Македонија

Мицкоски: Отворен е регионален стационар за згрижување на бездомни миленици во Кавадарци

Претходните говорници кажаа за што станува збор, за што сме денеска тука во Кавадарци. Мене ми е, би рекол, во последниве два, три месеци, трет пат како сум во Кавадарци, помеѓу кавадарчани.

Сакам да му честитам на градоначалникот, на советниците, на администрацијата за посветената работа што ја прават овде во Кавадарци. Да посакам уште многу вакви проекти.

Воедно, ја користам оваа прилика и да се заблагодарам на колегите од Владата коишто исто така допринесуваат не само во Кавадарци, туку и насекаде во Македонија да се реализираат проекти и тоа е добро. Тоа е добро кога се гради, затоа што многу работи треба да се изградат, да се завршат, да се обноват. Едноставно тука ја добивме довербата кај граѓаните и не смееме по ниту една цена да ја прокоцкаме таа доверба.

Ние како влада и јас лично ќе дадам сѐ што е возможно и сѐ што е во наша моќ да реализираме што е можно повеќе проекти, коишто ќе додадат вредност во животот на граѓаните на целата територија на државата, без разлика дали општината има градоначалник од владината коалиција, од ВМРО-ДПМНЕ, од ВРЕДИ, од ЗНАМ или пак е од опозициската СДСМ или пак од Демократската унија за интеграција или пак е независен и така натаму.

Така што, јас сум пресреќен што можам да видам дека се реализираат проекти. Дозволете ми да споделам со вас една убава вест, а тоа е дека, ме информираше Министерот за локална самоуправа дека заклучно со денеска, практично бидејќи имаше неколку денови оставени за по пошта да стигнат проекти, сите општини, 80 општини поднесоа апликации за реализација на проекти од вториот повик.

И можам да кажам дека сега имаме близу 900-тини само од вториот проект. Или кога ќе се соберат од првиот и вториот повик заедно, тогаш ќе имаме вкупно 1.200. Тоа се 1.200 градилишта во Македонија. Тоа е историска, би рекол вековна работа. И тоа го правиме за идните генерации, но и за денешните генерации кои што заслужуваат подобри услови за живот.

Ние ќе продолжиме да реализираме и во периодот кој што следи и очекувајте многу убави вести, следниве неколку месеци, за граѓаните и за Македонија како држава, бидејќи ќе повторам добро е да се гради, тоа е она за кое што не избрале граѓаните.

Сосема на крај, уште еднаш, благодарност до градоначалникот и до сите оние кои што денес беа со нас граѓани, кавадарчани, што беа исклучително добри домаќини.

Од тука продолжуваме во Моклиште каде што ќе промовираме уште неколку проекти за кои што зборуваа претходните говорници.

И она кое што, сосема на крај, сакам да го кажам, со среќа нека ни се овие проекти и уште многу вакви би рекол започнување и завршување на работи да ни се случуваат во годините кои што следат, изјави премиерот Христијан Мицкоски при посетата на Кавадарци.

Тагови: Кавадарци Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Очекувам во дадениот рок да бидат завршени работите на автопатот Охрид-Кичево

Очекувам во наредните неколку месеци да се завршат најголемиот дел од работите и автопатот Охрид-Кичево да биде пуштен во употреба согласно воспоставениот рок идната година

Ова во „Вести Плус“ го порача вицепремиерот и министер за транспорт Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Пожарот во село Раец е целосно изгаснат

По три дена непрекината, макотрпна и пожртвувана работа, пожарот во село Раец е целосно изгаснат, соопшти првиот човек на Општина Кавадарци, Митко Јанчев.

Во овие исклучително тешки моменти уште еднаш се потврди силата на солидарноста и несебичната посветеност на сите служби и поединци кои деноноќно беа на терен во борбата со огнената стихија.

Упатуваме искрена и огромна благодарност до ТППЕ Кавадарци, ТППЕ Неготино, ЈП Комуналец Кавадарци, Дирекцијата за заштита и спасување (ДЗС), Центарот за управување со кризи (ЦУК), Општата болница Кавадарци, Шумско стопанство „Бор“, Министерството за внатрешни работи, Армијата на Република Македонија, ОВР Кавадарци, Гранична полиција – Југ, доброволните противпожарни друштва, како и на сите доброволци и жители од с.Раец и с.Дреново, кои на различни начини помогнаа во справувањето со пожарот.

Вашата храброст, пожртвуваност и несебична поддршка беа од непроценливо значење за успешно надминување на оваа сериозна состојба.

Благодарност до сите што дадоа свој придонес. Заедно покажавме дека кога сме обединети можеме да се справиме и со најголемите предизвици, додаде Јанчев во објавата.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Трагедија во Италија; Сопругот на министерката пронајден мртов

Повеќе од еден месец по неговото исчезнување, пронајдено е телото на 84-годишниот Луиџи Кавалари, сопруг на италијанската министерка за семејство Евгенија Рочела.

Неговите останки беа пронајдени во езерото Вико во покраината Витербо, каде што исчезна кон крајот на јуни додека пливаше. Според весникот „Кориере дела Сера“, Кавалари исчезнал на 27 јуни откако скокнал во езерото. Телото е пронајдено во вторник од полициски нуркачи кои го пребарувале подрачјето повеќе од еден месец. Откако било извлечено на брегот, ќе следи официјална идентификација, додека државното обвинителство на Витербо нареди обдукција за да се утврди точната причина за смртта.

Потрагата по 84-годишникот беше исклучително тешка. Во операцијата учествуваа експерти од цела Италија, користејќи сонар и подводни роботи поради екстремно ниската видливост во езерото. Дното беше покриено со густа кал и алги, што ја отежнуваше потрагата за спасувачките екипи, што доведе до потрага која беше безуспешна повеќе од еден месец.

Според весникот „Кориере дела Сера“, трагедијата се случила додека двојката престојувала во семејниот дом на езерото Вико. Откако скокнал во водата, Кавалари накратко се појавил на површината и се пожалил дека не се чувствува добро.

„Не се чувствувам добро“, наводно рекол кратко пред повторно да исчезне под површината на езерото. Тревогата веднаш ја кренала неговата сопруга, министерката Еугенија Рочела, која ги повикала службите за итни случаи штом сфатила дека нејзиниот сопруг не се вратил на површината.

Двојката ја прославила 50-годишнината од бракот во март оваа година. Кавалари бил инженер, универзитетски професор и академик и ретко се појавувал во јавноста, главно на официјални настани со сопругата. Тие имаат две деца, а семејството со години го криело својот приватен живот од очите на јавноста. Неколку дена по неговото исчезнување, Рошел им се заблагодарила на социјалните мрежи на сите што ѝ испратиле зборови на поддршка за време на потрагата.

„Сакам да им се заблагодарам на сите што ме поддржаа на различни начини во овие тешки денови. Бранот на сочувство што длабоко ме допре во овој трагичен и болен момент за мене ми помага да продолжам понатаму. Ви благодарам“, рече таа тогаш.

Извор: Б92

Фото: ВИ

Тагови: Италија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.