Со положување цвеќе пред споменикот на претседателот на Крушевската република, Никола Карев, пред Собранието почна одбележувањето на Илинден во Скопје... Продолжи пред споменикот на АСНОМ во паркот „Жена Борец“ и традиционално заврши кај споменикот на првиот претседател на Президиумот на АСНОМ, Методија Андонов – Ченто на плоштадот „Македонија“. Државната делегација ја превдодеше премиерот Христијан Мицкоски, кој по чествувањата во изјава за медиуми порача дека Илинден е симбол на жртвата која генерации пред нас ја дале за слободна Македонија.

„Овој ден нека нѐ потестува на жртвата која што генерациите ја оставиле за да може нашата генерација да го има ова што денеска го имаме, а тоа е слободна, независна држава Македонија.Нека нивната жртва нѐ потестува каква држава треба ние да оставиме на генерациите коишто следат после нас. Држава во која што ќе имаме среќни граѓани, држава којашто ќе биде просперитетна, држава којашто ќе биде на сите без разлика на етничка припадност. Овој ден нека нѐ обединува, да се слави и нека ни е вековит денот, да го чествуваме достоинствено и напомош нека ни е Свети Илија.“

Претседателот на СДСМ Венко Филипче присуствуваше на манифестацијата во Крушево од каде честитајќи го празникот меѓу другото порача и дека мораме да ги оставиме на страна поделбите на патриоти и продавници и дека вистински патриотизам е само унапредување на државата.

„Мора најпрво да се присетиме и да оддадеме признание на сите жртви коишто со својата крв, со својата жртва се вградија во темелите на нашата модерна држава. Тие ја започнаа борбата за да од една сиромашна, полуфеудална и неразвиена земја ние сега живееме денеска во модерна и развиена држава. Меѓутоа мора да признаеме дека нашата ововременска борба не е завршена, дека мораме уште многу напорно да работиме, да конечно станеме дел од Европа каде што припаѓаме, и цивилизациски, и културно, и географски. Сите заедно мора да работиме и да ги оставиме настрана и поделбите и квалификациите на патриоти и предавници, затоа што вистински патриотизам е само унапредување на нашата држава.“

Иако е период на летни одмори, празнично центарот на Скопје беше раздвишен. Убавото време граѓаните го искористија за прошетки. Велат дека се свесни за важноста на денешниот празник, ќе го прослават и упатуваат честитки.

„Тоа е основен празник затоа што веќе три Илиндени имаме. Прво е Илинден востанието коешто не успеало но сепак се покажала храброст, второто е Илинден кога АСНОМ се прави и третиот кога бевме самостојна држава.“

„Еве сега идам со друштво да се видам да прославиме. Да ни биде среќен и вечен. Убаво е и времево денеска. Ви го честитам празникот, нека биде се најдобро, нека биде убав денот.“

„На Водно ќе одам и така. Како нема да биде важен празникот, е за Крушевската република.“

Честитка по повод Илинден испрати и лидерот на ДУИ Али Ахмети со која уште еднаш ја искористи за да обвини дека се поништува Охридскиот договор кој го нарекува модерен Крушевски манифест. Порачува и дека Албанците се определени за заедничка и унитарна Македонија и се друго е пропаганда. да работиме за еднаквост и заедништво, и да престанеме да го третираме овој дом како „твој“ или „мој“, туку како наш” – пишува во честитката Ахмети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.