Тој обвини дека полицијата упаднала кај обични лојални луѓе на партијата, не станувало збор за поранешни или актуелни функционери , но на фејсбук статусот тој не открива конкретни имиња, така што јавноста остана покуса за информацијата кои се луѓето кои биле мета на полицијата.

,,Со специјалци, огнено оружје во домовите на честити луѓе, домаќини, но однеднаш за соседите, и согласно употребената полициска сила стануваат сомнителни поединци за кои има “сомнеж за антидржавно делување”. Еден од нив има три деца, а можете да замислите каков надреален трилер е само за неговите малолетни деца кога специјалци вооружени прават претрес во детската соба затоа што единствен грев на неговиот татко е што мисли поразлично од власта, другиот го задржале во полициска станица зошто имал чаура зачувана од неговата свадба пред повеќе од десетина години, другиот сомнително им изгледал, а тоа според полицијата на Спасовски е тешко кривично дело во обид“, напиша Мицкоски на фејсбук.

Од министерството за внатрешни работи велат дека политички мотивирани упади не се случиле, туку дека бркаат криминалци.

Министерството за внатрешни работи ги демантира дезинформациите изнесени од страна на г-динот Христијан Мицковски преку социјалната мрежа Фејсбук за наводни упади во домови на активисти на ВМРО-ДПМНЕ поради, како што вели, нивното незадоволство од она што се случува во државата. Полицијата, по смената на раководството во 2017 година, работи професионално и само и исклучиво врз основа на законите. Согласно законските надлежности се преземаат различни акции, но ниту една не е мотивирана од политички мотиви туку исклучиво за санкционирање на одредено криминално делување, со цел подобрување на безбедноста на граѓаните,, се вели во демантот на МВР.

Канал 5 стапи во контакт со Мицковски за да информира кои се луѓето во чии домови наводно упаднала полицијата. Мицкоски кратко ни одговори ,,Точно знае полицијата кои се луѓето ,,