клевети. Почнаа конструкции. Зошто? Затоа што не можат да нè победат на избори, не можат да не победат со работа. И затоа сакаат да победат со лаги, но и тоа не им оди. Затоа што знаат дека ВМРО-ДПМНЕ не можат да го скршат. Па сакаат да го избришат. Затоа што знаат дека немаат друг начин. Слушаме за милиони евра влезени во државата за рушење на македонскиот идентитет, за создавање структури кои треба да го дискредитираат ВМРО-ДПМНЕ и да ја разбијат националната свест. Но, тоа нема да им успее. Затоа што народот гледа. Затоа што народот не е наивен. И затоа што ние стоиме исправено. Со крената глава. Без срам и велиме: Македонија ќе ја браниме и таа не е за продавање.

Историјата нè учи дека секогаш имало луѓе кои ја бранеле Македонија, и комити, и војводи, и партизани, и бранители. И секогаш имало, без исклучок, такви кои ја предавале. Првите биле тивки, но исправени. Вторите гласни, но поткупени. Но, историјата ги помни само првите. Како што рекол Теодор Рузвелт: „Во секој век, има малкумина кои стојат исправени додека сите други се поклонуваат“. Тоа се луѓето што ја менуваат историјата. Годината е изборна. Непријателите на Македонија се нервозни.

Нема веќе полтрони и снисходливи, срамни политичари што ја брукаа државата, што ја виткаа кичмата, на едно кивање однадвор. И тоа им пречи на некого. И тоа е сосема нормално и тоа е сосема очекувано.

Приметете многу прецизно. Тие без срам велат дека ќе прифатат се што бараат бугарите. Филипче вика Бугари во Устав, а зошто да не. И веднаш потоа и самиот признава, и самиот знае дека тоа не е единствениот услов, туку во игра е и јазикот, идентитетот, културата, многувековната традиција и наше наследство. Тој свесно прифаќа да се прифатат бугарските барања и да се пазариме за наредната фаза, наредната црвена линија од која нема назад, демек тоа за него било иденитетот и јазикот. Е тука имаме голема разлика. Нема попуштања и нема чекор назад, затоа што веќе нема простор за играње со чуствата на Македонците. Јас отворено зборувам за овие работи, без ракавици, затоа што работиме чесно, затоа што нема како нив да прифатиме се што ќе сервираат на маса, само за да се прогледа низ прсти за некаков криминален тендер што беше традиција во претходната влада. Затоа ослободени од тој багаж, јас ќе говорам и за оние неколкумина дволични политичари во Европа, за двојните стандарди коишто ги презентираат, што ни ги наметнуваат, за предолгото чекјање и намаленото трпение. Но и за лажливата опозиција потоната во скандали, која не е никаква алтернатива, туку точно директен и конкретен рецепт за пропаст на Македонија. Ова не значи да се откажеме од европската иднина, и од нашето партнерство со пријателите од Европа. Но, секако значи дека нашата најглавна задача да се сочуваме себе си, да ја развиеме економијата и обезбедиме иднина за секој човек, мора да ја завршиме.

Ние сме на вистинската страна на историјата. Другите се на погрешната. А, ако ја видите цената за која се продале од опозицијата, иако може таа ним да им изгледа како многу пари, ќе видите дека е евтина. Впрочем, какви што се и нивните лаги. Какви што се и триковите што ги користат, и плановите што ги договараат зад грбор на народот.

Но, времето на лагата завршува.

Доаѓа времето на Македонија.

Оваа борба не е борба за избори. Оваа борба е борба за Македонија. За достоинството. За надежта.

Ја поставивме основата. Го поставивме темелот. Сега ќе го изградиме домот. Домот на вистината. Домот на правдата. Домот на народот. Домот на иднината.

Драги браќа и сестри, дојде времето, а тоа е времето на Македонија.

Времето на промените. Времето за тебе.

И никој, ама никој, нема да го запре.

Македонија мора да оди по вистинскиот пат. Да правиме заедно големи чекори напред. Заедно и снажно. За Гевгелија тука и за цела Македонија.

Бог да ни ја благослови Гевгелија,

Бог да ни ја благослови нашата Македонија,

Да сте живи и здрави.“, рече Мицкоски во Гевгелија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мајка му на Роналдо разочарана: Мило ми е што Португалија изгуби, не го ценеа

Португалската фудбалска репрезентација претрпе убедлив пораз од Данска во Лигата на нации, губејќи со 4-1, а ова беше и првиот натпревар откако Кристијано Роналдо официјално ја заврши својата меѓународна кариера.

Мајка му на Роналдо разочарана: Мило ми е што Португалија изгуби, не го ценеа

Мајката на славниот Португалец, Долорес Авеиро, не го прифати овој пораз лесно, туку беше среќна, бидејќи како што вели, нејзиниот син не бил почитуван.

- Роналдо е тажен, сакам да беше поинаку. Тој е тажен затоа што бил измамен. И јас сум тажна. Сега загубија во Брага. Тоа беше пораз и е добро за нив, ми е мило што Португалија загуби. Тие не го почитуваа Кристијано - рече Авеиро, како што објави „А Бола“.

Како што вели таа, никој не го почитуваше нејзиниот син.

- Не, никој од нив. Тоа е она што го чувствувам, тој не беше почитуван. Дури ни од неговите соиграчи.

Таа не беше задоволна ниту од збогувањето што Португалската федерација му го даде на Роналдо, кога, имено, сите играчи излегоа во дресови со број седум.

- Не ми се допадна оддавањето почит во Брага, бидејќи оддавањето почит мора да се направи со него, а не без него. Вистинското оддавање почит ќе му го оддаде Спортинг. Таму го ценат.

Да потсетиме дека Роналдо го напушти кампот на репрезентацијата во септември, на средина од преодниот рок за Лигата на нации, а официјално објави на 5 ноември дека ја завршува својата меѓународна кариера, која траеше 23 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

На 46 години почина поранешниот македонски репрезентативец, Владимир Секуловски

Тажна вест го потресе македонскиот фудбал, бидејќи поранешниот репрезентативец Владимир Секуловски почина на 46-годишна возраст.

На 46 години почина поранешниот македонски репрезентативец, Владимир Секуловски

Секуловски играше за неколку познати македонски клубови во текот на својата богата кариера, меѓу кои се „Вардар“, „Тетекс“, „Слога Југомагнат“ и „Работнички“.

Роден е во 1980 година и остави значаен белег во локалниот фудбал. Во текот на својата кариера освои шампионски титули и трофеи во Купот на Македонија, а особено се памети времето поминато во Тетекс од Тетово.

Неговата смрт претставува уште еден тежок удар за македонскиот фудбал, но и за градот Тетово, кој беше потресен од веста за смртта на Агрон Мемеди само два дена претходно.

На овој начин, македонскиот фудбал загуби уште еден поранешен репрезентативец кој ја обележа домашната сцена со своите настапи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Казнет е монструмот кој со нож избоде три деца пред училиште- нападот предизвика протести во Даблин

Алжирец кој се обиде да убие три деца пред училиште во Даблин во ноември 2023 година во напад со нож, во кој сериозно беше повредена и наставничка која ги придружуваше, е осуден на доживотен затвор, објави суд во ирскиот главен град.

Казнет е монструмот кој со нож избоде три деца пред училиште- нападот предизвика протести во Даблин

Бушакер беше прогласен за виновен и за напад на две мали деца и еден тинејџер, како и за поседување кујнски нож од 36 сантиметри.

Ријад Бушакер (52) го изврши нападот на 23 ноември 2023 година на плоштадот Парнел Ист во Даблин, кога избоде две девојчиња и едно момче додека чекаа пред училиштето, а нападот, забележува Скај њуз, предизвика немири во ирскиот главен град.

Бушакер ги негираше обвиненијата, но претходно оваа година, по судењето во Централниот кривичен суд во Даблин, беше прогласен за виновен за обид за убиство на три деца, како и за нанесување тешки телесни повреди на наставничката Лијана Флин.

Таа претходно ги зела децата од училиште и ги однела во градинка кога се обидела да го запре напаѓачот. Потоа напаѓачот ја избодел, а други минувачи ѝ притрчале на помош и успеале да го совладаат.

Флин била однесена во блиската болница по нападот, каде што била ставена во индуцирана кома и била подложена на итна операција. На судењето се слушна дека лекарите морале да ѝ ја отстранат слезината и дел од желудникот, како и дека претрпела повреда на белите дробови.

Поротата слушнала за време на судењето дека едно од девојчињата претрпела тешко оштетување на мозокот од недостаток на кислород откако срцето престанало да чука, но лекарите успеале да ја реанимираат.

Девојчето, кое имало пет години во времето на нападот, сега има доживотна состојба што сериозно ги ограничува нејзините способности за живот и бара 24-часовна нега.

Преку преведувач, Бусакаир рекол дека добил „негативна одлука“ од социјалните служби и дека чувствувал дека „оваа земја му кажува да си оди“.

Тој тврдел дека е болен, не е при здрав разум и не сакал да ги убие или повреди децата.

На судот му беше кажано и дека Бусакаир имал операција на мозок во 2021 година и дека претрпел дополнителни повреди на главата за време на интервенцијата на граѓаните кои го совладале, поради што останал во болница околу еден месец.

Немирите во Даблин избувнаа на 23 ноември 2023 година, по нападот со нож врз три деца и нивниот наставник пред училиште на плоштадот Парнел, кога групи демонстранти, вклучувајќи екстремно десничарски и антиимиграциски групи, се собраа во текот на попладнето и вечерта откако дознаа дека осомничениот за нападот е од алжирско потекло.

Демонстрациите станаа насилни во текот на вечерта, при што учесниците нападнаа полиција, палеа полициски возила, автобуси и трамваи, кршеа излози и ограбуваа продавници.

Немирите предизвикаа штета од речиси 20 милиони евра, а десетици луѓе беа уапсени.

Ирските власти и полицијата проценија дека насилството е поттикнато од екстремистички поединци и групи кои ја искористија трагедијата за ширење антиимиграциска пропаганда.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер